¹ Baha puia nani ra king Augusto mita adar kum blikan, Israel yasbaya aiskara iwi uplika nani ba sut ai nina mankan kayasa. ² Naha lika nina mankan ka pas kata, Cirino kau siria king ka kan taim. ³ Baku bamna upla sut ba ai aisubanka tasbayara atia wan ai nina ulbaia dukiara. ⁴ Jose sin galili Nazaret wina taki wan yudia ra, King Devid tawankara an baha tawanka nina Belên. Kan José ba lika king Devid kiamka kum kan ba ⁵ José an Meri wal wasata kan witin wal ba pramas bri kan marit takaya, meri ba kuihra kan taim. ⁶ Naku takan: Kau Meri wih Jose wal kau tauki kan taim mahka baha bibi ka ba baikaia awarkaba aimankan kan. ⁷ Nanara Meri baha bibi waitna kum baikata, witin ai tahwakya, an tuktan suap taia blakaika wal blaki bip pata watla kumra kliki bri kata. Kan utla an plis satka kum sin pliki sakras munan baha tukta ba baikaia dukiara. ^{8 9} Baha saitkara chip main kakaira nani bara kanba, tihmia kan taim witin nani ai chip ka main kaiki tauki banwi kan. Ensal kum chip main kaiki kan waitnika nani mara param takan kata, baha minit ka kat baha chip main kakaira nani ba kasak siran iwi mauan kata baha Ensal ingni ka tara ba mita. ¹⁰ Bara Ensal ba mita naku aisi wisata, man nanni sibri para kan yan man nanira sturi painkira brih aulnasa. Bara naha sturka yamny walma bara lilia laka tara man nani ra brih balbi alsut ra. ¹¹ Kan naiwa, suaki sasakra kum aisubi takansa king Devid taunkara. Witin ba Kraist sa an sin Dawan sa. ¹² Naha sainka na man nanoi kaikma, man nani, baha bibi silpi ba wal prauma an witin ka ba lika kuala blaki bri kabia an bip pata watlara kliki sin bri kabia. ¹³ Baha sin minit ka kat, Ensal kuara tara nani bara kan an Dawan warka aiklaklabra nani naknika tara kum aikuki, an witin nani alsut Dawan ra mayunra yabi kan. Naku aisi: ¹⁴ Mayunra yabisa Dawan Gâd laih purara iwi bara, an pri laka narasa naha tasbara waitna nani sut tilara ya witin wal pain ai dahra waliba. ¹⁵ Bara baha Ensal ka nani kli jeven ra uli wan taim, chip main kakaira nani ba naku aisata: "kaisa Belén ra, bara kaikaia baha dukia nani Dawan mita yawan nanira wan marikan ba. ¹⁶ Bara baku mika witin nani isti pali trai munata Meri bara José wal prawaia dukiara, an baha ra prawan kata, bara baha bibi silpiba sin bip pata watlara klikan kan kaika ta. ¹⁷ Chip main kakaira nani ba naha tuktika kaikan bara, Meri an José ra wista dia win kan ba naha tuktika dukiara. ¹⁸ Ani uplika nani naha sturka chip main kakaira nani aisi kan walan nani ba lika siran pali iwan kata. ¹⁹ Sakuna Meri lika ai kupia luki kan naha tuktika dukira. ²⁰ Chip main kakaira nani kli mahka wilwi tawi wan, Dawan ra mayunra yabi an aiwani kan diara nani sut walan an kaikan ba dukiara. Dia witin nani ra win dukia nani sut ba takan kan. ²¹ Yu (8) matsip pura yumpa luwi wan taim, tukta luhpia ra sirkunsisan daukan, nina Jisas makan. Kan baha nina ba Ensal mita yaban kan kau Meri kuihra takras kan wina. ²² Moses laka ra ulban ba kat, witin nani ai wîna klin sakan baku, piua ba aimankan bara tukta lupia ba sin Jerusalén ra brih balan Dawan yabaia dukira Meri an José wal mita. ²³ Sin Dawan Gâd lakara ulban ba baku: "tukta waitna tawahkia nani sutba, Dawan dukia hulikira sakan kabia". ²⁴ Witin nani sakripais daukan Dawn lakara ulban ba baku; butku wal apia kaka, butku sirpi wal. ²⁵ Jerusalén taunka bilara waitna kumi barakata naha waitinika nina lika Saiman an witinkaba waitna kum yamny an Dâd laka pali kat tauki kan. Isarael ra prî sakbia ba dukiara bila aihwaki kan an Spîrit Hûlikira ba witin wal kan. ²⁶ An Spîrit Hûlikira ba mita witin ra naku marikan kan: Witin kauDawan Krais aisubi