¹ Tasmá a'ka tishtapá, inkarike tuma in arunbatuwá ekayó. Inkakes tasma napá to' tis ates ameshkaya ameshka on chaama to' Señoryó. ² Arihhawá arwã as en Cristoma taro kuí ukua ka a su'ña, riki o apesh arahnayari arihtawã, Patatishta arihwá, to' neí piri akatesh menña. ³ Arihawá in arwaí, apeshña óh apesh arahnayari, arihtawa Patatishta arihwá. ⁴ Akés to'ma ta wehi paraisoñá iweshki to' yas we' eña inki tañah ñehpike. ⁵ To' ta arwa yoma, a'ka tishish aka'pá to'karike tasperna a'ka' tichisma aka'tapa, akes tasma toh ta púnnaras. ⁶ To' ta arwayoma, a'ka tishish aka'pá to'karike tasperma a'ka' tichishma aka'tapa, akes tasma tah ta púnnaras. ⁷ Akesma ki' a'kama ichish aka'tapa to' naturalezama extra ordinarioma ohcha ahí, akes tasma tehrí aguijon as ta peshña, maisara ñah ñahta ás tarachihí, tasma ki'wartapehí kresh orgulloso tishtaparo. ⁸ Krihmén ta'ka ari inro, te tapeshkertiíro. ⁹ Inkarike ti'takí: "Tas akaparkama to'che eñaí pa i'ro to'ta tapunmá kresh en tishpe tahta punna ahraña". Akes inro eñai a'karo tah ta punnuña, to' Cristo ahta pún tasya topiro. Inkarike ti'taki: "Tas akaparkama to' che eñaí pa i'ro to'ta tapunmá kresh en tishpe tahta punno ahraña". Akes inro eñai a'karo tahta punnuña, to' Cristo ahta pún tasya topiro. ¹⁰ Akes ahrari a akari Cristo yo rishka á, tahta punnya, ñahwarkiña, ñah ahraña ta prolerña eña chatawa. Akes ahtanta punnuma, akes ahtapun ta te'kuá. ¹¹ ¡Tasma tahranuwa! Pawaí paya ta' takuriwaí, en kakes ka arishkini areshkrii payowa. Akesrima tasma itahrawa unta asaña to' karwahnirí to'ma apostol lerí, akesma tasma in tahrawa. ¹² Akesma tarhí to' apostol nerí ki'lera pawahí awakuya krihro, akarwa as akasteshki a'kari atún ishkri. ¹³ Akés inkelerisa pawaí pama akinari akasteshkri weshkeña ka oña, ¿Excepto tasma pi kua tahripe pawayo? ¡Kua tar peshku warkua ishkariña! ¹⁴ ¡Chauwa! aakari che' aki naparo pawaya krih men to'ma kua' tahí pawahí, akesma tasma ka ishtan takiwa ta' pa pe'waí. Tasma ka ishtaki'wa payowá. Akesma pata ye'ma to'kena tahlerishki a tu'pe pa tusrí, akesrima patus yo ki'lere tu kepiro pata ye'ro. ¹⁵ Tasma we'yo ka ishkawa tastero on ka'pa akesma on ka'pa to' akua'ña. Tasma we' picha uwãwĩ, ¿Tasma amado aye'ripe? ¹⁶ Akashkua kenai, tasma atahri to' akuaí. Akes tasma astutoras, kahkuharí to' kaselerña ¹⁷ ¿Inkakẽs tasma sukuhari payowá alguno tasya katuharí? ¹⁸ Tasma ta'kari Titoma payo nelerpiro, tasma tuhari to' a arki ekayo. ¿Akashkua Titoma sukuhi payowa? ¿Tasma tahtesh kerya? ¹⁹ ¿Pawahí ameshkemá kuih krihro untasma ã õh rishbarí Pawahí awakiña? To' Patatishta awaña, untasma a'barií to' Cristo yo nabarí ñehí krihro eña tishpiro. ²⁰ Akes akatiawá a na bón pache to' achamba piche tahrarí ta ki'wá. Akatiawá anukepikená, katiwarí, akaspaskera to' akaiwarí, to' warkua ishta, ñahkasarí a a'ka ti chishki'warí. ²¹ Akatiawa to' tás napache, a tasma Patatishta a ye'raro pi wakiña a pawahí. Akatiawá ameshkawá to' taki'lepiche a wrishlerí ata warkua ishkrií ki'ri ameshkera eña ishkerti'ima warkuapé ameshkera wetri eñape a aki'ra weterurí eka ishkerurí.