Ulbi Baiki Sakanka Tara 7
1
Jîsas ba Capernaun taunkara dimi wan, ai smalkan ka nani sut ba danh daukan taim upla nani ra.
2
Nanara suldawa nani sut lalaka kum kan, bara witinkaba ai albaia kum brikan, uba sin latwan kaiki sin kan, sakuna baha alba waitnaba lika siknis patka kum brikan an pat pruwaika sin pat baila pali kan.
3
Baha suldawa nani sut lalka ba Jîsas sturka walan taim, upla tâ brabrira almuk nani bara kan ba Yudia wina nani, baha nani almukara blikan wan, Jîsas ra wika balki ai albaia waitnara rakbia ba dukiara.
4
Baha nani waitnika Jîsas ra kaikan taim naku aisi bik takan, "witin ra naku yamny ka kum daukaia yamny palisa,
5
kan witinkaba lika wan kuntry kara kasack pali latwan kaikisa, witin sika Sinagug nani maki yawanra wankanba.
6
Bara Jîsas ba baha nani waitnika ai kuki ai yabalka tâ krikan. Bara Jîsas ba, baha suldawa lalkika watla baila kan taim, baha suldawa lalkika miha ai panika nanira naku Jîsas ra aisi wibia wisi blikan: "Dawan, man lau parama, kan yan na upla yamny apiasna baha miha waitla bila baldim ma kaka yamny apia kabia .
7
Baha tankaba miha yan sip man lamara balras ai munisa, sakuna adar kus yas bara baku mika yan albai ba rawankabia.
8
Kan yan na sin lâ mina muntarasna, an mini muntara sin suldawa manis brisna. Witin nani ra naku aisi wisna: "bal, bara witin nani balisa. Yan albaira, naha na man dauks, bara witin yan dia wisna ba kat bili wali alki daukisa.
9
Naha sturka Jîsas walan taim, tâ iwan an wilwi tawi upla kuara tara witin nina bliki kan uplika nanibara naku aisi win: rait pali, man nanira mai wisni, yan Israel bilara aiskara sin kasak likan ailal pali kaikrasni.
10
Suldawa sut lalka miha blikan waitnika nani kli mahka wiwi tawi utlara wan taim, baha alba waitna ba pat rawan kata.
11
Baha sut luan ninkara Jîsas ba Nain taun kara dimi wan, an disaepel ka nani an upla kuara tara kun sin Jîsas nina bliki baha taunkara wasata.
12
Durunta dimi waya baila kan taim, upla pruan kum witinra brih balan, baha pruan kaba lika piarka kum luhpia waitna kata, un aupla kuara tara ba sin Jîsas lamara kata.
13
Dawan ba kaikan taim witin ba ai kupia ra kasak sari brisata, an naku aisi win baha piarka mairin bara: "inparama".
14
Baku bamna, Jîsas miha kanban witin kapinka tatkara, kapin tulki uplika nani wapi kanba takaskata. Jîsas kli, maku aisi win: wahma, manra mai wisna, bus.
15
Baha uplika pruan kanba wina kli bui ai klatara pahrak iwan, an mahka selp ai bila saki aisi kata, bara Jîsas witin yaptika baha piarka mairin mihtara mankan.
16
Upla sut ba siran iwan, Dawan Gâd nina sin mayuni banwi kan, naku aisi: "Prafit tara kumi yawan wan tilara buwan sa" an "Dawan Gâd ba ai uplika nani mainka kaikisa.
17
Yudia aiska an Yudia lamara barakan pliska uplika nani sut ba, Jîsas sturka ba wali kata.
18
Yan disaepel ka nani ba buwi aisan naha nani dukiara.
19
Bara, Yan bui ai disaepel ka wal naku smalki Jîsas mawan ra bliakn wan: ¿Rait pali balaia kanba mansmakî, apia wala kumra bila kaikaisna kî?
20
Witin nani, Jîsas lamara balki, naku aisi win: Yan miha ai blikansa manra, ¿Rait pali balaia kanba mansmakî, apia wala kumra bila kaikaisna kî?
21
Sin minit ka kat witin ba upla ailal palira rakan kata, siknis nani wina, spirit saura nani sut kanbi sakan kata, balian nani manas sin ai nakra brin kata.
22
Jîsas miha naku aisi win, Yan Tatahbra disaepel ka nanira: "kli wiwlwi tawi wama taim dia kaikram an kiama ni walran nani sut ba man wis. Blain nani kaikisa, minas nani wapisa, lapar siknis brî nani ba sin klin takisa, kiamas nani sin walisa, upla pruan nani kan ba sin kli buhisa, nitkira uplika nanira sin stury yamny ba smalkysa.
23
Ani uplika yan wark kira kaiki kasack lukiba, blessemkirsa.
24
Yan disaepel ka nani mahka wan taim, Jîsas ba upla kuara tara bara kan nani ra naku aisi win, Yan Tatahbra painka dukiara: ¿upla iuras tasbaia ra taki waram taim dia kaikram? ¿dus kum pasa tara miha rait pali pla tukban kum?
