¹ Baku Bamna muihki nani, Dawan kupia pihni laka ba dukiara mankabisna, man nani winam, aiska ba prisan raya kum baku ai mihla ra mankma, baha ba hulikara prisan yaia sma ba tanka. ² Bam na kli na tasba laka tanka ba kat iwi kapara; sakuna luhan kam pali ba lakma, bara baku mika rayakam aisha ba lavan kabia. Ba mita sip kama Dawan kupia laka pali ba tanka briaya, ba tanka ba lika dia pain ba, Dawan kaikiba, sin witin wapni kaikiba. ³ Ba karbanka Dawan kupia pinhka ba mita purira sunan ba mita, manani sut ra mai wisna, upla kumi bani ai dukiara dia lahayaba kau pura lui lakbiara. Sakuna kumi bani ai sinska pain bri lukayasa, Dawan ai kupia yamnika prisantka nani mita kasa lukan laka mita yabal ba kat. ⁴ Bara wankan wan wina tara ra wan wina Spiritka ailal brisa, baha wina Spiritka sikpika sut ba lika ai work ka sut, sat brisa. ⁵ Baku sin yawan na ailal sa, Sakuna kras ra prakan bara, wina kumi baman takansa, bara yawan bani wala wal asla wan prakan sa wina tara kumi Spiritka nani wal asla ba baku. ⁶ Dawan prisan sat, sat wankan sa, witin upla banira dia yaia want kan ba kat. Baha prisanka nani wankan ba pain yus munaia sa, Dawan bui ai starka yamni ba dahra aisaya work ka wankan sa kaka, yawan kasak luki ya ba lamka kat aisaya daukan sa. ⁷ Upla wala dukya daukaya prisanka wankan kaka, yawan daukaya sa. Ya upla smalkaia tanka prikaka trai kai kaya. ⁸ Ya Upla wala nani ta baikaya prisanka bri ba, trai kaikaya sa baha work ka daukaya. Ya Upla ra diara prisan yahi kaka, witin ai tanka lukras kira yabia. ya ta briaia warkrka brisa kaka, witin aman kaiki baha ba daukaya sa. Ya diara luha uplika nani ra hilp muni kaka, witin lilia kira baha ba daukaya sa. ⁹ Latwan kais kasak tanka ra wal pana, pana. Saura laka ba mistara kaiks, kuna diara pain ba nina bliks. ¹⁰ Man nani muihkam ra, lamkra ra baku pana, pana latwan kaiks, pain kulki yamni ba yabi bas. ¹¹ Man nani wark karna tasks, srinwankira nani kapara. Kupiam aiska wal Dawan dukia daukibas. ¹² Naika diara briaia sma ba dukiara liliam bas; yua banira puram suni laka ba swipara. ¹³ Dawan uplika nani dia luha ba hilp munma; upla bal mai kaiki nani ba pain bris. ¹⁴ Rau mai sauhki nani ra yamni muns; Dawan ra makas witin nani ra yamni munbia, kuna saura munbia dukiara lika apia. ¹⁵ Lilia uplika nani wal liliam bas, bara ini uplika wal sin ini bas. ¹⁶ Uplikam wal asla iwi bas. Man nani ba kau tarasma luk para, sakuna bauikira baku bas. Man nani ba sins kirasma lakpara. ¹⁷ Upla kumi ra sin saurka tawan pana saura manpara. Trai muns upla sut mawan ra diara pain baman dauki bas. ¹⁸ Man nani sin trai kaiks, sip sma ba kat, upla sat wal kapia kumi lakara iwi kaia. ¹⁹ Muihki laituankira nani, saura mai munan ba tawan uplara pana saura munpara, Sakuna swis Dawan mita uplika bara klala yabia, kan. Ulbanka ba wisa: Yang mita lika klala yaia sna; bahamna Dawan bita; swis yang baha ba kasak ka lakara aibapamna. ²⁰ Bara naku sin wisa: Man waihlam plun dauki kaka, plun yas pibia, bara li din dauki kaka, li yas dibia; kan man naha daukisma ba mita, witin ai swira bara sari sin lukbia. ²¹ Bamna Saurka ba mita yarka puram lubiara, sakuna, yamni laka bani saurka ba pura lus.