¹ Ata' atah tukrií, ke weshbarií, pata wayó chamarií, chamara ihka pata sawayó pahparií, to' erñaí añaha chuí. ² Akẽs a chuí arihlerií chamarií, ñah eña ñahbará ekarish. Untasma ta'kakapara pawaró chuwaí teshkuá, ata' chií a tusyó, ĩhka arihparií untasyó. ³ Ata' chamrií ĩhka weshbrí, pawa ta'kaka'pará, awakparí pawaí achaen a ka'barbiro untasyó. Pita'wama unta tusyaí ihka ayerwãyorí Jesucristoyó. ⁴ Ihka akẽs kakorsbara parowá ihka unta arari chẽ tishpiro. ⁵ Iñaí Eka a ñah weshbrí paró ta'kaka'pará: Patatishta kamaskuá Ekayama sukua ĩ chituwã. ⁶ Untas ñahoarma pi ta'wa untakachuí Ekayó ihka sukuaña weparwá, ihka kasaa ishparwa ihka yar ró ishbartuwã. ⁷ Ihka kamasñá weparma, Ekama kamas ñá chuwaí, pita'wa unta kachuwá akuayó, Jesús ayerwã a uríma ihka pata uskuá a warkua krihró ishbarí. ⁸ Ĩhka ñahparma warkuá unta kachituí, untaspé akasaparwá a yarma patas yama chituwã. ⁹ Ihka ñahparma a warkupa ishparí, Ekama chẽ eñaí pi ta warkua cha' ki'piro kabis ki'piro to' warkuá ki'piro. ¹⁰ Ñahparma a warkuá ishbartihí, ihka Ekaro arkasá parwá ihka Eka a ñahma untas yama chituwã.