Ulbi Baiki Sakanka Tara 2
1
Man nani ra smalki aisaya waritaim, muihki nani, aisanka aihka kira ni apia kaka sins laka ni sin apia.
2
Yan ba man nani tilamra kapri taim diara nuapia baku kapri, sakuna Jisas Kraist bara dusaprihni ba tanka lika apia.
3
Suapniki ailal wal, sibrin wal an siran ailal wal sin man nani tilam ra kapri,
4
Baku sin smalkanki bara sturki aisanki ba sins laka sturka ailal aisaras kapri, kuna Spirit karnika ba wal mandikri,
5
baku natkara lika man nani kasak kam lukan ka ba upla sinska lakara mangmara kuna Dawan karnikara lika sipsma.
6
Nanara, yawan nani spirit ra aitani pawan ba aikuki sins laka ba aisi kaikisa, sakuna naha tasba sinska laka apia, naha taimka witka nani sin apia, witin nani pat pali tiwi auyasa.
7
Sakuna yawan aisisa Dawan sinska laka kasak yukukan ra ba Dawan bui sakan sa kau tasba paskras kan piuwa wina yawan nani mayun ra bribia dukiara.
8
Naha nani tasba witka kumi sin naha sinska laka na tanka sip briras, kan witin nani naha nani taimkara tanka brinkaka, witin nani mayunra Dawan kara dusprihnira sabaya apia kan.
9
Kuna ulban ba mita: "DIARA NANI NAKA KUMI SIN KAIKRAS, KIAMA KUM SIN WAL RAS, SINSKA KUM SIN LUKI KAIKRAS, DIARA NANI DAWAN BUI BAK SAKAN SA, BAHA NANI WITIN RA LATWAN KAIKI BA".
10
Naha nani dukia sika Dawan mita param sakan sa yawan nani dukia ra Spirit ra. kan Spirit ba diara tihu ra ba sut tanka brisa.
11
kan ¿ya nu kabia ki upla kum lukanka ba, baha lika Spirit ba witin ra ba baman? baku sin, upla kumi sin sip tanka briras sa dia ra yukukan ra ba, Dawan baman lika baha ba nu sa.
12
Yawan nani tasba Spirit ka kum briras, kuna Spirit kum Dawan wina balba, baku lika sip kabia diara nani Dawan wina
13
Wankan ba sip kabia tanka briaya yawan nani naha aisisa sturi nani ra upla sinska laka wal sip smalkras, kuna Spirit ba mita wan wan smalkisa. Spirit ba baman tanka param wan sakisa sturi nani Spirira ba sinska laka spirit ka wal.
14
Spirit ra apia uplika ba diara nani Dawan Spiritka ra ba sin briras, kan witin nani mapara lika sip tanka briaya dukia apia sa, witin ka nani ba sip tanka briras Spirit nani ra,
15
Spirit ra uplika ba diara nani sut ba la bakat daukisa, witin kaba upla wala nani laka mina muntara apia sa.
16
"¿KAN YA SIP SA DAWAN SINSKA LUKANKA BA TA BRIYA YA?" Kuna yawan nani lika Kraist sinska laka brisa.