Ulbi Baiki Sakanka Tara 1
1
Upla ailal trai munansa wapnika mankaya naha turka nani yawan wan tilara takan ba.
2
Sin dia yawan wan mihtara mankan ba baku, kan bara upla nani witin nani ba tâ krikan wina witnis a alaba atiasa Sturi Yamny ba dukiara.
3
Yan sin dia nani takan nani sut ba pain pali tanka plikri ta krikan ba wina an snata bakat, ba ninkara yan maipara pain kaikisna man ra mai ulbaya diara yamnu pali an lâ bakat, Tiofilo.
4
Kan diara mai smalkan dukia nani sutba riat ka pali ba nu takmaba dukiara.
5
King Herodes yua nanira, Yudia Kigka, Prísh kum barakan witin ninaba Zacarías, Abias kiamka kata. Abias maya mairin ba liaka Aron kiamka kan baha mairka nna ba lika Elisabet.
6
Witin walsut lika, Dawan mawanra yamny an kasakira palia atia kan, Dawan bila an witin ai lâka ulban nani sut alki dauki prapris muni kan.
7
Sakuna witin wal lika luhpa kumi sin apu kan, kan Elisabet ba lika biarpara kan ba mita, an witin wal sut uba almuk pali atia kan baha taimkara.
8
Zacarias Dawan mawan ra ai warka dauki kan witin Prísh kum baku adar bakat.
9
Baha yuara lâ kum barakan Prîsh kum wahbi sakaya tempel ra Dawan wark ka daukaya dukiara, Prîsh ailal tilara Sacarias ra wahbi sacan Dawan mawanra daiwan sacrifais dauki anki kia yamny ba Dawan ra yabaya dukiara.
10
Upla kuara tara nani alsutba lika ai pura suni bangwi kan tempel bilara lika apia baha kau daiwan wina ankaya kia Dawan ra yabaya awarkara.
11
Bawina Dawan Ensal ka kum witin mawan ra balan, altar lama ba kat.
12
Zacarias Ensal bara kaikan taim siran tara iwan.
13
Sakuna baha Ensal kaba mita Zacarías naku aisi win: "Sibriparama Zacarias, kan man puaram sunra ba Dawan walan sâ. Man mayam mairin Elisabet ba kuihra takbia an luhpa kum witin baikbia, an man baha tuktikara nina Juan mankma.
14
Witin aisubi takaiba dukiara man amya pah kama an upla ailal sin lilia takan kabia.
15
Witin ba tara pali kabia Dawan Gâd nakrara. Witinkaba wain laya satka kum sin dibia apia, an Spîrit wal ai banki kabia kau ai yaptika biarara ba wina.
16
Bara Israel luhpika nani ailal pali Dawan ra kli wilwi taui balbia.
17
Witinka ba Dawan kainara wabia El̂as Spîrit karniba wal. Naha witin daukbia aisa kupia nani ba kli luhpia nani ra kli lakbia, bakumika sin ani uplika bila wawalra apia nani ba sin sins lâka an yamni laka yabalkara wapbia ba dukiara, an tawan uplika nanira ridi daukaya Dawan aulaba dukiara.
18
Zacarias mita Ensal ra naku makabia walan: "¿Nahki natkara nu takaya sipsna? Kan yan pat waitna dama kumsna an yan maî mairin ba sin pat uba kûka palisa".
19
Ensal ba mita witin ra naku pana aisi wisata: "Yan sika Guibrial, an yan Dawn mawan ra buisna. Yan ra ai blikansa manra mai aisaya an naha sturka yamny nani na manra bribalaya dukiara.
20
Baku bamna, bilas takasma, sturi aisama apia, yan dia maiwira nani sutba aimangbia ba kat. Dia mata, kan man yan maiwira sturka nani ra kasal lukras kapram ba mita, an dia mawiri dukia nani sutba aimankan kabia ai taimka ba bakat.
21
Sakuna tawan uplika nani Zacarias bila aihwaki kan bara. Tawan uplika naniba sut tâ iwan kata kan witinba tempel bilara dimi wan wina kli baltaka uba taim tiwan kata.
22
Sakuna witin tempel bila wina maka aut ra taki wan taim, sturi aisaya sip apia kan. Bara upla nani ba ai tanka brin Zacarías ba yapri saugkan bak Dawan wal prawan kanba tempel bila kat. Witin sain ra baman aisikan.
23
Bara prias awar kaba lui wan taim witin mahka ai watlara kli wilwi taui wan .
