Juan_HRomeroC-miq-HN-miskitu_luk_text

Ulbi baiki sakanka tara 23

¹ Witin nani asli ka nani sutba biwi, Pailat mawanra brih wan Jîsa ra. Witin nani Jiṣas witnis ka kunis aisikan ikaia dukiara. Naku aisi kan: ² "Naha waitnika lâ nani ailal sauhkikan, witin aisikan Sisar ra wan lâl mana aibapaia apia kan saurasa, an witin Krais an king wisi aisisa". ³ Pailat mitha naku makabi walan: "¿rait manba Yudia upliaka nani kingkasma ki? Pana naku aisi win: "man mitha baku wisma". ⁴ Pailat mitha tâ uplika nanira an upla kuara târa nanira, naku aisin: "Naha waitnika patkas sa kaikisna". ⁵ Sakuna, witin nani lika kau trai munikan Jîsas ba patkira. Naku aisi kan: "Witin upla nani tilara turban laka brih balan, ⁶ Baku bamna, Pailat ba naha sturka walan bara makabi walan rait pali witin ba Galili wina sapan. ⁷ Sakuna witin king Erot mina munhtara kan ba mitha, Jîsas ba king erot mithara blikan wan, an baha taimkara Jerot ba Yerusalemra bara kan. ⁸ Erot ba Jîsas ra kaikan taim, uba lilia takan. Kan witinra taim wihka pali kakaira takaia wantkan. Kan Jîsas sturka walan kan an bilan kaiki kan sain kum daukka kaikaia. ⁹ Erudias ba Jîsas ra diara makabi wali kan sakuna Jîsas mitha lika pana diara kumi sin aisi wiras kan. ¹⁰ Sakuna Prîch witha târa nani ba lika Jîsas ra karna pali dusa kuhni kan. ¹¹ Erudias ay suldawa ka nani aikuki Jîsas lawaska kikan, an kiala painkum dinkan an blikan wan king pailat mawanra. ¹² King Pailat an Erudias wal pana pain takan baha yua kat (kan yu luan ra witin wal ba kasak wal ai waihla kan). ¹³ Pailat mitha winan balan Prîch witha nani alsut ra, an lâ uplika nani alsut ra sin, bara upla kuara tara nani ra sin paiwan balan, ¹⁴ an naku aisi win: "Man nani mitha brih balram naha waitnika nara sin witin ba upla kum kum upla walara saura daukaia tâ uplika nani kum baku, saku aman kaiks, yan witin ra diara ailal makabi walri man nani mawanra sakuna man nani dusa kuhbisma dukia nani kumi sin witinra kaikrasna an walrasna. ¹⁵ Apia, Erudias sin apia, kan witin mitha yawan nani ra kli wan blikan balansa, kaiks, witin diara saura kum sin daukrasa bâ tâka witinra prûra kat blikaia. ¹⁶ Baku bamna, yan wira rau sauhkamni an baha ninkara kli yan lanhkamni. ¹⁷ Pailat ba lika wilin kan silak bilara waitna kum bara kan ba prî sakaia, witin nina Barabas. ¹⁸ Sakuna upla kuara tara kisbi, naku aisi kan: "'¡ Naha waitnika aut ra saks, sakuna Barabas ra lika prî saks¡" ¹⁹ Barabas lika silak ra mankan kan, lâ uplika nani mapara buwan an upla sin ikan kan ba tâka mitha. ²⁰ Pailat kli naku taun uplika nani ra win, kan witin lika Jîsas ra lanhki prî sakaia wantkan ba mitha. ²¹ Sakuna taun iplika kuara tara ba lika karna pali kisbi naku aisi kan: "dus prîhnira sâs". ²² Sakuna pailat aima yumpa naku makabi walan: "¿dia matha? ¿dia saurka daukan naha waitnika na? witinra prûra kat blikaia saurka kum daukras sa. Baku bamna, wira wipi rau sauhki muni yan kli lanhkamni". ²³ Sakuna upla kuara tara ba kau karna pali kisbi naku aisi banwikan, karna muni kan Jîsas ra dus prîhnira sabia ba dukiara. ²⁴ Witin karnakisbi kanba bila Pailat kupia alkan bara Pailat au takan taun uplika nani kupia lakaba daukaia. ²⁵ Prî sakan Barabas ra, an witin lika upla ikan kan an diara saura daukan kan. Sakuna Jîsas ra lika pât mithara blikan wan kan upla kura tara ba bawa want kan ba mitha. ²⁶ Jîsas ra mahka aut ra sakan, an Saiman Sirini wina kan bara alkan an witin lika insla wina aula kan, Jîsas dusa prîhni kanba witinra sunan, an mahka Jîsas nina blikan. ²⁷ Upla ailal pali, mairin nani asla kum sari taki ini kan Jîsas dukiara, an witin nina bliki kan. ²⁸ Sakuna Jîsas mitha baha nani mairkara naku aisi win: "Yerusalem luhpika mairin nani, yan dukira inparama, man nani selp dukiamra ins an luhpiam nani dukiara sin. ²⁹ Man nani kaiks, yu nani