Juan_HRomeroC-miq-HN-miskitu_luk_text

Ulbi baiki sakanka tara 24

¹ Sandy titan pali baha mairka nani ising an batana kia painkira nani daukan kan ba brîh Jîsas raitika ra wan. ² Sakuna witin nani balan taim, witin raiti ka duruntika ba param pali kan. ³ Bara, witin nani baha bilara dimi wan sakuna Jîsas wina tara wal lika prauras kan. ⁴ Sin minit ka kat nanku takan: witin baha raiti bilara sip pain ai tanka brîh luki sakras kan bara, ban wina waitna wal witin nani mawan ra param pali takan, baha waitnika wal praka ba lika pîhni an kasak pali aswi an ingni pali kan latan ai minara muwi atia kan walsut, baha mairka nani snayara. ⁵ Baha mairin nani ba kasak siran iwan, ai lal tasba kat makupan, sakuna baha waitnika wal witin nani ra param takan kan ba mitha, naku aisi win: "¿dia matha raia ba, pruan nani tilara pliki taukisma ki? ⁶ ¡Witin nara apusa, kan witin lika kli buwan! Kupiam krauks witin mitha dia maiwinba kau man nani ai kuki Galili ra barakapram taim. ⁷ Naku maiwin kan: Upla luhpi waitnaba saura dadaukra nani mithara mankan kabia, an witin nani bui dus prîhnira saban kabia sakuna witin lika yu yumpara, kli pruan ba wina bubia. ⁸ Baha mairka nani kupia krawan Jîsas witin nani ra win sturkaba, ⁹ riti wina balan utlara an wan minit ka kat Jîsas disaepel ka kau lem (11) utlara bara kan nanira nû munan. ¹⁰ Nanara, Mery Magdalen, Juana, Mery Dems-Santiago yaptika kanba, an mairin wala nani witin wal tauki kanba aikuki, Jîsas kli buwan sturka ba aisi win witin apastîl ka nanira. ¹¹ Sakuna naha sturka nani ba kunin aisisa lukan apastîl naniba, kan rait pali sasak likras atia kan mairin nani witin nanira win sturkaba. ¹² Sakuna Pita lika ai minara buwi plapan an wan Jîsas bikan kan raitika bakat, dimi wan sakuna Jîsas kualka pîhni wal blaki bikan kan ba baman lika kaikan. Bara, Pita lika kli maka ai watlara kli tawi wan kat pat luwi wan lukan. ¹³ Baku bamna, sakuna disaepel wal ba lika impaki kan Emaus pliska matha, baha pliska lika Yerusalem wina lem (11) kilumetru pitka baman kan bara waya kaka. ¹⁴ Witin selp ranbi aisi kan dia an kaikan an walan ba rait sa sapan. ¹⁵ Naku takan witin nani mapara, kau raitsa an rait apia sa ki Jîsas kli buwan ba, baku aisi kan bara; Jîsas witin wal lamara param takan an witin nani wal mahka impakan. ¹⁶ Sakuna witin nani nakraba lika Jîsas kat lak kaiki kata. ¹⁷ Jîsas naku aisi win: "¿man wal wapi dia atia aisisma ki?" Witin nani lika baha ra sari taki ip takaskan. ¹⁸ Witin wal wina kum nina lika Kliufas, Jîsas ra naku aisi makabi walan: ¿"Yerusalem wina man bamansma ki, baha plîskara diara an takanba nuapia an kau tankam sin briras?". ¹⁹ Jîsas pana naku aisi win, Kliufas ra: "¿dia dukia?" Pana naku aisi win, Dawan ra: "Jîsas Nasaret wina sturka nani, witin ba prafit kan ba, karnakira wark ra an stury yamny wal sin, Dawan Gâd mawanra an upla sut mawanra. ²⁰ Sakuna wan Prîch witka tara ba buwi, wan tâ uplika an wan king ka nani mitha, silak kat blikan prura kat, an dus prîhnira sin saban. ²¹ Sakuna yawan nani lika witin wina bila kaiki kan Isarael kiamka nani ra prîh sakbia dukiara. Au, an baha nani sut purkara, pat yu yumpa luwi auia sa baha nani dukia alsut takan wina. ²² Sakuna, yan nan tili wina mairin aslika kum kan ba lika kasak siran iwan, naiwa titan manira witin raitikara wan. ²³ Sakuna witin nani, witin Jîsas wina tara ba sip wal prauras munan, sakuna mahka balan, sakuna yapri saukan baku witin nanira Insal mitha nu manan wisa Jîsas ba kli buwansa; an raia sâ. ²⁴ Yan na tili wina waitna bara kanba wan witin raitikara an rait pali, baha mairka nani dia aisanba raitsa, raiti ba inhti kan. Sakuna Jîsas ra lika kaikras kan. ²⁵ Jîsas