¹ Bamna wan takra Febe na man nani mihtara ra magkisna witin lika cenkreas sertska ra wark pain dauki kan. ² Bamna man nani bui witin na Dawan nina ra luki pain bris, wan muihni nani kasak lukan laka ra nahki briaia ba baku, bara dia dia kra Febe want takbia kaka sin hilp muns, kan witin lika upla ailal ra hilp munan, bara yang pali ra sin. ³ Laukula wis Priscila ra bara Aquila ra, baha uplika nani yang wal asla luki Kraist Jisas warkka dauki kan ba. ⁴ Kan witin nani lika yang swaki ai sakaia tawanai rayaka ba pat mihtara mangkan; yang baman witin nanira vtingki wiras, sakuna lu apia uplika nani Kraist daknika nani ba sut sin tingki wisa. ⁵ Laikula wis wan muihni nani Priscila bara Aquila wal watla ra bal asla taki banhwi ba sut ra. Laikula wis upliki laitwankira Epéneto ra, witin sika Acaya ra pas upla Kraist ra kasak lukan ba. ⁶ Meri ra laikula yas, witinka man mani tilamra kasak wark takan ba. ⁷ Lakula wis yang kuntriki wina ba, Andrónico bara Aunias ra sin, witin nani Wálsika yang silak ra ai mahkan, bara nani pas sika yang kainira kraist ra kasak lukan, bara apastil nani tilara tara pali kulkan sa bamna. ⁸ Amplias ra sin laikulawis, dawan wal asla laka ra painika laitwankira ba. ⁹ Laikula wis Urbano ra, Kraist lisas wal asla laka ra, yang nani aikuki wark tatakra ba, bara upliki laitwankira Estaquis ra sin. ¹⁰ Laikula wis Apeles ra, Witing kraist ra kasak luki ba tanka uya pali marikan ba, bara Aristóbulo watla uplika nani sut ra sin laikula wis. ¹¹ Bara laikula sin wis yang kuntriki wina Herodión ra bara Narciso watla uplika sut ra, witin nani Dawan ra kasak lukiba. ¹² Laikula wis Trifena ra bara Trifisa rasin, witin nani Dawan warkka taki ba Wan lakra Pérside ra laikula wis, witin uya pali Dawan warkka daukan ¹³ Laikula wia Rufo ra, witin ba lika Dawan ra kasak lalukra pali sa, ai yaptika ba sin, witin ba yaung pali yaptiki baku takan bamna ¹⁴ Laikula wis Asíncrito ra, Flegonte ra Hermes ra, Patobas ra, Hermas ra bara wan maihni nani witin nani wal ba sut ra. ¹⁵ Laikula wis Filógo ra, Lulia ra, Nereo ai muihni wal ra, bara Olimpas ra bara wan muihni Kasak lalukra nani witin nani aikuki ba sut ra. ¹⁶ Man nani sin pana pana holi laka ra kiawali alamkula wis. Kraist sertska nani sut ba mita ai lakula man nani ra blikisa ¹⁷ Bamna muihki nani, aman kaiki bas baha nani aihka dakwi takaia laka bara mina prukaia laka buki banhwi ba, kan baka uplika nani ba lika man día smalkanka lan takram ba mapara sea. Bamna witin nani wina aihka dakwi taks. ¹⁸ Kan bahmuna sat uplika nani ba wan Dawan Yisas Kraist dukia daukras sa, sakuna ai biara warkka daukisa, bara witin nani ai bíla damnika bara ai bíla ni pain aisi ba mita upla sins aitani briras nani ra kunin munisa. ¹⁹ Upla sut kaikisa man nani hahki bíla pain wali daukrami baha ba mita yang uya liliasna Bamna yang brin ai daukisa man nani ba diara pain daukaia ridi taki kama,kuna diara saura daukaia lika apia. ²⁰ Bara naika pali kupia kumi Gádka mita man nani minam munuh tara Sitan ba taibia. Bamna wan Dawan jisas Kraist mita yamni mai mumbia. ²¹ Paínika Timoti yang wal wark dauki ba mita ai lakula blikisa, bara Lucio Jasón bara Sosípatro sin, witinka nani kuntriki wina ba. ²² Yang Tercio, naha wauhkataya ulbisna mita sin laikula blikisna, Dawan wal asla láka ra. ²³ Gayosin ai lakula blikisa, witinka mita ai watla ra dingki ai brisa, bara serts uplika wala nani ra sim baku daukisa. Erasto, witinka naha tawanka lalahka main kaiki ba mita sin ai lakula blikisa, wan muihni Cuarto mita sin. ²⁴ (Wan Dawan Jisas Kraist mita man nani sut ra yamni pali mai munbia. Baku kabia.) ²⁵ Bara nanara, dawan ra mayunpi, witinka sip pali ba man nani karnakira mai daukaia, dia yang swaki sakan láka bara Jisas Kraist tanka sin mai smalkisna ba baku. Naha tañka na lika dawan kau tasba paskras kan piva wina, diara yukuki bri kata ba manara param sakan ba sika. ²⁶ Sakuna nanara baha tánka ba param marikan sa prapit nanin bák Ulbanka mita, dawan ban rayakira adarka bakat. Naha dahra yukukan kan tánka na nisan sut ra param marikan sa kasak lukbia bara bíla kat wali daukbia. ²⁷ !Baha Godka yakan ba sin sinskira ba. Jisas kraist bák, ban kaaia ra mayunan kabia! Baku kabia.