¹ Jisas Krais Alvaya, Pal, paiwan kata apostel kaia, Dawan Jisas turka yamni ha dukiara wahbi sakam. ² Nahja sika sturka yamni, banma Jisas pramis munan kainamanis ai ulbanka holikira bak ai Prapitkananira. ³ Baha skurka ba sika ai luhpia Jisas dukyara aisisa, witin aisubi takan upla baku Devit kyamka wina. ⁴ Witin pruwan wina kli buwan ba mita, param winsa takaya Dawan karnakira luphia kaya, Spirit hulikira, wan lawan Jisas Krais ba, witin bilka. ⁵ Bak yawan nani brinsa yamnika laka an apastil baku wan sakansa, nisan nani sut tilara ai bila wali witin ai nina sturka ba aisaia. ⁶ Nahja nani tawhka tilara man nani sin Jisas Krais mai paiwan sa ai dukia kama lahma. ⁷ Nahja wahkataya na bahja nani roma ra iwi nani uplika lahmasa, baha Dawan latwan kaiki nani ba, baha nani winanba holi kaya, nani dukiasa. Dawan yamni kaba man nani wal kabia, wan aisa Dawan Jisas Krais wina awyapah laka brimohram kabia. ⁸ Pas kainara, Dawan tinki bila yabisna Jisas Krais metel ka bak man nani kumi bani dukiamra. Kan kasak kam laka ba aisisa tasba aiska ra. ⁹ Kan Dawan ba yang witniskisa, banma witin warkka daukisma spiritki aiska wal luhpia waikna sturka yanmi nani ba, puri sunra banira man nani ra lukisma. ¹⁰ Yang yua banira purisunrara makabisna, aikupia laka kat ani ani bak kaka sin witin ai kupia laka kat yabal kum sakbia man nanira balaia. ¹¹ Kang yang man nani mai kaikan ai daukisa, bara Spirit presant ka maikaya brima lahma. ¹² Naha sika, wantsna pana pana tam baikikama, alsut ai kasak ka lukanka ba wal. ¹³ Nanara yang want apiasna muihki nani tankam briraskama, man nanira aima manis waia munisna (sakuna alki takaskisna nawas sin) aima kum kra man nani wina briyaya dukiara, baku sin lukras nani ba wina sin. ¹⁴ Yang sika traskira sna Grik wal an wala naniwal, alsut sins laka bri nani an sins laka nap apia nani ba. ¹⁵ Baku mita, yan maipara ridisna sturi yamni ba aisaya Ruman tasbaikara iwi bahwi smaba. ¹⁶ Dawan sturka yanmi smalkanka ba dukia ra yang swiri lukras na, kan baha sika Dawan karnika swaki saki ba, ya kasak lukbia ba, taura Ju uplika nani ra, bara Ju apia nani ra sin. ¹⁷ Naha smalkanka param wan smalkisa nahki natkara Dawan wan patka ba wina pri wanki ba, baha lika kasak lukan laka, bara kasak lukan laka baman pali ba. Ulbankara aisi ba baku, "KASAK RA BA KASAK LUKI BA MITA RAYA KABIA." ¹⁸ Banma Dawan lavanka tara kasbrika pura wina aula upla saura nani upla kasak lukras nani purara baha nani ai saurka laka bila, kasak ka sturkaba alki briras nani ra. ¹⁹ Bamna baha nani Dawan tanka kaiki naniba. Dawan mita param marikam sa. ²⁰ Bamna diara nani param apia naniba Witin sip sa param kaikaya, tasba paskan piua wina, baku mita witin nani lahma sip suakbia apia. ²¹ Bamna Dawan ba kakaira si mayunras bara tinki kas. Kau ni diara bahki nanira bamanai lukanka manki sa witin nani diara inipas ra baman ai lukanka mankan an kupia swapni nani tibmu dimi takaskan. ²² Witin nani sinskira lakaia win, sakuna kau ipas ni taki banwan. ²³ Witin nan, Dawan pranika ban kaiara bamba swisisi waikna lilkikara ni tawan, daiwan snawira nani, daiwan tara nani mina walhwal, baku sin daiwan kwasi nani ra sut. ²⁴ Baha mita Dawan witin nanira sakwani brinka dauki kan ba mita witin bakat lulki swin, bara baku lika ai swira takbia ai saurka ba mita. ²⁵ Witin nani sika Dawan kasak ka laka ba, kuni laka ra laki brih wan, bara Dawan ra mayunaya widiskara, Dawan paskan dukiara ni mayunisa, Dawan ra pali sika mayuni ba ban kaia ba. Baku kabia. ²⁶ Baha mita Dawan buwi witin nani ra, swira laka taski pali ban luki swin; mairin nani waitna wal prawi daukaya lakaba swisi si, mairi ai tahkia wal brisa. ²⁷ Baha sin tanka ra waitna nani mairin nani wal prawan laka kata ba swisi si, witin nani ai brinka saura laptika ba kat ai walka nani wal lihkan. Waitna wih waitna aitahkia wal swira laka tara daukan. Bara plât wahwisa klauna ai wina tara kat ai saurka klalka ba brisa. ²⁸ Witin nani Dawan kakaira takaya want apia sa banma, Dawan mita witin nani ba ai lukanka saura nani ba kat luki swin, swika baha nani dia daukaya apia kan ba kat dakaya dukiara. ²⁹ Rau saukanka laka satka nani sut bani banhwan sa la sura nani, gridi laka bara lukanka saura, tuman laka bri nani, upla aikira, unsasabra, kunin mamunra nani saura dadaukra, bara upla nina aisasara. ³⁰ Witin nani lika upla wala nani dukiara saura aisisa, Dawan waihla nani, saura aisasara nani, diara lalihkra nani bara sauka laka satka nani daukaya pliki saki ba, ai asika nani bila walras. ³¹ Sins lâka aitani briras nani, ai bila aisiba kat doukras nani, upla wala ra kaikras nani, upla wala pâtka swih tikras nani, upira laka kaikras luha nani. ³² Wintin nani pain kaikisi Dawan lâ mankan sa, ya naha sat dukia nani dauki ba pruaia aitani sa; ban sakuna, witin nani mita ban daukisa, bara upla wala nani dauki ba sin pain lukisa.