Ulbi Baiki Sakanka Tara 6
1
2
Kli, ris yua kum ra naku takan; Insla kum blak ku lui auia kan ai disaepel ka aikuki, sakuna disaepel nani ba lika ai miha wal dakbi pî auia atia kata. Sakuna Farisi nani ba naha kaikan taim, naku asan: ¿Dia maha baku dauki banwismaki, kan naiwa sika ris yua sa. Wark daukaia sika saura?
3
Jîsas miha pana naku aisi win: ¿ Man nani Devid plun dauki kan taim dia daukanba aisi kau kaikrasmakî. Devid an witin wal taukikan waitnika nani ai kuki?
4
Kan, Devid lika tempel ra dimi wan kan an bret bara kan ba alki pin, an ai panika waitna nani ra sin yan bara witin nani sin pin. Baha bret kaba lika Prîsh Witha baman lika piahia sipkan.
5
Baku bamna; Jîsas kli naku aisin: " Upla luhpika waitna ba, res yua ba Dawankasa".
6
Kli, ris yua kumra naku takan: Jîsas ba Sinagug ra dimi wihki baha bilara bara kan uplika nani ra smalki kan. Baha nani uplika tilara waitna kum bara kan, baha waitni ka lika mihta aihkika ba lâwan kata.
7
Bara Lâ Aiulbra nani an Farisi nani sin bara kata Sinagug bilara. Witin nani ba lika Jîsas lama pali wina aihwaki banwikan Kapu upla kum ra rakbia sapa ris yuara bara baku natkara Jîsas ra dusa kuhbaia.
8
Sakuna witin lika baha waitnika nani lukanka ba kaikan. Bara, naku aisi win baha waitna sikniskira bara: "Minanra kuasi bus naha nani uplika sut tilara". Baha waitna siskiraba ai minara kausi buwan kata.
9
Jîsas kli naku aisi win, witin nanira: Yan buhi man nani naku mamkabi waluna: ¿Saura kabia kî sakadi yuara saura daukaia apia pain daukaia. Raya ka kum suaki sakaia apia rayaka kum sauhki tikaia?
10
Bawina, ai snahia sut ra wilwi taui kaiakisi, naku win baha waitnika sikniskira bara: "mihtam purara buks", an witin Jîsas dia win ba kat daukan bara witin mijta ba kli pain takan kata.
11
Sakuna witin nani lika kasak lawi banwan kata. An, ranbi aisi kata dia kum Jîsas ra munbia sapan.
12
Dê nani wira luwan ninkara Jîsas ba taki wan ai pura sunaia dukiara. Bara witinba tihmia aiska Dawan Gâd ra ai pura sunan.
13
Inwan taim, ai disaepelka nani ra winan, an witin nani tila wina wahbi sakan tuelp (12), an witin nani ra nina kum yaban Jisâs miha; baha nina ba sika Apastil.
14
Naha sika baha Apastil tuelp (12) ba nina. Saiman, nina wala Pita makiba; Saiman muihnika Andru ba, Jems bara Jan, Pilip, bara Bartolomy.
15
Matyu bara Tamas Alpius luhpiaJems ba; Saiman karna muhnika ba. Jems muihnika,
16
Judas muhnika bara Judas Kiriat wina ba sin. Witin miha sika Jîsas ra lalah mana atkan wanba.
17
Baha luan ninkara witinba baha ilka wina baliwan ai apasril ka nani ai kuki an kuara tara nani tilara, baha nani uplika ba Yudia, Yerusalem an Tiro Sidan kabuka wina ka wina atia kan.
18
Witinka nani ba lika balan kan Jîsas smalkanka ba walaia a rauaia ba dukiara ai sikniska nani ba wina. Upla ispirit saura dimi kan uplika nani sut ba rawankata.
19
Upla kaura tara nani ba sut trai muni kan witin ra kanbaia ba dukiara, kan rakaia karnika taraba witin bri kata.
20
Jîsas ba ai disaepelka nani ra kaiki naku aisi win: Lilia palisa man nani kan kan Spirit umpira banwismaba, kan Jeven kimgka laka ba man nani dukiamsa.
21
Lilia palisa man nani naiwa plun maidauki nanismaba, kan naika yuara aibanhram kabia. Lilia palisa man nani naiwa ini bangwismaba, kan naika yuara man nani ba kiki bangwikama.
22
Lilia palisa upla nani buhi misbara mai kaikbia bara, ai tila wina kanbi mai sakbia sin, sturi watawi nani sin mai wibia kra upla luhpika waitna ba dukiara.
23
Liliam bris baha yuara, pali puls liliakirani; kan rait pali presant painkira kum brima Jeven ra, kan damikan nani buhi prafit nanira sin dia ba baku munan.
24
Sakuna, alai pali kabia man lalhkira an yuya kira nani mampara kan man nani lika maisam nanihkra pat brismaba.
25
Alai palikabia man nani naiwa ai banhkismaba, kan man nani lika naika yuara plun karna pali mai daukan kabia. Dia pâli kabia kî man nani naiwa kiki banhwismaba mampara. Kan naika yua ra lika sari pali ini bangwi atia kama.
26
Dia kabia ki, waitna nani al sut buhi man nani painkam baman aisi kabia sin. Sakuna nubas, man nani damikan nani ba Prafit kunin kira nani ra sin baku pqain baman munikan.