takras sa kaka sip prura kaikbia apia. ²⁷ Saiman ra Spirit mita ta brinkata, bara witin tempel ra dimi wan. Bara Jisas kau bibi silpi kan bara aisika nani tempel ra brih balan taim, Dawan ra yabaia dukiara brih balan taim lâ bakat. ²⁸ Baha bibi ra saiman mita ai mihta bilara brih Dawan Gâd ra mayunra yabata an naku aisan: ²⁹ "Nawas man alabayan ra swis mahka pri lakara wabaia man bilam aisaram ba bakat. ³⁰ Kan yan naikra na kaiakn man Israel ra sauki sakaihma ba, ³¹ an ridi daukram sa taun uplika nani alsut dukiara. ³² Ingni tara kum Israel kiampa apia nani mapara sin, an prana tara kum Isarael kiamka nani sut purara. ³³ Meri, Jose wal lika tâ iwan kata Jisas dukiara diara ailal aisan kan ba dukiara. ³⁴ Saiman mita Jisas ra bles munan, baeina Meri ra naku aisi win "Baku bamna naha tuktika na wahbi sakansa Isarael bilara upla ailal ba kauhbia sin kli bubia ba dukiara. Witin na upla bahki kulkaia sain ka kum kabia. ³⁵ Bamna baku lika upla nani ai kupiara dia luki ba tanka marikbia, bara naha diara nani sut na, man mampara sort kumi baku kupiam ra dimi ma walak lubia. ³⁶ Bahara sin Gâd dahara aisasara mairka kum barakata. Nina ba lika Ana, Fenuel luhpia mairin an witin ba lika Aser kiamka kata. Witin pat almuk pali kata, tiara pali kau waitna yapras kan wina marit taki, ai maîa wal mani 7 iwi kan. ³⁷ An witin lika piarka mairin kan mani 84 bri kata, naha piarkika na tempel yu kumi ra sin suiras kan, an witin lika tuhmia an kaknara ra pura sunra wal an plun piras an lî diras kira ni Dawan ra pliki kan. ³⁸ Baha sin awar kara, witin nani mawan ra bal Dawan ra tinki yaban, an tukta ba dukiara sin aisi kan upla ailal Israel prî takaia dukiara bila aiwaki kan ba dukiara sin. ³⁹ Dawn Gâd laka ba kat dia daukaia kan ba alsut daukan taim, Meri Jose wal Galili ra kli rawi wan, sep ai tasbaia ra Nazaret ra. ⁴⁰ Jisas ba pawan an karnika alki kan, sins laka ra sin, an padin ka laka ba sin an Dawn Gâd ba witin wal kan. ⁴¹ Jose an Meri wal mani bani Jerusalem ra wi kan prî takan lilikara barakaya dukiara. ⁴² Jisas tuelp 12 mani bri kan taim, Jose an Meri wal kli uli wan Jerusalem ra Israel prî takan lilika tara ra. ⁴³ Bara baha lilika tua nani alsut ba iamanki luwi wamtaim, witin nani kli mahka kli ai watlara wilwi taui wan. Sakuna Jisas lika Jerusalem ra takaskan ai aisika nani nuapia kan taim. ⁴⁴ Jose Meri luki kan ba lika Jisas ba upla kuara tara aula kan ba tilara aulasa , yu kum uldi impaki luan ninkara tâ kriki banwan Jisas ra plikaia ai famali an ai panika nani sut tilara. ⁴⁵ Witin nani Jisas wal prauras kan taim Jírusalen ra kli wilwi tawi bal banwan Jisas ra pliki sakaia dukiara. ⁴⁶ Yu tumpa (3) lui wan taim ra Jisas wal prawan kan, witin tempel ra kan taim. Jisas ba tempel bilara iwî kata smamalkra nani tilara, sturi aisi kan ba wali an Jisas mita makabi walnka nani sin dauki kata. ⁴⁷ Baha uplika nani Jisas aisanka wali kan nani ba lilia pali taki banwi kata kan witin ba makabi walanka nani sut ba aisi wi kan. ⁴⁸ Bara witin nani mita kaikan taim, siran iwan. Meri mita Jisas ra naku win: "Luhpi, ¿Dia mata yan nani ra naku ai munisma ki? Wals, yan an papikam wal bui mai prikri bila kaikanka apukira ni. ⁴⁹ Jissa mita pana aisi naku win: ¿Dia mata ai plikismaki? ¿Man nani nu apiasmaki yan aisiki watlara kayasna ba? ⁵⁰ Sakuna witin nani lika sip pain ai tanka briras kan Jisas aisi kan sturka nani ba. ⁵¹ Baara witin kli wilwi tawi balan ai watlara Nazaret ra, an witin nani ra bila wawalra pali kata. Bara Meri lika dia nani sut ba ai kupia ra bri kata. ⁵² Sakuna Jisas lika pawi kata, sins lakara, paurika ra, Spirit ra an ai walka nani aikuki.