¹ Yuti mana brabrira nani alsut, saura dadaukra nani alsut ba lika Jîsas ra kaiki kan an witin smalki ba wali kan. ² Alsut, Farisi nan an aiulbra nani alsut ba brikwi kan, an naku aisi kan: "naha waitnika na lika saura dadaukra alsut ra yamny balanka yabisa, an witin nani aikuki iwi plun sin pisa". ³ Jîsas maprikara sturka ni naku aisi win, witin nanira: ⁴ "¿man nani wina ya kabia ki, sip andat (100) brî ba wina kum tiubia sa kaka, nainti nain (99) klar ra suisi si, kumi tiwan ba ninara pliki wabia tel sakbia ba bakat? ⁵ an, sakbia taim, ai lama bilara kiaubi alkbia an kasak lilia sin takbia. ⁶ Witin ai watlara wabia taim; ai panika an ai watla lama uplika nanira wibi: 'yanwal lilia taks, kan sip ki kum tiwankan sakuna sakri'. ⁷ Yan kasak mai wisni: kau lilia sa jevenra saura dadaukra kum ai kupia lakuia taim. Kan naiti nain (99) ba lika ai kupia lakaia nit apiasa. ⁸ An, ¿ani mairka silbar lalah ka mâ ten (10) bri ba wina, kumi tiubia sa kaka, ai lamh kaba anhbia, ai watla pahbia an pain pali prikbia ten praubia ba bakat? ⁹ Sakbia taim, ai panika, ai watla lama uplika sut paiubia an, naku asi sin wibia: 'liliam bris yanwal, kan duki tikri kanba kli sakrisa'. ¹⁰ Sin ba baku, lilia tara barasa Dawan Gâd mawanra, an Insal nani sut mawanra upla saura dadaukra kum ai kupia lakuia taim". ¹¹ Aima wala, Jîsas kli naku aisin: ¹² "waitna kum luhpa waitna wal (2) brikan, kau wahma ba mitha naku win: 'Aisiki, prapati kî alsut ba aik' bara witin ra yan. ¹³ Yu, kau ailal luras kan taim, baha wahma ba ia dukia sut ridi dauki mahka kuntri wina laiuhra taki imhpakan, ai lalah sut pain yus munaras tak tikan isti pali. ¹⁴ Ai lalahka sut danh daukan taim, plun wawanka tara kum balan witin bara kan pliskara, an witin sin nit tara alkan. ¹⁵ Witin wih wark kum makaban tawan uplika kumra, bara kuiku main kaikaia wark ka kum yan. ¹⁶ Witin lika kuirku ra dakaki pataba witin sin pîkan, kan witinnra upal kumi mitha sin plun yaras kan ba mitha. ¹⁷ Baha wahma kli selp, naku aisan: '¡yan aisiki watlara, warkinman nani alsut plun ailal brisa piaia lahma, sakuna yan lika nanara plun wawisnana! ¹⁸ Yan kli waihna aisiki watklara, an naku wimni: "aisiki, saura yari man mampara an jeven mapara sin. ¹⁹ Man luhpiam apia ai wima kaka sin yamny sa; sakuna, wark kam tatakra kum baku pan aibris". ²⁰ Baha wahma ba mahka wan, ai aisikara balan. Witin kau ai aisika watla alkaia baila kan taim, aisa ba kaikan, ai luhpia mapara plapi wan. Witin wal prawan taim, naku daukan: kiaubi alkan, kiawalan. ²¹ An naku aisi win: 'Aisiki man mampara an jeven mawanra saura yari, man mitha yan luhpia ai wirasma sa kaka sin yamny kabia'. ²² Aisa ba mitha ai albaia ra, naku win: 'bribal: kuala kau painba yas dimbia an matdinka sin bibal an sandali sin. ²³ Bawina, bip kau batana ba sin bribal an iks. ¡lilia tara daukaia! Kan yan luhpina pruwan kan, sakuna naiua lika kli rayasa. ²⁴ Tiwan kan, sakuna kli wal prauri sa'. An lilia tara ba mahka, tâ krikan. ²⁵ Sakuna witin luhpia waitna almuk ba lika utla wina laihra kanba wina kli utlara tawi aula kan, walan miusik binka, dans sin pulikan ai aisika watlara. ²⁶ Witin, alba kum ra wini naku makabi walan, dia atia sa ki. ²⁷ Alba ba mitha, pana naku asi win: 'muihkam silpi kli utlara balan, bip kau batana kata sin ikan, witin kli balan ba dukiara'. ²⁸ Witin luhpia almuk ba, kasak lawan kan, dimi waras kan lilia tilara. ²⁹ Muini almuk ba mitha ai aisika ra naku aisi win: 'aman kaiks, mani ailal albayam takri, lamka kumi krikras sakuna man guts kumsin yanra aikras yan painika nani aikuki pimna wisi. ³⁰ Sakuna, man luhpiam na lika, prapati yabram sut ba urkira nani aikuki tak tikan sakuna witin dukiara lika bip kau taraba ikram'. ³¹ Aisa ba, ai luhpia, waitna almuk ra naku win: 'Luhpi waitna man lika yanwal rasma, yan dukiba man dukiamsa. ³² Sakuna yan want kapri naha lilikana daukaia kan liliasna ba mitha, kan man muhikam ba pruwan kan sakuna naiwa raiasa; tiwankan sakuna naiwa kli wal prauri sa' naiwa".