27
Yan man nani aiwalisma nani ra naku maiwisni; waihlam nanira latwan kaiks an pain muns misbara mai kaiki upkika nanira sin.
28
Bles muns, mai lahtubi uplika nani kumi banira, an puram suns mai sauhki tikaia ninam bliki uplika nani al sut ra.
29
Yâ mamwan taiara wipbia kaka baila wala ba sin laki yas wipbia. Ya pramka mai dakbia wibia sa kaka man alki takasparama.
30
Yâ dia mamkabia sutkaba man yas. Yâ buwi man nani dukiam kum mistam mai dakbia sa kaka kli maikbia wisi wiparama.
31
Man nani ra nahki pitka mai munbia wantsma ba bakat, walkam nani ra sin dauks.
32
Man nani, ani uplika latwan mai kaiki bakat man latwan kaikisma sa kaka ¿dia mana kum brima sa kî? Nubas, upla saura dadaukra nani ba sin, latwan kaikisa ani uplika witinra latwan kaiki uplika nani bara.
33
Man nai ani uplika pain mai munisa wiwsiki baha nani ra baman pain munisma sa kaka ¿ dia mana brima sa kî? kau saura dadaukra nani ba sin, sin dukia daukisa.
34
Man nani diara lin munisma ani uplika kli baha dukiaba maikbia lukisma nani ra baman yabisma sa kaka, ¿dia mana brimasa kî? Kan saura dadaukra nani ba sin, diara lin munisa saura dadaukra ai tahkia nanira, an bila sin kaikisa ai dukia lin munanba witin kli pana sin yabia.
35
Sakuna waihlam nanira latwan kaiks an pain muns. Lin muns, an bila kaikparama kli pana sin baku maikbia bara baku mika man prisant kam ba tara pali kabia; an Dawan Gâd laih purara iwi ba luhpia atia kama. Kan witin ba lika latwan kaikisa tinkikas nanira an saura dadaukra nani ra sin.
36
Umpira kaikan laka bribas walkam nanira, man aisi umpira kaikan laka upla sut ra briba baku.
37
Walkam ra mihtam kuki saura aisapara bara manra sin pana ai mihta mai kulki saurkam ai saraskabia. Walkam ra pat ra blik para, bara bakumika pana man ra sin, pat ra mai blikan kabia apia. Walkam nani saurkaba man suih tiks, bara pana, man saurkam nani ba sin suih tikan kabia.
38
Yâs bara, pana manra sin maikan kabia. Mana tara dukia kum, wilinkam aiska kirani bara aibanram kama kipia aiska kira ni. Kan, nahki natkara walkamra mit munma kaka sin natkara sin pana manra mit mai munankabia.
39
Jîsas praki kaikan sturka kum naku aisi win: ¿sip kabia kî blain kum ba, blain aitahkia wala kum ra tâ briahia? Ban trai munbia kaka, naku takbia; walsut pakni bila kum ra kauhbia, ¿baku apia sa kî?
40
disaepel kum ba ai Smamalkra kaba wal witin kau tara sa lika apia. Sakuna, alsut smalkan yamny Lâ nani ba pain lan takbia sa kaka ai Smamalkra ba wal kumi takan kabia.
41
¿Man nani dia maha walkam mistik ka nani ba lika pain pali kaikisma ki, sakuna selp man mistik kam nani ba lika sip pain pali kaikrasmaki?
42
¿Nahki natkara muihkam ra wimaki: muihka, chans aik bara yan inska taya kum namkra bilaraba yan sakamni, sakuna man namkra bilara inska taya tara bara lika man sip kaikras? Man nani kuninkira atiasma, paskaba man namkrara inska taya kum bara pas saks, baha ninkara man sipkama pain kaikaia, walkamra inska taya nani witin winara baraba sin.
43
Baku bamna, dus pain kumi sin apusa aimâ saura sakaia sin ba baku, dus saura kumi sin apusa aima painkira sakaia.
44
Kan, dus bania aima saki ba wal kakaira taki sa dia sat dusaba. Kan upla nani ba IGOS wina ESPINO wahbras, an Uva wahbras sa ZARZA dusa wina.
45
Wairna peinkiraba, ai kupia klin briba miha lukanka yamny an presant tara peinkira baman sakisa. Waitna saurakirabalika, ai kupia taski briba mitha; lukanka tasky yamny apia nani baman sakisa. Kan, kupia dia dia lukanka pain an saura nani bara ba, ai bila aisi ba back sakisa.
46
¿Dia maha man nani naku aisi ai winisma, Dawan Dawan, sakuna, yan dia mai wisnaba liak alki daukrasmaki?
47
Ani uplika yanra bal, yan bila dia aisina nani sut ba alki dauki nani ba, naku makisna;
48
Witin ba sin waitna kum ai watla pakni pali salhki walpara karnara bapan ba baku sa. Kan lisamra tara balan, kipla tara baha watlara mapara tukban sakuna sip baha watla kriki brih waraskan, kan ai watla pain walpara bapan kan ba miha.
49
Sakuna ani uplika yan bili ba wali sakuna alki daukrasba lika, sin waitna kum ai watla makan sakuna sip pakni pali lika salkras kan, baha miha lisamra tara an kipla karna auban taim baha watla ba kauhuan, baha watla ul lus tiwan kata.