Juan_HRomeroC-pay_2co_text

Capítulo 11

¹ Pawayó ka ishtakiwá ki'lerá tís. ¡Warkua ishpa! ² Akes tasma katiwá rishkawa payowá, tasma katiwa rishkawa ã Patatishtaí payowá, inkermá ta'pika ariwãwĩ sawá sukuhurimá pi arwãyó tasyá ka arí pirschiwĩsparo de'corta korta arihtihí ã Cristo. ³ Tasma akatiawá to' astamá, ã pirikata' arkesei ã eva añahyõ, pa pitasã mañá pawayo patawapé to' toh warkuaya kãrah akenari ñahpari ã Cristo. ⁴ Ñahparimã aste'ki ñahñehpiro akuaro Jesús akuari untasí ñahparí, ñahparimã pawahí sukuhupi akuansa ãs akuari to'sukuhuriwãwĩ. Ñahparimã pawahí sukuhlera to' evangelio akuari sukuhriwaí ¡Payowaí ka'ñawĩ yas we'rí eñaí! ⁵ Tas ameshkawá tasma warta pehi ki'ritahra asayá tuyalera ama karwahní kristamã tuyaleri apóstoles lerí. ⁶ Akẽs tasma aa'taririkẽ tasma tahchawĩketiri, ñahñahparo, toh chawisketiririkeá pata sãyó, krihró ãstahnimá yas krihró, untasma ta'pikã ariwaí payowá. ⁷ ¿Inkẽ tasma ti'takĩleri pawahí a'kã'ti'pikilerpiro? Tasma ikẽ ta'ka'paró ã ôhaschaní pawahí ã evangelio to' Patatistayo. ⁸ Teshkera to' ãs Iglesia, sukuhpiro to' ekayo tasma ka'paro ã payowã. ⁹ Tas a a'kariché payowá aa'kariche takachitiri, tasma tarari ã aschaní ama ike takachitiiri tehrií ta arkiyá to' chirií ã Macedonia, krihro ẽn takakirií krihro ã kuã tarií pa yowahí, tasma ka'yaa'pa. ¹⁰ Tukrii to' yarma ã tasya akí, to' arãnpiamá katiraripé ã Acaya. ¹¹ ¿Inke? ¿Inke pata cha enkií? Patatishtaya arihwá. ¹² Taska aí, tasma ka'pa atahtu'rima tasmá ka'pá atahtuk ta'kaka'pa to' ti'ta'kileri to' ta'kakpá ekamá ñehlerí ã aka' tishkepirishkerí ekãma ki'lerwa katúm aspesi untasí. ¹³ Inkẽ Peshlera'sa ñahkasata to' apostoles, katuishtama ñah kasatalerwá. Ekama ratarihlertipiro to' apostol de Cristo. ¹⁴ Ñamá akanatahí, inke to' ameishsará arihlertipiro tishkí to' angel kamaskuâké. ¹⁵ To' kenatahi ã katuishta awá arihlertipiró ã katuishtake eñaí Piyane ishkuasá to' katuishkaí eña ishpií. ¹⁶ Wartipehi ñah hawá: Aschaní ameshtí tasmá arihtawã. Akes ki'lerma, tasuhuwa arihtake taswa wehñahparo. ¹⁷ To' ñahaí ta'karí ãakẽ to'hí ahriwarás a'ka tichishkiwa Patatishta yoma tahí, tasma to'kenatahí to' kapashkaíparini yar iyá. ¹⁸ To'ma we'lerwa peshka a'ká tichishkilerwa a yukuké taswa yarrapá. ¹⁹ Pawahí ahrarí ta puniyawí to' yarlewãwĩ, ¡Yarmatí pawahí eiriyá! ²⁰ Inkẽ pawahí tapehlerá ama ti'pataki lerí, patakiilerprá, ama yar ishpe payowá, tasma yarhí tãské payowá, ti'pataki'lermá pata watapa'ñá. ²¹ Tasma ishtakiwã untasña ishpro tasma wehkariyá ã ka apirií, to' asrini ãhka tishkua tasma ka pashka iskawã amá ah'kaké, taswá a'katishkaí. ²² ¿Ekama Hebreolera? Taswaí, ¿Ekalerwa israelitama? ã taswa, ¿Ekalerma ã a inlerií to' Abraham? Taswaí. ²³ ¿Ekalerwa to' katuishtaí ã Cristoi? (Tasma kapashkarií to'tasi a akari warwichinké). Tasma we'rawá, tasma a akarí katunña ama kua kuanarí, we'rií kahkatishkrií karpishkrí inkini piki'rii, awakiña ahuki tapehrí tis ishrí ahmaskerurí. ²⁴ To' Judioma sukuharí ohki to' "Ukuakah tarpishkrí to' ás ká" ²⁵ Krih mén tarpishkri to' pen yo kristama tar pishkri krih mẽn austoka ishkarí teshkari kakaña a ãsteshkawa take aaña asteshkawá. ²⁶ Tasmá teshkawá akawár akawárña, osoña tish ish, ka ishtishta tis ish lerí, tis ishleri to' unta wa'lerií, to' ishleri ã gentilesmá, to' kaaña tish ishlera, tis ishleri ichituña tis ishleri takeñá, ishlerí ñah kasataí to' unta arkií. ²⁷ Tasma a akarií tahka tunña wawahnarí ã waripé, to' wehrií kakaña otaruí wayo ã aso tokishrií, we'rima wartapehima ã taruí, teisayórí unta peshka. ²⁸ Krahpo' krihró to' ãstamá, ima ñaí untakatishkeri a asrí untas aaña untasí to' krihró Iglesiamá. ²⁹ ¿Tasa ã mẽnmén akí, tasma mẽnmén a a'tari? ¿Taro kaurisa artataspiro, tasma akaya a a'taarí? ³⁰ Tasmá a'ka'tishpaí, tasma a'kãtishka kĩshña ã krihro mẽn menaakari. ³¹ Patatishtarí a tus rí to' Señor Jesúsma, to'ripe ayeshki tawarkepe, ¡Arihiya tasma kasatawã! ³² To' Damascoma, to' patasãí tu'rí ã rey Aretas aakirií kakiwaki to' kaañá to' Damascoñá ã tasukuhpií. ³³ Akesmá tar monokri to' Canastaña ã ventanaya sãka oña pesawaya trokarií.