24
Naha nani de kara, Zacarias maya mairin Elisabet luhpa kum baikan. Bawina ai watlara paip mont pitka takaskan. Elisabet mita naku win:
25
"Naha sika Dawan yan dukira daukanba kan witin yangra umpira ai kaikan a sin witin bui yan suiri tara brî kapriba upla nani mawanra witin bui sakan".
26
Kati mat sip pura kum luan taim, Dawn bui Ensal Guebrial ra galili taun ka kum ra blikan wan baha tawan ka nina Nazaret,
27
Baha tawankara mairin kum barakan witinkaba kau waitna wal yapras sakuna witin waitna kum wal pramas brikan marit takaya baha wainika nina José. Witin kaba Devid kiamka kan, baha mairka nina lika Meri.
28
Ensal ba Meri ra bal naku aisi win: "Naksa, ¡man Dawan gelp mai munisa! an witinba man wal sa".
29
Sakuna Meri lika pain pali ai tanka briras kata kan Ensal sturka ba wal naku asi kata, naha dia sat naksi ka kaya sipsa ki.
30
Ensal ba mita Maria naku aisi win man sibri para kan Dawn mita manra pain yamny may kaikansa.
31
Nutaks, man kuigra tiuma an luhpa kum baikma. Baha tuktika nina ba naku makma 'Jisas'.
32
Witin lika tara pali kabia; Gâd laih purara iwi ba luhpia makan kabia. Bara Dawan mita ai damika Devid baku king makan kabia.
33
Isarael aiska kug ka aimakbia a witin a king ka laka tara ba snata apu kabia.
34
Bara Meri mita Ensal Gebrial ra naku makabi walan ¿nahaki natkara naha na rait pali sip kabia ki, kan yan waitna kau yaprasnaba?
35
Bara Ensal ba mita pana una kaki naku aisi win: "Spîrit Hulikira manra balbia bara Gâd laih purara iwi ba karnika taraba man puramra balbia. Bara man wina baha Huli aisubi takbia ba, ni makan kabia; Dawan Gâd luhpia.
36
Man kaiks, tamya mairin Elisabet almuk taki ra luhpa kum baikanba. Kan witin luhpa baikan deka ba wina pat kati man sip pura kum luwi wan, an witin ba biarpara kan.
37
Kan sipapia dukia kumi sin apusa Dawan mapara.
38
Meri pana naku aisi win: "Yan sika Dawan Gâd albayasna. Yan wal dauks, dia daukaya wantsma bakat". Bara Ensal ba kli mahka tawi wan.
39
Bara Meri ba bui Yudia tasbaya ra wasata istipali.
40
Zacarias watlara dimi wasata Elisabet ra kaiki naksika yabaya dukiara wan.
41
Elisabet Meri naksa wi kan walntaim, baha bibi ka Elisabet biarara kan ba pali ayawi kan, bawina Elisabet Spîrit wal ai bangki takan kata.
42
Bara ai bila saki karna pali naku aisata: "Blesenkira man, mairin nani sut tilawina, an biamra mâ ra sin blesenkira smâ.
43
¿Dia mata naha na yanra ai takansaki, kan yan Dawan ki yaptikaba yan takaina ba?
44
Man kaiks, man naksi kam sturka nani yan kaimara walritaim, naha tikti ka yan biaira bilara na, ai awi palan uba lilia kira ni.
45
Witin ba blesenkira sâ, Kan Dawa Gâd aisan sturka nani aimankisa.
46
Mery naku aisi win: "yan solki na Dawan Gâd ra mayunisa.
47
An yan Spîrit kina uba lilia talkisa yan ai Dawanka, an an ais suaki sasakri ka wal.
48
Kan witin ai albika mairin nahki kan ba pain pali kaikan. Nu taks, naiwa wina ia kainara upla sut tasba aiskara blesenkira takbia.
49
Kan witin ai karnika tara ba wal, yan dukira diara tara pali daukansa; witin ai ninaba huli sa.
50
Kan witinba umpira kaikan laka brisa upla nani alsut purara bankayara an bankabia sakuna ani uplika witin ra sibrin bri nani ba amapara.
51
Ya târa pulan laka bri nani bara lika ai kupia ra turbi tikan kabia.
52
Kan witin mita tasba king ka nani ra lika, kraunka mihta dakbi bara upla bawi kiara nanira yabisa.
53
An upla plun dauki nani ra sin, witin bui diara painkira nani ailal yabisa, sakuna upla richs nanira lika mihta bila man suisa.
