¹ Akes toh ata dones espiritual, ña'parri taarkiwá, tarrataí pawai tis eirutú cho'tihiwá. ² Pamá heiriñawí kiri tá akua wetri, pamawá inké i akuake apaski te'kiawí toh ata idolo kapashketui. ³ Akaró, ñahawa pawá eiropiwaró asnani ñe'tua Patatishta akuasayó ña'haí: "Jesúsma malditoí". Asnani ñahataí: "Jesúsma unta Señorhi". Toh Espiritu Santo rishkia. ⁴ Inkatamá wriha'ka akua dones cherwá. ⁵ Ministerio akua cherwa inka tú Señor ekaí. ⁶ I katun akua yás chua, ankarike Patatishta ekaña ishkua toh a tah ki'wá en kri'ro. ⁷ Inkatamá, as as kawishkarí toh ape'piro cherenurikia akuasa kri'ro suku'repiró. ⁸ Inka asmá wishkari po es Espíritu toh añaha de sabiduría, i asmá añá ari'repiró toh ah Espíritu ari'yó. ⁹ I akuamá fe kawishkari toh a Espíritu ariyó, i akuamá dones archaná karpeshká akuasá ariyó. ¹⁰ I Akuamá ataún eña kawishkari i akuamá profecia. I akuamá habilidad kawishkarí in akuasa kenaí, i akuama auwá akuayas ñe'repiró, i akuamá auwá weshkra akawarpishkerpiró. ¹¹ Inkarike akuesa eka peí toh katuishkuai in kri'ñá, i toh dones kawishkía as asrí, eka kaprowaké. ¹² Akes, toh apeshkao aspeí i apeshwri'arera i toh peshkri'romá apeshkaoña asperá, tohkenaí Cristoyó. ¹³ Akes toh Cristo akuasayó kri'ro tamu'bri apesh aspe tishkia, judios griegosrí, cautivos i libres rí, i kri'ro tohbri Espíritu ariró. ¹⁴ Akes toh a peshma aspetaí, wriha'karerá. ¹⁵ I atá ñe'wama: "Tasma asawá tanraí, tasmá toya'yó aa'tarí", akes to'karó akinatis tai toh apeshkaoí. ¹⁶ Inka toh asun ñehimá: "Tasmá awá tanraí, tasma apeshyó tarrawá", akes to'karo akinatistaí toh apesh kaó. ¹⁷ Apesh kri'ro awá aspesrimá, ¿Piña aa'pirisá toh asun weshkai? Toh apeshkri'ro asun weshka kenrimá, piña aa'pirisa toh a olfato? ¹⁸ Akes Patatishtamá katuki apesh tiáh tiáh toh eka ki'iké. ¹⁹ I toh apesh wri'areró asperimá, ¿Piña aa'pirisá apesh kao? ²⁰ Akes inkatama apesh wriha'ka cherwa, i apeshma apes'í. ²¹ Awamá ti'ki'tua asawaro: "Tasmá in uwa takachitua paña". ²² Inká toh apeshkao akua wri'hareri toh tiska'tapunno. ²³ I toh apeshka wriha i toh amesh barrí untas toh ata onka'bartiwá reri tohró kresh untas en kachamará. I toh untapes tis in kachamanuí tohro kresh dignidaka'kachuá. ²⁴ Inkatamá untapeshkao en kachamarrí tohmá kachaataí dignidayó, tohmá ki dignidad kakachurá as. Akes Patatishtama apeskao kri'ro kauwe'cheí. I eka kresh honor kawishkí toh ata kakachitihiró. ²⁵ Ekaña ishki inhí toh as astishketipiró apesh kaohí. Aké apesh wriha akuayo asken pakerpiró toh afecto ariyó. ²⁶ Inká apesh as aisí tishkuamá, toh krí apeshró asken oisí tishkerá, inka apesh as enkiiwamá, apesh kri'ró arrarí tishkerá asken. ²⁷ Inkatamá pamawá Cristo apeshkao riñawi, i apesh wri'a eka i'rerá as as. ²⁸ I Patatishtamá katukí sikinkao asañá apóstoles, profetas, maestros, akes toh akua obras a'ka ishkerí, i akes dones achaná entishkerí, i ata toh akes karwarkeri, i ata katun'a de ministración ishkeri, i ata pesh uwá wriha'ka ñe'reri. ²⁹ ¿Kri'ró apóstoles rera? ¿Kri'ro profeta rera? ¿Kri'ro achiwistarera? Kri'ró obra anka ishkerá? ³⁰ ¿Toh kri'ro achaná arpeshka don kakachua? ¿Toh kri'ro auwá akua ñe'rera? ¿Toh kri'ro falta? ³¹ Inka pruhuwawí toh dones a'kareri ankari ke tasña kachiwishpa pawaí toh eña as.