¹ Prafit kunin kira nani balan kan tawankam ra, an baku sin smasmalkra kuninkira sin balbia man nani ra, witin nani yukuan ra bribalbia smalkamnka kuninki ra nani sauhki tikaia witin nani kulkanka yabras smasmalkra yamni atki wan sakan bara kulkan ka yabras kabia. Witin nani lika isti pali brih aula sauhki tikan ka silp aipura ra. ² Upla ailal pali ba daukanka saura ba nina blikbia, baha taka mita witin nani kasak yabalka ba mapara aisankabia. ³ Witin nani bui man nani ra kunin bila wal maismalkbia, witin nani silp aibrinka dukiara. Ai patka briaia ba uba wihka bila kaiki sa ai sauhki tikan kaba yapras bila kaiki sa. ⁴ Bara Dawan bui insil nani saura daukan bara patin munras kata. Baku natkara witin nani ra blikan wan il pauta mununta ra, priski brikaia tihmia tara munun tara Dawan la daukaia yua bakat. ⁵ Baku sin patin munras kan blasi piu wa ra, baha yua ra Nua baman mainka kaikan turi yamni dahra aisasara kum kan upla asla (7) aikuki, baha piuwa ra li samra tara blikan tasba aiska pura ra lukras nani mapa ra. ⁶ Dawan mita Sodoma an Gomora ⁷ Bara waitna Lut kasak kira ba witin aikupia kriwan ka tara brin, naha nani waitnika aiwapanka ra la apukan, aidawanka saura ba wal, Dawan bui suaki sakan. ⁸ Bamna baha waitna kasak kira ba. witin pyu bani iwikan baha nani tila ra, airayaka kasak ba sari taki kan diara nani kaiki ba an wali ba dukia ra. ⁹ Dawan ba nusa nahki swaki sakaia waina kasak kira nani ra mina prukanka wina, an baku sin waitna lukras nani ra patra lulkaia la daukbia pyua ra. ¹¹ Kau pali kasak baha nani uplika ban aiwina saurka ra dauki ba, kulkanka yabras ba ta upla nani ra. witin nani silp ailukanka ra an bila wal ras iwikan, witin nani sibrin apukan papaskra mapara aisaia. ¹⁰ Insal nani ba karnika tara brisa an sip sa diara nani daukaia. Sakuna Dawan mapara la daukbia apia. ¹² Naha nani daiwan tanka briras baku paskan, sauhki tikaia lahma, witin nani aitanka briras dia aisi ba. witin nani ba sauhki tikan kabia. ¹³ Witin nani aidaukanka saura nani ba mana bribia. witin nani luki sa kwalwan laka ra iwikaia ba pain baku kaia lukisa, witin nani taski laka ra taski sa. Witin nani lilia takisa aidaukanka kunin kira ba wal man nan aikukililia brisma pya ra. ¹⁴ Witin nani ainakra ba bahki brisa mairin marit laka kakrikra baku, saurka dauki suapras. Witin nani sauhki tikisa rayaka nani bapi buras nani ra, yaka diara saura nani daukaia. Witin nani aikupia ra brinka saura baman brisa. saurka luhpia nani kum sa. ¹⁵ Witin nani yabal wapni ba lulki swin. witin nani naiara tawan an baal yabalka ra nina blikan, Beor luhpia ba witin aitani kan aisaurka ba manan briyaia. ¹⁶ An witin silp aisaurka ba dukia ra lawi daukan. Bara biriku bilas ba upla bila baku aisan, prafit ra alki takaskan sins laka apukan ba wina. ¹⁷ Naha nani waitni ka ba sim li karma kum li apu ba baku sa. Sim kasbrika kum taim saura mita brih wiba baku sa, kasbrika siksa dinki briba baku witin nani mapara brisa. ¹⁸ Witin nani sturi bahki lukras kira baman aisisa, witin nani yaban daukisa upla nani silp aiwina brinka saura baman, witin nani bui aiwina lukanka wal upla saurkara iwi nani ra sauhki tikisa. ¹⁹ Witin nani pramis munsa pri laka sakuna witin nani ba saurka albaia sa, waitna kum ani dukia ba mita alba brisa kaka witin lika baha dukia albaia sa. ²⁰ Upla kum kra naha tasba saurka na wina plapuia kaka, Witin lika Dawan ra kakaira takisa wan Dawan Jisas Kraist suaki sasakra ra. An witin nani kli saurka ra kaubia kaka witin nani aidaukanka ba nanara kau saura takisa kaina piuwa ra kata wal. ²¹ Kau kan ra yamni kan witin nani yabak kasak ba kaikraskan kaka, Dawan laka hulikira yaban ba. ²² Naha sinska laka na rait pali baha nani dukiara sa, yul ba aiaikabanka kli pisa baku sin kiurku klin tahban ba kli luk lukka ra dimi sa.