Ulbi Baiki Sakanka Tara 1
1
Pal, Jisas Kraist apastilka Dawan wan suaki sasakra ailaka bila bakat an wan bila kaikanka Jisas Kraist ra,
2
Timuti ra kasak lukan luhpia kasakkira kum, yamnika, latuan kaikan laka, kupia kumi wan Aisa Gad an Jisas Kraist wan Dawan ra.
3
Masidonia ra yan auna kapri piuara man ra mamkabri, Efesiusra takaski upla kum kum ra smalki wina smalkanka sat wala madikbiara, baku sin kisi smalkanka, diara tanka briiaya apia nani dukia ba,
4
Naha nani dukia wina kupia turbanka bribal sa, Dawan aisankara hilp munaia watlikara, baha sika kasak lukan laka ba.
5
Nana ra wan kaikanka laka bila ba sika latuan laka, kupia kum suhnu laka, lukan ka yamni kum ra, an kasak lukan laka pai wal.
6
Upla kum kum naha smalkan yabalka wina klaia ra tawi , an witin nani smalkanka bahki nani ra wan.
7
Witin nani la smasmalkri ka kaia wat sa, sakuna aitanka briras sa dia aisi ba apiaka kaka traimun ba.
8
Sakuna yawan nusa la ba painsa sins laka wal, rait pali upla kum brih wapbia kaka.
9
an yawan nani nusa, la ba sika upla kasak kira nani dukia ra daukras, ban sakuna upla bila walras an watawikira, upla lalukra apia an saura kira, an baku witin nani Gadkas an bahki kira. Witin nani ba ai aisa bara ai yapti nani ra ikaia lahma bak sakan sa, aikra nani kabia ba dukia ra.
10
Upla nani wina brinka sat sat ra ba, waitna ai tahkia wal bri nani ba, taibi muni alki brikaia laka, kuninki ra nani, witnis kunin laka nani, ani dukia nani sut Dawan bila kasak ba mapara ba.
11
Naha ulbanka ba kasak pali kulkan sa Gad smalkanka yamni mayunra ra. baha sika sika yan ra bak saki aikan ba.
12
Yang tinki wisna wan Dawan Jisas Kraist ra. witin sika karnika aikan, kan witin mita kasak kira aikulkan sa, bara aiwarka nani ra
13
Ai swin, kan yan lika waitna kum mapa babura kapri, nina bliki rau sasaukra kapri, an waitna kum prautkira kapri, sakuna witin ai latuan ka laka ba briri, kan yan sinskas tainka briras kapri.
14
Sakuna Dawan kupia pinka laka ba kau yanra la yamni aikaikan kasak lukan lakara an latuan laka ra wan Jisas Kraist ra.
15
Naha smalkan kana kasak sa ani uplika sut kasak luki nani ba mapara, kan Jisas Krasit tasbara balan saura kira nani suahki sakaia dukia, yan sika tila wina kau saura kira kat na.
16
Baha taka ba mita yan pas Dawan latuanka laka briri, baku wala nani yan kau saura kat na jisas Kraist bak sip kapri madikaia alki takaskan laka ba. Witin ka sika naha na daukan sampil kum baku baha nani witin ra kasak lukan nani ba raya ban kaia bribia dukia ra.
17
Nana ra ban kaia king ka ra Witin ka pruras ba, kaikras kira ba, Witin ka Dawan kumi man ba, kulkan ka an mayunra ba bankaiara an sin ban kabia.
18
Yan naha aisanka na mamwan ra mankisna, yan luhpi Timuti, yan naha na daukisna Dawan bila dia aisan bakat baha sika man ra maikan daukisma ba, baku lika sip kama pramis brikaia aiklabanka painkira ba.
19
Dauks baku lika sip kama kasak lukan bri kama an lukanka yamni brikama. upla kum kum naha na bahki kulki an klaia ra tawan kasak lukan laka ba wina.
20
Sim pali HiminiO an Alejandro baku, witin nani ba yan mita sitan mihtara mankri baku lika smalbia Dawan mapara aisaia apia.