¹ Yang nani nusna kan, wan watlana tasbara brih iwi sa, kan Slinbankabia, Utla paskanka kum brisa Dawan wina, baha lika watla kum upla aimihta wal makras, utla kum bankaia ra ban ba, kasbrika purara. ² Sakuna naha watlara yawan nani wan mamna lulki inisa. brin wan dauki sa kasbrika purara ba watla kualka dimaia. ³ Yang nani naha palina brin aidaukisa kan dimamna bara wan wina man baku wan kaikan kabia apia. ⁴ Bamna rait pali, kau yawan naha watlara iwi banwina, wan mamna lulki ini sa, wihra sin wan taibi sa, yang nani kwala dimras kan baku want apia sna. baku lika apia yang nani watsna kwalki dimri kaya, baku natkara wan dukia prura ba sip sa rayakaia ba mita apu tikuya. ⁵ Dawan sika naha pali dukiara wan daukan, witin Spirit ba yawan ba wankan pramis munan kum baku diara naika briyaia ba tukinka. ⁶ Baha mita, ban aitani baku lukibas, ban damra wali bas kau wina tara ra iwi banwibara, yawan nani Dawan wina laiura taukisni. ⁷ Yang nani kasak lukan laka wal watauki banwisna, wan nakra wal kaiki ba lika apia. ⁸ Bara yang nani aitani luki banwisna. yang nani kau yamni lukisna wan wina, wina laiura kaya an Dawan lamara kaya. ⁹ baku bamna, yang nani mamwan ra kamna sim apu Laiura kamna sim, witin kupia laka pain daukaia, yang nani alki dauki kaiasna. ¹⁰ Bamna yawan nani sut Kraist lâ daukai ka ba mawanra kabia, bara kumi bani sip kabia bria aimana diera aiwinara daukanba, pain daukan u saura daukan. ¹¹ Baha mita, Dawan sibrinka ba tanka ba kaiki, yang nani upla nani kupia ulakaia traikaikisna. Dawan lika yang nani tainka latan kaikisna. yang sim bila kaikisna man nani sim aitani pain damra walma. ¹² Yang nani lukras na paiki ba dukia ra kli aisaras man nanira bara aikaima upla kum yamni. baku lika apia, yang nani lika apia, yang nani lika maikisna tankam brih amya pah kama yang nani duki ra, baku lika ban nani diara brima baha nani mapara aisaia upla mayawan ra aimayuni kulkan brisa, sakuna kupia dukia ra kulkras ba. ¹³ bamna yang nani ban tanis atiasna kaka, baha lika Dawan dukiara ra sa, bankra yang nani sinska yamni brisnakaka, baha lika man nani dukian ra. ¹⁴ Kraist latwanka laka ba mita taibi aimuni sa, baha dukiara yang nani kasak lukisna: kan upla kumi pruan upla nani sut dukiara. ¹⁵ Jisas pruan upla nani sut dukia ra, bara baha raya nani ba aiwina dukia ra rayakaya apia sa, sakuna witinka latwan kaikan baha nani dukiara pruan an pruan wina kli buwan ba. ¹⁶ Baha tanka mita, nananra wina aitaura yang nani upla kumi ra sin laka aisi daukras, upla nani la dauki ba baku, ban kau aima kum luki manwi kapri Kraist dukia ra baku natka ra, bara nanara yang nani upla kumi ra aisi laka daukras na baku natkara. ¹⁷ Baha mita upla kum kraist wal asla takan kaka paskanka raya kum sa diara almuk nani ba luwi wan kais diara raya nani takan. ¹⁸ Naha diara nani sut ba Dawan dukia sa, Witin mita Kraist bilka bak witin wal kupia kumi wan daukan ba, an wankan warka upla sut wal kupia kumi daukaia. ¹⁹ Baha tanka ba lika, Kraist, Dawan bui tasba ra iwi uplika nani ba, Witin wal kupia kumi daukaia, watawanka nani ba sin witin nanira kulkras, Witin mita yang nani ra aika kupia kumi tanka smalkaia. ²⁰ Baha mita yang nani ba Kraist witniska yamni aisasara ban wisna, Dawan makabi ba baku yang nani bilka bak. yang nani man nani ra mamkabisna. Kraist latwanka lakara: kupia kumi taki bamna Dawan wal. ²¹ Witin Dawan kan Kraist ba aiwina ba sakripais munaia yawan nani wan saurka dukia ra. Witin ba saura kumi daukras kan, witin baha daukan yawan nani ba sipkabia Dawan laka ra iwbia.