Juan_HRomeroC-miq-HN-miskitu_luk_text

Ulbi Baiki Sakanka Tara 3

¹ Tiberio Cesar mani mani 15 king ai manki kan bara, Pilato ba lika Ju nani king ka aimanki kata, Erodes suldadu nani lalka kan ba Galili tasbayara, an witin muijnika Felipe ba sin suldado nani lalka kum kata Iturea an Traconítide tasbaiara, bawina Lisanias ba sin suldadu nani lalka kan Abilinia tasabaia ra. ² Prîs witka tara Anas wihj Caifâs wal taimkara, Dawan Gâd bila ba balan Jan mitil ka bak Zacarias ra kau upla iuras pliskara tauki kan taim. ³ Witin kli wan yardan awalkara tasbaia uplika nani sut ra, Jan ba lika Dawan Gâd bila ba malki tauki kata upla nani alsut ra ai kupia lakbia ba dukiara an baku natkara ai saurka nani sut ba padin laka ba briaia dukiara sin. ⁴ Sin Aisaia wauhka taia ra ulban ba baku "BILA BAIKRA KUM WINISA UPLA IURAS TASBAIA BA WINA: NAKU AISISA; DAWAN YABALKABA RIDI BRIBAS, AN MAN NANI YABAL KAM BA SIN PAIN PALI WAPNI BRI BAS. ⁵ ⁶ SAHSA BILA NANI SUT BA AI BANGKI TAKAN KABIA, UNTA DAKRA AN TUI BILA NANI SUT KLI BANKAN KABIA, YABAL WAHRA NANI SUT KLI WAPNIKA MANKAN KABIA, BA WINA TAWAN SIN SAT APIA NANI AL SUT BA KLI SIN SAT TAALIKA ATI DAUKBIA. BAKU BAMNA UPLA SUT BA DAWAN GÂD NAHKI SUAKI SAKN LAKA BRAULA BA KAIKAN KABIA. ⁷ Bara Jan mita naku asi wi kata upla ailal witin mita lî wal tahbi kaubia dukiara bal kan nani sut ra: Man nani, puita kiamka. ¿Yan mihta maiwin plapi suakma nai puiara diara nani sut aula ba wina? ⁸ Baku bamna, mâ yamni nani yas man nani wina urhwi bal takbia suhnu kabia wan kupia lakaia. An man nani naku ranbi sin aisaparama: Yan nani lika Ebraham ra aisiki brisna, kan yan man nanin ra mai wisni Dawan Gâd ba karnika tara brisa Ebraham luhpia nani bukaia naha walpaia na wina. ⁹ Baku bamana nawas lika ahsa ba pat dûs wakia bara mankansa maka klakaya dukiara. Baku bamna ani dusa aima yamni sakras sa kaka klakan kabia bara pauta ra lulkan kabia. ¹⁰ Baku bamna upla kuara tara ba mita Jan ra naku makabi walan: ¿Dia dauki mahuaia sipsna ki? ¹¹ Jan mita pana naku aisi win; ani uplika kuala (tunika) wal brisa kaka ai walka apu ba wal sir munaia sa, ani uplika plun briba ai walka apu ba wal sin sat sir munaia sa. ¹² Yuti mana brabrira nani ba sin balan kan lî bawina ai subi takaia ba dukiara bara baha uplika nani miha Jan ra naku makabi walan: smamalkra, ¿dia dauki banwam na kî? . ¹³ Jan mita pana naku aisi win: man nani ra yuti mana briaia praiska kum manki maikan ba wina kau pura praki bri para. ¹⁴ Bara suldawa wira mita naku makabi walan Jan ra: ¿Yan nani dukira dia wisa? ¿Dia dauki banwaia sipsna? Bara Jan naku aisi win: Upla kumsin lalah ka karna muni dakpara an walkam ra patkas pali dusa kuhparama. Mamna mai maiki ba wal liliambas. ¹⁵ Kan upla nani Misaia aisubi takai kan ba