¹ Naku takan, satadi yua kumra. Rarisi nani aikuki bret piaia wan, kan ai lalmara tauki kan ba mitha. ² Baha watlara ra wapi kan bara witin nani kainara waitna kum barakan kuhma am clahcla puskan kan. ³ Jîsas baha kaikan taim naku makabi walan Farisi an lâ smamalkra nanira: "¿lakat kabia ki, satadi yua ra, siknis kira nanira ra rakaia?" ⁴ Minit lupia kum lalam takaskan kan alsut. Baku bamna, Jìsas takaskan minit kum an baha waitnikara rakan, an mahka blikan wan ai watlara. ⁵ Skuna witin nani mitha kli naku aisi win: "¿man nani wina ya sip kabia ki, luhpiam kum, muyul kam kum lî unhtara dimi wabia kaka satadi yuara sakuna man nani mitha sakras kam?" ⁶ sakuna witin anni mitha diara kumi sin wiaia sip apia kan. ⁷ Witin nani ba, baha watlara wan taim Jîsas kaiakn witin nani lika tibil kau painkira bara iwan, Jîsas maprika sturka kum wal, naku aisi win: ⁸ "man nani, marit lilika tara kumra imabait main munbia kaka upla kulkanka tara yabi iwaika taura bara iupara ma kan bah ara iuma sa kaka sipsa man puramra upla kau kulkanka tara yabi uplika kum iwaikara iuramkaia. ⁹ Baha iwaika dawanka pali ba balbia taim, naku aisi manra mai wibia: 'naha uplika iwaika pali ba yas' an kasak suiram takma bara sir kau ninara nam bara man nani wama. ¹⁰ Baku bamna imbait, mai munbia taim naku dauks; iwaika ninara nan ba kum ra man ius. Kan imbait mai munan uplika ba balbia taim, witin mitha naku mai wiaia sipsa: 'baha ra bara uplika nani alsut mawanra lilia tara an kulkanka tara maikbia. ¹¹ Kan ya tara lukiba, maya ra iubia an ai suira takbia sakuna ani uplika baui ba lika; purara bukan kabia". ¹² Jîsas mitha witinra imbait muna waitnikara, naku aisi win: "man upla kumr plun dakakaia imbait munma bara; pamnika nanira baman paiupara, mauhkam nani, tamhia nan, wampla lama ra lalahkira nani bara bara sin apia. Kan witin nani lika maiaibapaia sipsa, an man pat mamna briram kabia. ¹³ Sakuna man imbait munma bara, upla umpira nani ra imbait muns, kuhmas nani ra, wapras nanira, an blain nanira sin. ¹⁴ Baku lika man, blesenkira kama; kan witin nani lika sip kli mai aibapbia apia. Sakuna man lika; kasak kira nani ba kli bubia taim manna tara briram kabia". ¹⁵ Sakuna witin lamara kum iwan kanba lika Jîsas dia aisikanba walan, naku win: "lilia pali kabia ani uplika Dawn Gâd tibilkara iwi pibia sa kaka". ¹⁶ Sakuna Jîsas kli naku aisin: "yua kumra, waitna kum plun kum ridi daukan, an upla ialal ra imbait munan. ¹⁷ Plun ba pat ridi kan taim, blikan wan ai uplika imbait munan kan kumi banira maka balbia dukiara, naku win: 'baka bal, kan plun pat ridi sa'. ¹⁸ Sakuna witin nani kumi bani ba, balaya apia wisi naku aisin: pas ba bila, naku win: 'pliskam pali eskius ai muns, kan tasba kum atkri kan baha kaikaia auna'. ¹⁹ Wala lika naku aisin: 'pliskam pali, eskis ai muns, kan bip waihka tara matsip (5) atkri kan prup munaia auna'. ²⁰ Wala kum sin, naku aisin: 'Yan marit takri, baha mitha yan waia sip apiasna'. ²¹ Baha waitna kli bal dia takan ba win. Baha waitna ba kasak lawi, ai albai ra naku aisi win: 'isti pali was yabal bilara, taun nanira an brih bal upla umpira nanira, wapras nanira sin, blain an kuhmas nani ra sin'. ²² Alba waitna ba mihta naku win ai dawankara: ''dawnki man dia wiram ba daukrisa, sakuna kau plis barasa'. ²³ baha waitna ba mitha ai alnaia ra, kli naku aisi win: 'was, upla wapaika yabalka praki bri nanira sin, an karna muns nara balbia, baku mika waitna n abangki takan kabia. ²⁴ Yan mai wisni, baha waitnika nani pas taura imbait munan kanba sin yan tibilkira iu pibia apia' rait pali". ²⁵ Upla ailal witinra wikan, witin kli naku aisin: ²⁶ "ani uplika, ai aisika, ai yaptika, ai maya mairin, ai luhpia, ai muihni, ai lakra, an selp ai rayaka kara kau latwan kaikisa kaka sin yan disaepel ki takbia apia. ²⁷ Ani uplika, selp ai dusa prihni tuilki nini blikras sa kaka, sip yan disaepel ki takbia apia. ²⁸ Kan, v ¿man nani tilam wina ya kabia ki, uptis kum makaia wantsa sakuna pas iwi ai tanka plikras; an lalah tikaisa, an dia nitsa baha wark snata ra brih waia sa kaka? ²⁹ Nahka walara mai wimni, baha waitna ba, ban ai wark ka tâ lika krikbia sakuna sip pain danh daukras sa kaka, upla ailal witin lawaska kikbia. ³⁰ An naku sin wibia: 'naha waitnika utla makaia tâ krikan sakuna sip danh daukras munan'. ³¹ An, ¿ani kingka war aiklabai kabia taim king wala mapara, pasaba iwi ai tanka pliki kaikras kabia ki, nahki natkara aiklabai ba an nahki natkara pura luwaiba. Witin lika war waitnika ten tausin brisa (10,000) sakuna king wala lika tuinhti tausin war aikkla klabra braula ba mapra aiklabi pura luaia? ³² Kau ai waihla ba laihra kabia taim, naku daukbia; king ba mitha ai wina tara baku kum saki blikbia aiklabaia apia an prî laka makabi. ³³ Baku bamna, man nani diara sutba ninam ra suiaia want apiasma sa kaka, sip yan disaepelki takma apia. ³⁴ Damny ba painsa, sakuna ai damny kaba tikisa, ¿nahki kli baha damny kaba sakbia ki? ³⁵ tasba an lî bila mapara sin yus takras. Lulki suibia. Ya, ai kiama briba walbia".