¹ Guñguake Jusué, Nuñtshi asukuaja , moushua sigi sitimxa zaldakue ziñgaba zutualdiamak kakaxá. kakagatshak eki kakbeya: " kuit neguiñ, ezuañgaba kagi jeldikó tuwal " guake amak aldeñguenik ezua gata naba izhgisaji kasa izhgauxa nugeñka alde eñki aldahab . ² Eki guatshakna sañkalda jeldikó zalda eki agabeyá : " Tuñ guwa, sigi isayel zaldakue kagi tuwal nakldekue nakldok ". ³ Eki nukajakna sañkalda jeldikó zaldaja Aldahab eki akbeyal guak : " Sigikue mijuk nakldekue akzuxetsha guwa jinake naldaki, kagi zuñkagazatuwal nuxa nakldekue nak . ⁴ Guatshake muñzhijañki Ai mozhua sigi naldekue itshuaksha na guatoxa. Eki naldakna muñzhija eki guak:¨"Akze sigikue nas natual nakldekue, naldatshak mani zhinik naklde zunake. Nakzuñ nzha. " ⁵ Naldatshak kuibuldutshi jugaxekue agayogagañga tuañ zegapanatshak aikueki se agazaxeta alde. Mani ska alde nakzuñ nzha. akna mija aldunaxañ minaldashadiake auxabe guxamildakakue. ⁶ Guatshake ai muñzhikuejañki aikue juwi bakaldaldi zhakua ibiñgualdi ketshuakshane nalguak. ⁷ Eki guñguake sigikueja nina juldañ izhgaskeitixa neyaldi akldoshi aldeñ. amak aldeyatshak kuibuldutshi jugaxekueki se agayo ⁸ Aldé guxa tuñguake Ai muñzhija katual nitshigatshake axabagagañga. ⁹ Eki aldogatoguakna muñzhija eki kakbeya : "nes nakueki jateja jeñjie miñgue guaneñ zhinikna meiñ minagatshake zhe zalda jiaga zuñkaldak ni gu. saldiñga kagi mimijigaba nexaldixa. ¹⁰ JATEJA egiptu zhinik akzuxetanekue zuxetaldiamak ( nibuni atsʉshi ) zhikwatine nukañkalde. Sehon, OG saki guaxamine nukañkalde. ¹¹ Eki zekldauxa kaldukatshak nauwiji aldunaxa jiaga matshuwi zhe zuñzek, ni ubiyakualdixa nzha jiaga zuñnegaksa zalda. Akze mimijateki saldiñga netshi sañkalda nakna jeñkaldaxa, sanegamakga na kagi agatsauxa aksaneka nak ¹² Eki nakna jate stak namak guagakue, saki jañtshizhe miñkatshaunugue, meñ ekiga jañtshizhe najate tshuk miyatshaldi, akna ezua saki guashi tualdikue guashi nague guwiñ . ¹³ Ekiki najate, najaba, nakaja saldiñga zʉñgatsauxa, numañ minazunatualdiamak, zunakuashi guakuak. ¹⁴ guñguake eki ayo: " nazʉñ zʉñzegueñka eki ekini kabikbeñ , ma miñgaki, ji se agawañkalduka shalda guagaki, maldaadiak, jateja jeñjie kagui zuñguegatshak, nazʉñ maiñna guañ zalda zuñkaldaldi amak za mixatshiji zhekualdakualdixa. ¹⁵ Guake ai munzhija ventanaxaga shibuldik kakjieñgua. Guatshak juwi munzhi izhukaki kuibuldutshi muldayak sezheklde na nalda. ¹⁶ Guenik ai munzhija eki kakbeya : " Guine nuka shishaldi mineyaldi ; akze mimaldaldashatukakue kakzaguaminaka nak . Noshiñga mimaldaldashatukakue mokue ze akualdi guatshakga . Gualdinik mokue jiuñguldak mineyapanaldi . ¹⁷ Guake sigikueja eki agabeya; " Ji mixatshakualdixa mikbeñkalde amak mixatshakualdixa , Jinak naldaki : Saki atshakue mikbeñkalde atshazha makualdiak zunake . ¹⁸ Mokue jai kaldagatshak ezua shakua tsushi nawa iwati zunakjieñguamaldeñ axaldiyakue , makualdiniki mijate, mijaba , mikajakue mijate tshuk gaba juizhaldegakue . ¹⁹ Mieldeki ai juk zhinik jubaldaldi azuxaita akuaxa gualdiak , zunake nazuñ zuñgatsaldazhaldixa naldaldixa aiki aldeñ agatse shuixaldixa . Akze juldi izhoxgualdieñga akuaxa gualdiak zunake nazuñ zuñgatsaldaldixa . ²⁰ Mieldeke saki se izhgauñkalde shalda guaxal minoxaldiake , nazuñ saki miñkatshakue zuñmeinmalde shaldaki nazuñ zuñgatsaldazhaldixa naldaldixa . " ²¹ Guñguake aldajabja kakiyo : " Makuaka amak shi zeshi . ne ni guku , aldegueniki alde . Guñguake munzhija amak shakua atsushi akldiya . ²² Guatshake sigikueki malde zaldi kakushi guakuak ,aldeji maildiwi azhekualdatzhake kaldaldashatukakuejañki kaldijiñgaba guatshakjiaga kakzaldazha guake aldé. ²³ Eki guñguake mouzhua sigikueki aldakuinalgualdishinik JUSUÉ , NUÑ tsukua nugeñ axatani saki zegate atuñguamak nuk agabeya . ²⁴ Eki agabejina JUSUÉK eki agabeya : " namak giemik jalde kagi JATEJA zuñgene nzha , jinak naldaki exa zhekuekueki nazuñ zhe kakzukuxaga guañkalde .