bila aiwaki banwikan ba mita ai kupia ra luki kan Jan ba rait pali Krais sa sapan. ¹⁶ Sakuna Jan mita naku naku aisi win baha uplika nanira: Yan lika lî ni tahbi daukisna sakuna wala kum aula yan ninira an witin kau karnika brisa yanwal kan, ya witin sandali ka auka ba lanhkaia karnika sin apusna. Witin ba bui man nani ra tahbi mai daukbia Spîrit Jûli kira ni an pauta wal tahbi mai sakan kabia. ¹⁷ Diara yamni nani wahbi saki ba lika man mihtam ra sa an winam sut klin mai sakan kabia Witin ba bui plawar mâ yamny ba wahbi sakan kabia. Mâ yamni apia nani ba lika pautara lulkan kabia baha dasras pautika bara. ¹⁸ Lawi dauki kira ni, sturi yamni ba Jan smalki tauki kata upla sut ra. ¹⁹ King Erodes ra karna pali naisi win kata ai masaia wal brin ba dukiara, an witin saurka nani ba sut dukiara. Baku bamna Erodes bui ²⁰ Jan ra alki silak ra mankan kan witin saura dauki kan ba dukiara aisan ba dukiara Dawan ninara. ²¹ Upla sut ba Jan mita tahbi daukbia dukiara wisi baln kan an witin bui al sut ra tahbi daukan kata bra Jîsas ra sin. Baha luan ninkara Jisas ai pura suni kan taim, kasbrika ba sut bukutwan kata. ²² Ba ninkara Spîrit Julikira ba butku kum baku bal iwan Jîsas ra an sin minit ka kat bila baikra kum bal iwan kasbrika wina an naku aisin: "mân ba yan luhpisma an yan manra uba latwan mai kaikisna. Yan ra, man miha uba lilia ai sakisma. ²³ Bara Jisas sturi yamny ba smalkaya ta krikan taim tarti mani (30) bri kan. Jîsas ba José luhpia waitna kata, Elî luhpia waitna, ²⁴ Matat luhpia, Levî luhpia, Melquî luhpia, Jana luhpia, Josê luhpia. ²⁵ Josê ba Matatias luhpia waitna kata, Amôs luhpia, Nahûm luhpia waitna, Esli luhpia, Nagai luhpia, ²⁶ Maat luhpia, Matatîas luhpia, Semei luhpia, Josê luhpia, Judâ luhpia. ²⁷ Judâ ba lika Joana luhpia kata, Resa luhpia, Zorobabel luhpia, Salatiel luhpia, Neri luhpia, ²⁸ Melqui luhpia, Adi luhpia, Cosâm luhpia, Elmodam luhpia, Er luhpia, ²⁹ Josuê luhpia, Eliezer luhpia, Jorim luhpia, Matat luhpia, Levi luhpia waitna. ³⁰ Levi va lika Simeon luhpia waitna kan, Judâ luhpia, Josê luhpia, Jonân luhpia, Eliaquim luhpia, ³¹ Melea luhpia, Mainân luhpia, Matata luhpia, Natân luhpia, Devid luhpia, ³² Isai luhpia, Obed luhpia, Booz luhpia, Salmôn luhpia, Naasôn m ³³ Nason lika Abinadap luhpia kan, Admîn luhpia waitna, Aram luhpia, Esrom luhpia, Fares luhpia, Judâ luhpia. ³⁴ Yecob luhpia, Aisaac luhpia, Ebraham luhpia, Tarê luhpia, Nacor luhpia, ³⁵ Serug luhpia, Ragau luhpia, Peleg lugpia, Heber luhpia, Sala luhpia waitna. ³⁶ Sala ba lika kainan luhpia waitna kata, Arfaxad luhpia, Sem luhpia waitna, Noa luhpia, Lamek luhpia, ³⁷ Matusalem lumpia, Enok luhpia, Jared luhpia, Mahalaleel luhpia, Cainân luhpia, ³⁸ Enôs luhpia, Set luhpia, Adam lumpia waitna an Dawn Gâd luhpia.