25
Sakuna ¿dia kaikram? ¿waitna kum daiwan taia kuala baku dimi tauki kan? Aman kaiks, baha nani mana kualka dimi nani ba, king iwaikara iwi ba ritsman atia sa.
26
Sakuna, ¿man nani lika dia kaikramki? ¿Prafit kum? Au, yan miha rait pali mai wisni, witinkaba Prafit kum purkarasa.
27
Naha waitnika dukiara sika ulbanba: NARA, YAN BILI TUATUILKRA BA BLIKUNASA YAN KAINIRA, WITINKABA KAINAMRA YABAL RIDY PALY DAUKAN KABIA.
28
Yan maiwisni, mairin wina aisubi takan tila wina, Yan wina kau tara kumi sin apusa. Baku bamna, Dawan Gâd kingkara lakara kau silpilpia witin kau purara sa.
31
¿Na taim uplika nani na yan buy dia dikia kum wal prakaia sipsna ki? ¿witin nani ba nahki atiasa?
32
Witin nani ba sin tuktan nani atkai watlara ai lilya puly ba bakusa, ai clatara pahrak iwi ai walka ra wini naku aisisa: "yan nani lika pulaia binka painkira kanbi banhri man nani dukiamara, sakuna man nani lika sip pulraskapram. An yan nani kli sary lawanka kum aiwani banhry sakuna man nani lika inras kapram".
33
Kan Yan tatahbra ba lika bret an wain laya dig balras kan man nani tilamra: sakuna man nanin miha naku aisi wisma witinra: " witinra setan kum dimisa".
34
Upla luhpika waitna ba balansa man nani tilamra an witin lika man nani ai kuki plun pisa an disa bara man nani biha witin naku aisi wisma: "man man nani aman kaiks, witinkana bila maihsira sa, an bla tatakra sa. Bawina, yuti mana brabrira an saura dadaukra ai kuki pana takisa.
35
Sakuna sins laka ba lika ai luhpia nani alsut ra yan sa.
36
Nanara, Farisy kum miha Jîsas ra imbait munan ai watlara balki witin plun pibia dukiara. Baku bamna, witin baha Farisy ka watlara dimi wan taim, baha tibilkara aitniki mahka plun pisata.
37
Baha taunka bilara mairin saura dadaukra kum barakan, baha mairkaba Jîsas ba baha Farisy ka watlara sa win nu takan taim, alabaster batilka kum ra batana laya kia painkira kum brih balan.
38
Baha mairkaba Jîsas lamara balan taim, witin mina munha kat kaui ini muni, ai nakra laya ni Jîsas minara buskan an ai tawa ba wal Jîsas minaba dikii sakikan.
39
Baha Farisy ka, Jîsas ra imbait munanba naha kaiakn taim, naku lukan, an naku sin aisin: "witinkana prafit kan kaka, nu kaia kan dia sat mairka kum witinra kanbi sa an nu kaia kan naha maikana mair kum saura dadaukra sa.
40
Jîsa naku aisi Saiman ra win: "Saiman, diara kumi mai wiyaia brisni". Pana Saiman miha naku, aisi win: "Aiwis smamalkra".
41
Jîsas naku aisin: "lalah lin mamunra kun upla walra lalah lin munankan. Kun ba witin ra tras yabaia kan lalah ma faip andad (500), wala ba lika fipti (50) baman.
42
Sakuna witin nani baha traska ai bapaia sip apia atia kan taim, baha lalah lin mamunra ba buhi walsut ra baha traska ba padin munata. ¿Baha wal ba wina ani baara kau latwan kaikansa?".
43
Saiman ba Jîsas ra pana naku aisi win: "Yan lukisna, tras kau tara yabaia kan ra suin bara kaiasa". Jîsas pana naku aisi win: Man, rait pali aisaramsa.
44
Jîsas miha Saiman ra naku aisi win: kaikisma kî naha mairkanara. Yan man wampla bilara bal dimry. Sakuna man mini sikbaia lahma lî aikras kapram, sakuna naha mairkana ai nakra laia wal yan mini ra buskansa an ai tahua ni yan mini dikansa.
45
An man yanra ai kia walras, sakuna naha mairka yan baldimri wina mini ra kiawali suapras palisa.
46
Man lailara batana wal ai yukras kapram, sakuna naha mairka lika yan minira batana an isint kia painkira wal yukansa.
47
Rait pali mai wisni: witin saurka nani ba, pat padin munansa, kan witinkana uba latuan kaikansa. Kan, ani uplika wiria padin muniba, wiria latuan kaikisa.
48
Jîsas kli naku aisi baha mairkara win: "saurkam nani ba sut pat padin mai munansa".
49
baha ra bara kan uplika nani ba naku rambi ai atiakan: ¿ya sa kî, witinkana, kan upla saurka sin padin muniba?
50
Bara Jisas miha kli naku aisi baha mairkara naku wi: "man kasak kam lukanka ba miha man suaki sakan lakaba man briramsa" prî laka wal man was.