Ulbi Baiki Sakanka Tara 3
1
Nana rayan man nani ra maiulbisna laituankira nani, naha ulbanka wauhkataya wala wal na mitikak baku lukan kam kasak bara ta baikaia.
2
Baku lika man nani sip kama tanka briyaia prafit nani aisanka luwan bara an la bila nani wan Dawan ra an wan suaki sasakra wankanba apastil nani mitil ka bak.
3
Pastaura naha na tanka briras wan mapa babura balbia las pyua nani ra, witin nani ba wan wan mapara kabia bara silp aibrinka lukanka pliki kabia.
4
witin nani wibia: Anira sa witin balaia pramiska ba ? kaina wina wan damika pruan an diara sut ba bankat ban sa. Dia baku, Blasi pyuwa tasba paska ta wina.
5
Witin nani ailukanka ra auya tiwisa tasbana bara heven ba balan li lani ba klaia bak bara li nani ba mitilka bak, pyu wihka Dawan adarka bakat.
6
An naha nani dukia mitilka bak tasba na baha pyua ra sauhki tikan li dinkanka tara mita.
7
Kuna nanara lika baha taka ba mita tasba na bara kasbrika ba bak saki swin sa pauta lahma witin nani ba bak swin sa la daukbia pyua ra lukras nani ba sauhki tikaia.
8
Naha na upla kumi sin plapi suakbia apia laituan kira nani, Dawan mapara yu kum ba tausin ( 1000) yua baku sa tausin yua ba sin, yu kumi baku sa.
9
Dawan ba kau ayauras alki takaski brisa aipramiska ba, ban kra upla kum kum lukbia diakan alki takaski sa, kau man nani dukiam ra alki takaski brisa, Dawan wat apiasa man nani kumi sin tiuma, apia, witin wan sa upla sutra sanskum yabaia taksut ulakbia dukia ra.
10
Baham na Dawan yua ba ayimplikra kum baku balbia. kasbrika nani ba bin tara dauki lubia. Kasbrikara paskan ka sut ba pauta wal ankan kabia. tasbara aiwarka nani sut ba param kabia.
11
Baha sin natka ra, naha dukia sut ba sauhki tikanka kabia,¿ Dia sat uplika kaiasma man nani ba? man nani ba suhnu raiaka kum ra iwaias ma. Dawan
12
balaia ba dukia ra aihni ridi taki bila sin aihwakaia. baha yua ra, kasbrika ba sauhki tikan kabia pauta wal, an baha bila ra diara nani bara ba sut sauki tikan kabia pauta laptika ba mita.
13
Witin aipramiska ba kat, yawan nani ba baha bila kaiki sa kasbrika raya bara tasba raya, baha ra sika kasak laka iwi ba.
14
Baha mita, laituanki ra nani, man nani naha dukia na takbia dukia ra bila kaikisma bara, diara sut ba pain baman dauki bas, baku lika man nani taski laka apu lukanka saura laka apu kama witin mawan ra, pri laka ra.
15
Baku sin wihka bila kaikanka laka brikaia wan swuaki sasakra Dawan ra, sim wan muihni latwan kira Pal, man nani ra mai ulban ba baku, sins laka witin bui wankan bakat.
16
Pal aisisa ai ulbanka asut ra, baha ra sika diara kum kum ba wira karna sa tanka briaia. upla lukras nani bapi buras nani ba naha dukia na karbi laki sa, sim witin nani ulbanka wala ra dauki ba baku, silp aisawaia dukia ra.
17
Baha mita, laituankira nani, naha nani dukia na nu atisma ba mita, man nani silp mainkam kaiki bas baku lika ban bahki ra taukma ra witin nani kuninka ba wal, bankra man nani kasak kan lukanka ba tiuma ra.
18
sakuna yamni laka ra pawi bas wan Dawan lukanka an Jisas Kraist wan swaki sasakra ra. mayun ra ba witin dukia sa, nanara bara !bankaia ra sin!