¹ Moisé Jate axazauñka shuigueni , Jateja Jusué Nun axazhuka tshi azúkua Muesék axakyokue nanek eki akbeyá: ² Muesé naxazauñka naneki shuá guakna izhgate axaldeki Juldañ akbate guwa ma , kuibuldukue juizhi. jinake naldaki naji Kuibuldu isayel kagui agexaldikue nak . ³ kagui kaguenugueñka azatanatshak , Muesék akbenugamakga ná ma jiaga migue gualdikue. ⁴ eki miñguexaldatshak zʉk zaldi guxane guinuekue aldibanu xalda sajaldí yo , niuwi nañkajaldiñki nina atema Eupaldate zhinik nibuni melditeldaniu yo , kagi ititakuetshi juizhi. ⁵ Muese na izhonugamakbeñga na ma na jiaga eki izhoxaldatshak , mabaja naldaki ní migajue jiaga izhogazhaldikue eki na ni me ma na kauzhiksha akzegazhaldixa zha . ⁶ kama guxamalde , zhe mikzek naldaki . Jalde kuibuldutshi abamakuek kagi kaguexaldikue kakbenugamak iyapanexañki ma eki naldakue. ⁷ kama guxamalde zhe mikzek naldaki . Muesé naxazauñkaja guiaba miguenamakbe maldoxaldi . Mani neyabaldogatshak , mobiyatshak tezha mikzek naldaki maldaxaldaldi ⁸ Jalde guiyaba guaxa shaldaki guaxal za maldoxaldi niuwizʉñ, sezʉñ zegauxa amak matshaldi agajañgual zá maldoxaldi . Eki matshaldiakna ubiyamalde zeñ mizhoxaldixa. ⁹ ¿ eki mikbenugue naldasha ? kama, zhe mikzek naldaki mizhogatshakna migusana naldaki , jinak naldaki . Jateki mani maldeyaldi ma nañga izhoxaldixa . ¹⁰ Eki guñguake Jusuéja kuibulduk aksanekakuek eki kakbeya : ¹¹ Kuibuldukue ashekueñka eki kakbeyakue :Maildiwi zegatshak Juldañ miakbategapanaldixa , gualdinik JATEJA kagui miñguenek jaugukui miakldegapanaldixa akna ji miñkalde muldetua se agawakue . ¹² Aldubeñ ldaxekue ,Gad ldaxekue , Manase ldaxekue jiaga Jusuéja ekiga kakbeya : ¹³ Muesé JATE axazauñkaja saki niuwi miñgene be izhgisekua guwiñ , eki guaklde : "JATEJA kagi miñgegatshak abisajañ mizhiksekualdixa." ¹⁴ Mimisewakue, mimijisukuakue, mimiji beyakzekue juizhi Mueséja kagui miñgeneñka Juldañ zuxaita mizhekualdadixa. Guatshak saja kaukshiji neñkakue zunake mimikajakue agauneshi aldeyaldixa. ¹⁵ JATEJA zhiksekua maiñ miñgenamakga exaldekue jiaga, JATEJA kagi kageshi kagitshi jaugukui aldexaldixa. Eki gualdiake maiñki mimiji kagik minaxaldini miñsanegatana, Muesé jate axazauñkaja kagi miñgeneki nina juldañxa yo niuwi nañkajaldi mual. ¹⁶ Jusuéja eki kakbeyatshak eki akiayo : Ji atshakue maldazuñmeyatshak amak atshakualdixa , mani mazunakaxadi amak neyakualdixa. ¹⁷ Saki muesé kaxatshixa nane, ma jiaga ekiga mixazukuakualdixa, ezuañgaba jate ma na shi izhoshi. Muesé na izhonamakbeñga. ¹⁸ Mieldeki ma makuaka amak atshaki naldaldiake shuigakue agatsaldaldixa ezuañgaba kama , zhe zhikzukuagaba.