pana, naku aisi win: "¡Ay, waitna sinskas nan, kupia karnira nani, dia matha prafit ulbanka nani alsut ra man nani kasak lukras!" ²⁶ ¿Krais ba pat wauaia apia kansa ki, pat wauaia kan ai prâna ra kli dimi waia kaka? ²⁷ Bah wina, Muses an prafit nani, Jîsas ba witin nani dia win daukan an rait takan dia ulban kanba witin nani, Ulbanka nani sut ba aimankan. ²⁸ Bat baha taunkaba baila pali aulakan bara, Imaus pliskara, Jîsas lika traî muni kan kau taura impakisa pitka. ²⁹ Sakuna witin nani mitha naku Jîsas ra bik takan: "yan nani wal takas, kan tama balaia bailasa, an kakna ba lika pat danh takansa". Baku bamna, Jîsas lika baha pliskara dimi takaskan. ³⁰ Naku takan, witin nani ai kuki tibilra plun piaia iwan taim, brît ba ai mithara alkan, blîs muni luwan ninkara sîr munan ai walka nani aikuki. ³¹ Baha ninkara, witin nani nakraba bukut takan, sakuna, sin minitka kat witin nani nakra wina lap tiwan. ³² Kum mitha, naku aisi win ai panika walara: "¿yabal ra sturi wan wih aula kan bara wan kupia bila ba pauta mâ auhban klahwi ba baku kata, witin ulbanka nani yawanra bukutbi wan barikan bara. ³³ Witin nani sin minit ka kat bui mahka Yerusalem matha impakan. Witin nani prawan disaepel lem (11) asla takan kan ba wal prawan, ³⁴ an naku asi win: Dawan ba rait pali kli buwan sa kan Saiman mawan ra param takan sa". ³⁵ Bara witin nani mitha disaepel nanira kler win nahki natkara witin nani mawanra kler takan kanba an nahki natkara brît ba baikan taim, nahki natkara ia lama wina lap tiwanba. ³⁶ Kau naha nani sturka aisi kan bara, Jîsas witin nani mitilka kat latan kler takan: an naku aisi win; "prî laka brî man nani alsut". ³⁷ Sakuna witin nani lika kasak pali siran iwan kan, kan witin nani lika Spîrit kumra kaikisa lukikan. ³⁸ Jîsas naku aisi win: "¿dia matha man nani wari taki bangwisma? ¿dia matha kupiamra turban brîh bangwisma an mankabi walisma naha na raitsa apia kuninsa? ³⁹ Kaiks mini na an misti na sin; kaiks yansna. Aikans an aikaiks. Kan ispîrit kum lika wina an dusa sin apusa, sakuna yan lika brisna man kaiks". ⁴⁰ Witin naha win ninkara, ai mihta an ai mina ba sin marikan. ⁴¹ Sakuna kum kum kau rait kasak lukras kan, wala nani lika lilia taki kan, bara Jîsas kli naku aisin: "¿diara kum brisma piaia dukia?" ⁴² witin nani mitha pana, naku aisi win: "inska pis kum brîsna" ⁴³ Jîsas baha inska ba alkan an baha nani uplika alsut mawanra mahka pin. ⁴⁴ Witin mitha, kli naku aisi win: "kau yan man nani wal kapri taim, yan mai wiri kan Muses wauhka taiara ulban nani alsutba, an prafit ulbanka nani sutba, lawana nani, alsut ba aimankan kabia". ⁴⁵ Bara witin buwi, baha uplika nani sins kaba bukutban, ulbanka nani alsut ba páin ai tanka bribia ba dukiara. ⁴⁶ Jîsas kli asin: "Baku bamna, pat ulbansa, Krais ba punis takaisa, sakuna yu yumpara kat; prûan ba wina kli bubia. ⁴⁷ Upla alsut ai kupia lakbia ba dukiara smalkan kabia kuntri aiska, sakuna tâ krikan kabia Yerusalem tasbaia wina. ⁴⁸ Man nani witnisma, dia takan nani walram an kaikram nani alsutba. ⁴⁹ Aman Kaiks, Yan aisiki dia pramis ai munan ba bakat man nani ra mai blikuna. Sakuna naha taunka bilanara takas tel winan aiska Dawan Gâd purara bara ba, pawi kaba wal; bangki takma ba bakat. ⁵⁰ Bara Jîsas ba tâ brin tel Bitania pliska tâ bakat. Witin ai mitha ba purara bukan an blîs munan. ⁵¹ Naku takan: Kau Jîsas ai disaepelka nani ra blîs munikan bara, witin nani ra swin an karbrika pura bak brih uli wan. ⁵² Baku bamna, Jîsas ra mayunra tara yabi luwan ninkara disaepel nani ba mitha ba mahka kli wilwi tawi balan Yerusalem ra kasak lilia târa kira ni. ⁵³ Witin nani lika kasak yu bani tempel ra takaskikan, an Dawan Gâd ra sin mayunra yabi kan.