¹ Taske ishkuwawi, toh tas Cristo ishkuake ishkai. ² Tasma en kakaawá toh tasró en a'ta akiawiraí kri'yas. Pa en kacha awá toh pa en pakerishka toh ahorriá kri'yas toh tas kawishkariké pawaí. ³ Inkatamá inró kapa'awã pawa'ro weshkupiwaró toh arwá krihí Cristoro pessa'taí, inka kortamá, arwaró asa'taí, i Cristomá Patatishtaró asa'tai. ⁴ Toh arwa as arñehí profetizá ishkuamá asá armukia inka toma asãró arkaikiwá. ⁵ Taró toh kortahas ñehí profetiza ishkiá asapé tohmá asaró warchewá. Inka to'ma arikenpeí in toh asa wariperipiké. ⁶ Akes toh korta as asa, armo'tumo, ekama asaus wri'kamá taskaí. Tis warkuai tohkorta as asaus taskuamá oh Berskuamá azá, akes azá armuki. ⁷ Arwahasmá asamá armuka aakatahí toh Patatishta akuasá perãí inka kortamá a arwápeí. ⁸ Toh arwámá korta asña ki'tihirishkiá, akes kortamá arweí asña paskí ki'í. ⁹ Akes ñarrimá arwamá ki'ti kortá ji'ró. Ñarrima kortama arwá hi'ró ki'i. ¹⁰ Akaro toh kortamá a arwá asimbolo autoridad akachipé eka azañá toh akuasa rishkía. ¹¹ Inká akes, Señor ña'má, toh kortaña ki'tí arwamá, inka toh arwañachaní ki'tí toh kortá. ¹² Akes, toh kortama arwaña chi'ite'kuaraí, akes toh arwawá kortañá chi'ite'kua i toh kri'yas Patatishtaña chi'ite'kera. ¹³ Juzga akauwawí papewá: ¿Eñati toh korta as, Patatishta arñe'piro azã armu'taha? ¹⁴ ¿Pa aspewá a'chiwishku tuwawí pawaí toh arwá as asaus ve'ti kiwamá, to'má warkuaí eka, aki'ñamá? ¹⁵ ¿Pa aspewá achiwishkutuwawi pawaí toh, korta as, asaus ve'timá to'kero eñaí? Pessausmá kawishkri armukerpiró. ¹⁶ Ankarike taró as ñe'pirishkuamá inró, untasma akua as chani aka'partuwá, Patatishta aracha'ta rechaní. ¹⁷ Akes tis ates newamá to'má en chanawá, akes pa atawa'ñawimá, eña ishka taí, ake warkua ishkaí. ¹⁸ Akes tas to'taweskamá pa atawe'ñawimá asikinkoña, to'ña akuaké nañawi pape'wá, inka tisma akenai eirawá. ¹⁹ Akes pape'wa inken ameshkupima'wá, toh ataro eña ishkuamá to'ro cheremiro pepe'wá. ²⁰ Akes toh pawá atawa'ñawi'i, tohma Patatishta asiraró autuwawí. ²¹ Akes pá a'ñawimá as ekapé e'reri pessirá eka i'há toh akuá peshhi'i pape'ta kuahaakupiró, asmá uwaró kiwá i akuamá misonrerá. ²² ¿Kakachituwá pawaí e'rerpiró tokerpiró? ¿Oh akenñawí pawaí Patatishta asikin i warkua kachañawí ata asnani kakachituí? ¿Inro tapika'pawarasa? ¿Eña ña'pawarikea? ¡In na'tapá in rishká! ²³ Toh el Señor te'iro pawa'wa kachiwishkawa, inró, i toh el Señor Jesús kakaña warkua ki'rí sirá suku'í. ²⁴ Akes akaparya'ki'í kawishki ñe'hí: "Inmá tapeshí, papehí'waí. Inró ishkuwá ata'akupiró". ²⁵ Inka akes to'ke ishki toh tokayowá sukuhí a'ya'ki'ia, i ñehí: "Intokama pacto we'karó ishkawá tauriyó, inke ishkua kri'as kri'as tokiwamá, ata'a'kupiwaró". ²⁶ Inka kapa'kapá eima in sira i tokima. Pamawá toh Señor onniró ya'ñawi toh eka te'piche. ²⁷ To'taró, e'wamá, in sirá i tokuamá in copa del Señor, toh ata to'ke ki'wamá indigna, to'má ña'akachipé apesh aũrí del Señor. ²⁸ Kakauwa toh peshí na achemiro to'ta aki'piró y akes wishkuwá pan e'piro i to'piro toh copa'riwáha. ²⁹ Inka taró he'í tokuasa in ertulewá a'pesh kaó he'i tokua ekapé warkuarishkua. ³⁰ To'karó inka pawariñawí we' ka'tapunnu i archanawa rerá, inka pawáwi as akuama okerá. ³¹ Inka untaspé archamara erpamá, akes akema juzga Patakilertipé. ³² Inka akes toh Señor juzga patakiwamá, akes disciplina pataki'wá tis warkua untaki'tu toh akua ku'chatareyó. ³³ Inka akes, ta arki wri'awá pa atawãhu ã'iwamá, awakuwá toh akuaí. ³⁴ Toh ta as uwá kiwamá, he0í aka oñá inka na atauwe'má inma juicio patipé. I ata yas akuá kakoscuriwaí pawa'wá, kawishpa toh pikenhí toh atá ki.