aulasa witin nani naku aisabia: 'blisinkisa baha biara wina bal takras kanba an baha tialka laya sin diras kanba'. ³⁰ Kan witin nani naku aisabia unta tara nani bara: 'yan purira kauhs' il nani ra sin: 'ai yukuks'. ³¹ Dus tara kau siakni bankanra naku muniba ¿dia takbia ki baha dusa laubia taim? ³² Waitna walkan, saura dadaukra kan walsut, bríh wankan Jîsas lâmara bisi ikaia dukiara. ³³ Îl kum kat wan, baha îlka nina ba lika, "lâl kamka-lâl duska", baha ilkara Jîsas an baha saura dadaukra waitnika wal aikuki dûs prîhnira saban, kum Jî aihkikara an walaba lika Jîsas swih kara. ³⁴ Jîsas kli naku aisin: "Aisiki, patin muns, kan witin nani lika ai tanka briras sa dia atia daukisa sapan". Suldawa nani lika silin ma lulkan Jîsas kualka ba pîs wal kalki baha purara. ³⁵ Upla ailal ba pain pali wats taki kan kan king an tâ uplika, lâ witka nani ba witin lawaska kiki bangwikan bara, naku aisi kan: Witin wala nani ra suaki sakan. Selp suaki takbia, witin ba rait krais sa kaka, Dawan Gâd wina an wahbi sakan waitna". ³⁶ Suldawa nani ba bila sin Jîsas ra suira paski kan, witin lamara wihki Vinagrî laia krakraka ba witin bilara dakakan, an naku aisi wikan: ³⁷ "Man ba rait pali Yu nani kingkasma sa kaka, selp suaki taks". ³⁸ An ulbanka kum suinkan, witin dusa prîhni purara, naku ulbankan: "witin ba Yu nani kingkasa". ³⁹ Saura dadaukra wal Jîsas snayara saban kan ba mitha Jîsas saura pali, naku aisi win: "¿Man rait pali Kraisma kî? Selp suak taks, an yan nanira sin suaki ai saks". ⁴⁰ Sakuna saura dadaukra wala Jîsas aihkikara kan ba mirha naku pana aisi win ai panikara: "¿man Dawan ra sibrirasmaki, kan man sin prura kat pat ra mai swinsa? ⁴¹ Sakuna yawan nani lika narasa lâ bakat, kan yawan nani lika wan saurka mana naiwa aibapisa. Sakuna naha waitnika lika diara saura kumi sin daukras". ⁴² An baha waitnika, kli naku aisin: "Jîsas, man king aimakai taimka ba balbia taim yan dukira liks". ⁴³ Jîsas pana naku aisi win: "rait pali yan manra mai wisni; naiwa yan wal kama paradayas ra". ⁴⁴ Pat kasak tuhni awar kaba aimanki kan bara, tihmia tara iwan tasba aiskara ⁴⁵ lapta ingnika ba tihmia takan kan. Tempel kualka ba sin kalwan mitil bak an pis wal takan. ⁴⁶ Jîsas ai bila saki karna pali, naku aisin: "Aisiki, yan Spîrit ki na man mihtamra mankisna". Naha sturkana aisi danh takan wal, witin pruwan. ⁴⁷ Suldawa nani alsut lalkikaba Sinturin ba naha kaikan taim Dawan Gâd ra mayunra yaban, an naku aisin: "rait pali naha waitnika na, waitna kasak kira kumkan". ⁴⁸ Upla kuara târa nani ba naha kaikan taim, dia an witin nani daukan kan ba sin kaikan, an witin nani sep ai lâma bila wipi an pruki atia kan. ⁴⁹ Sakuna Jîsas kakairika nani kanba lika, an Galili tasbaia wina mairin aslika kum witin nina blikan kan nani ba lika laih wina kaiki kan dia nani taki kanba, diara nani sutba. ⁵⁰ Waitna kum bara kan witin ninaba lika Yusep-José witin ba sin tâ uplika kumkan, witin ba lika waitna kum yamny an kasakira kan. ⁵¹ (witin lika wilin apia kan Jîsas prura mithara mankaia) witin lika aimatia tasbaika wina kan, an Dawan Gâd king aimakaia yua balai kanba bila kaiki ridi pali kan. ⁵² Witin lika Pailat lâmara bal Jîsas wina tara ba witin ra yabia dukiara makaban kan. ⁵³ Dûs prîhni wina alahban, an kuala pîhni an klin wal blakan witin wina taraba an raiti bilara mankan, baha raitika lika walpa kum untika kan. An baha bilara lika kau upla kumi sin bik ras kan. ⁵⁴ Însal lûan yua, rîs yua pat tâ krikaia pat baila kan. ⁵⁵ Galili wina witin nina bliki balan mairka nani ba, tadi Jîsas nina bliki kan witin pruwan katsin an witin raiti kaba kaikan, kan Jîsas wina ba bahara bikan kan. ⁵⁶ Baha mairka nani mahka ai watlara wan naha nani dukia ridi daukaia dukiara: Ising kai painkira an bata kia painkira nani ba ridi daukaia dukiara, sakuna rîs yua ra lika