54
Bara witin bui jelp munansa ai albaia Israel ra, witin nani ra kupia krauki kaya dukiara witin umpira kaikan laka ba briba dukiara.
55
(Sin ai aisika ra win ba baku) Ebraham an ai kiamka nani sut aikuki.
56
57
58
Mery Elisabet wal kati yumpa pit takaskisi maka ai tawan lara wilwi tawi wasata. Bara Elisabet luhpa baikaya awarkaba aimakan taim, witin luhpa waitna kum baikan. Elisabet famali ka nani, an watla lamara iwi kan uplika nani alsut ba, nu takan Dawn Gâd ba witinra umpira kaikan kan ba dukiara an kasak lilia pali taki banwankan.
59
Nanara, matsip pura yumpa de luwi wan bara tukta ba cinkunciciun munaya awarkaba sin aimankan kan. Witin nani "Zacarîas" nina ba mankai kan baha Elisabet luhpia ba nina.
60
Sakuna baha tuktika yaptica mairin ba mita naku aisi win: "Apia. Juan kabia witin nina ba".
61
Witin nani mita pana naku aisi win: Man nani famali kam tilara upla kumi sin Juan nina wal apusa ki".
62
Bara witin nani baha tuktika aisikara sain nani dauki makabi walan nahki tukta ba nina makaya ba dukiara.
63
Bara Zacarias mita makaban tat pis kum, baha tat ka pis ra baha tuktika nina ulbata "baha tuktika nina ba lika Juan". Upla bara kan nani sut tâ iwan kata.
64
Sin baha minit ka kat witin tuisa ba lanwan kan. Witin Dawan Gâd ra mayunra yaban kata.
65
Bara baha watla lamara iwi uplika nani sut pura ra sibrin tara bal iwan kata. Bara Judia tasbaya aiskara naha nani sturka wali banwan kata.
66
Ani uplika nani naha sturka walan nani ba ai kupia kat naku luki atia kata "¿Naha tuktika na wahma takbia bara diasa sat waitnika takbia kî?" An Dawan Gâd mihta ba witin nani kumi bani purara kan.
67
Baha tuktika aisika Zakarias ba Spîrit Hûli wal bangki takata, an naku aisin:
68
Dawan ra yan mayunra yabisna, Israel Gâd ka, Kan witin mita blikansa yanwan nani ra jelp wan munbia ba dukira an suhnu wan sakaya dukiara sin.
69
Witin king Devid watlara suaki sakan laka ba bribalan sa.
70
Dia ai prafit ka nani ra aisin ba baku taim luan nani ra.
71
Witin bui suak takan laka brih balbia wan waigla mihta wina, an baha uplika nani ai waihla wan saki ba mihta wina sin.
72
Witin naha na daukbia ai latwan ka lakaba yawan nani ra wan marikaya ba dukiara,
73
an baku natkara wan kupia kraukbia witin huli pramaska kum daukanba wan aisika Ebraham wal.
74
Dawan Gâd ba yawan nani ra pramis kum wan munan, baha pramas kaba; wan waigla mihta wina suaki wan sakaya. Bakumi mika yawan mita witin ai wark kaba daukbia ba dukiara sibrin apu kirani.
75
Hûli lâkara, lâ ba kat yawan wan rayaka aiskara.
76
Au, mân, naku ninam makan kabia; Prafit nani wina kau pûrar takbia. Kan man wama, Dawn kainara an sin baha Dawan ka, yabalkaba man bui ridi daukma.
77
Bara baku mika ai tawan uplika nani alsut ba, nu takbia nahki natkara ai rayaka suaki sakya ba dukiara. Ai kupia laki an padin laka briaia ba dukiara Dawan Gâd wina.
78
Naha dukia nani sut ba takan kabia Kan Dawn Gâd ba yawan nani ra umpira wan kaiki ba mita. Baha tanka ba mita, Dawan kum laih purara iwi ba balbia yawan nani ra jelp wan munaya dukiara.
79
Baha uplika nani tihmia tara tilara iwi nani bara inwaya ba dukira an prura distikara iwi nani ba sin dukiara. Naha dukia nani ba Dawan mita daukan kabia wan tâ brih, prî yabalkab wan marikaia dukiara.
80
Nanara baha tukta ba lika pawi kata, an kau karna taki kata Spît ra, an upla iuras tasbaiara takaskikan tel Isarael uplika nani ra param takan taimka bakat.