Juan_HRomeroC-pay_2co_text

Capítulo 1

¹ Pablo, apostol asrií de Cristo Jesúska Patatishta a voluntad rish, i'ka Timoteo unta arkí, akes Patatishta akoôri aniña chuí Corinto ña, i'ka creyente kari'ro toh región kari'roña ã Acayaña. ² Toh karenma pa pecheí ã Patatishta ã pazrí unta tus i'ka ã Señor Jesucristoâ. ³ Toh Patatishta i'ka unta tus del Señor Jesucristo akẽ alabad ka'para. Ekama tus i de misericordia akes Patatishta en patachẽwa. ⁴ Patatishtama en patachẽwa toh yas amesh chapama, i'ka untaswa tohke kakaâpiro toh yas amesh chẽrrí, untaswa toh akua lerwa tohke kakaâpe ake Patatishta ishkuake. ⁵ I'ka ake âke âhsirií Cristoâ wehrí chií untasrish, tohkena ripé patasñawa a ôhsi parma ekaro aâhpe untakeraña ã Cristoí. ⁶ I'ka untasro amesh chaparma, tohma unta consueloí unta salcacionchẽ, i'ka consolade parma, akes ima consuelo pa pecheí. Ã consuelo paperwaí tohma chuwa akashkua pawaí awakerma tarirí askena lerá to ôhsi leryó ãké ôhsi parwa untaswa. ⁷ Unta confianza perish en patacheíâ, i'ka untashí tohke ishparma ã ôhsike, tohke kawishparpe ã consueloí. ⁸ I'ka untasma kartõshtihí pawaí, arkiwa, toh warkua kakaneí a Asiaña. Untas en aâhpartihí ã patakihrikema i'ka awãsta pataki'rí akes tohkarish chapartihí wehrí. ⁹ Tohkarish, ake ômnapirií untasró, ima tohkena rií confianza patakachitipiro untas parña, i'ka Patatishta ñape, atah ôhlerií kaishpakua. ¹⁰ Ekaña en patakií ôhnapiriña, i'ka Ekaña en patakipe wartapehiâ, untasma confia ishpara Ekaro i'ka wartapehí en patakipe. ¹¹ Ekaña ihspe ihí palerwa untahwarkerma pawa arñahuwa akashkua wehrí karen ishkerpé patah rish i'ka toh don misericordioso patanhaí toh arñehlerish ã karihro. ¹² Aâhparih ararih irish: Unta testimonio rish i ishparih. Irish puro y sincero Patatishta te'kuaí toh kukña weparish, untasma inke ishparií payowa karesh, unta ameshkayomahô, i'ka Patatishta akaparen rish. ¹³ Untasma kakospartuwa toh i aweshkutipihi keña mahô toh i arihlertukeña mahô awahpara. ¹⁴ Tohké pariñawike en patarihlerí tish, untasma rapé palerish ararih aâkupiwa toh Jesús aêhchẽ untasyo asken, i'ka pawâh raupiwa ararih chaâ piro untasyowa. ¹⁵ Akena rií taske confiado enrí, tasma pañahwa te'parií ki'tish, i'ka en kachelermiro toh pok kaôweta. ¹⁶ Tasma planifica ishkarií na kachamaro ta' Macedonia newaña. Akashkua ta'rarií wartapehí na kachamaro Macedoniaña, i'ka waripe pawaí tar bakuwa Judeaña. ¹⁷ Akashkua tohke ameshkama, ¿Tasma aâkarí ameshkaîh? ¿Tasma planifica ishtawa arwã ñeh lerkemaâ, tohke "yarhí" ô "hôtanhí" ake asken? ¹⁸ Ake Patatishtama fielraí, untasma ñahpartuwa "yar" ô "hôní" ã asken. ¹⁹ I'ka Patatishta aye' Jesucristoâ, Taro arwaparma, Timoteoyo tasrí ñahpara pañahwa, akes "yarti" ô "honí" akenatanhí, Ekama "yarhí". ²⁰ I'ka toh yas Patatishta ê'ma "yarhí" Ekaña. Akes Ekarish ñahparwa "Amen" Patatishta a gloria rish. ²¹ Inkatama Patatishtaña ti'patakiwa ã Jesúsro palerish, Ekaña ti'patakiwa. ²² Ekaña sello tuki patasña i'ka untenhí kuasa eña as unta turusãña onîke garantía wãripe Eka patenhike. ²³ Pa aâkurina, arwanawa Patatishtaro en ñehpiro tasrish aniña te'taharish Corintioña i'ka akua ñehlertipiro. ²⁴ I'ka ima anitanhí untas ñahparke piâ ripiekana pi feâ akematanhpi, i'ka aâhpara karwarpara palerih ani ararih kakachipiro, akes aâkerma pi feyó.