¹ Ja̧u̧nu o'ca'a JA̧U̧ cha̧ja̧ ä'ca huoa'a ä̧ju̧cui̧nösä̧ päicunä̧,JA̧U̧ päinö:" Ötahuiyä tta̧cuä̧rä̧ cuä̧cuä̧ isotö ichätucui ya̧cu̧ punä chu̧ä̧rä̧nu 'cä̧chö curä rocuähuö siepu icuä'cuä." ² Ja̧u̧nu̧ o'ca'a, ttumutö̧ ya̧tȩnö huotö ichinätö apate jueipate pätei toähuähuänämä kä̧cua̧ ö'ohuecu päteitö, ya̧cu̧ punä chu̧äränö curä rohuähuäcuä̧cuä. Ya̧tȩ kä'copäteö kinö lino pu̧jä̧ta̧ 'ca̧tä̧u̧ kuyäru huȩyu̧ta̧tö ttippeyänä. Jahua'anö ja̧'a̧ chäjä̧'cotö kä̧bä̧di̧nätö broncettö adicuä'ca ko̧me. ³ Jahua'anö ja̧'a̧ Israel TTÖÄNA̧HUA̧ ösäru käepina,a̧ querubín cua̧ öji̧nomecu̧, jahua'amä chutä ö̧jode cuä̧menä chi̧na̧'a̧. JA̧U̧ huopinö lino sä̧ta̧ 'ca̧ta̧u̧ru̧ huȩyu̧cuä̧ isotucu kö̧rö̧. ⁴ TURU̧HUA̧ päinö: " Cuäopi Jerusalén ötahuiyä kä'co päteö,jahua'anö ja̧'a̧näi̧nä o'catoinä ta̧cua̧ tta̧ȩcu̧ huopätörö ttuhuorä jo̧me do'opu rutitö ötahuiyä röǫmettö suronä jępụ ttöjö ttöjö'coca'attö. ⁵ Ja̧'hua̧nö̧ ja̧'a̧ ä̧ju̧cui̧nö̧sä̧ ucuocua'a korotörö; Tätucui ja̧u̧ o'ca'anä ötahuiyänä 'cuä'o'ö ja̧'hua̧nö̧ ja̧'a̧ttö̧ cuä'ö icuätucui rȩrö̧jö̧nä̧mä̧ to'cuätucuä juhua'atäcu cucuotätucuä. ⁶ Umätö̧ bö̧o̧sa̧tö̧rö̧'inä, umätö möäyotorö'inä, nä̧tö̧ möäyotö umätö̧cu̧ 'cuä'opocotörö'inä, ppo̧'ä̧tö̧rö̧'inä, nä̧tö̧rö̧'inä cuä'ähuätucui o'cvatoi'önä̧rö̧. Ja̧'hua̧nö̧ ja̧'a̧nä̧ ya̧tȩ Unä huȩyu̧cua̧nä̧mä̧ cutu'cöhuächi'ätucuä. Kä̧mä̧dä̧tu̧cui̧ ucuo isomettö̧ kä̧mä̧dö̧! Ja̧'hua̧nö̧ ja̧'a̧ttö̧ kä̧mä̧di̧nä̧tö̧ bö̧ä̧sa̧tö̧ttö̧ isodenä ka̧cuä̧tö̧mä̧. ⁷ Ja̧u̧mä̧ pä'inö: Ucuo isome'inä cucuocuätucuä, ja̧'hua̧nö̧ ja̧'a̧ttö̧ rutätucui hua'aremä ro̧mȩ jacuä. ¡Jȩpä̧tu̧cui̧! Ja̧'hua̧nö̧ ja̧'a̧ttö̧ jahuätömä rä'opinätö̧, ja̧'hua̧nö̧ ja̧'a̧nä̧ cuä'äu icuinä̧tö̧ ju̧huȩnȩ ötahuiyättömä. ⁸ Ja̧'hua̧nö̧ jahuätömä tturohuähua'anä, katä ki̧nö̧sä̧, ja̧'hua̧nö̧ ja̧'a̧nä̧ mo̧'ä̧mi̧nö̧sä̧ chihue'quiyunä chi'ä rȩjȩ jö̧nä̧ ajahuinö̧sä̧ ja̧'hua̧nö̧ ja̧'a̧ pä'inösä̧: Ttöhue. Chu̧ru̧hua̧ Dios ¿Jȩpö̧ cuicua'a o'catpoi'önä Israel ttö̧ja̧ ka̧cui̧pä̧jä̧tö̧rö̧ cuami sura'attö ttucuoja tottäcuäönä jȩ'cua̧'a̧ Jerusalénrömä? ⁹ Ja̧u̧ päinäcu̧sä̧: Iisrael ttö̧ja̧ jarodö jȩttö̧mä̧ ja̧'hua̧ta̧'a̧nö̧ Juda isottö'inä jȩttö̧mä̧ rö̧ä̧nä̧ surojö ja̧'a̧. Pi̧jä̧ rȩjȩmä̧ ttucuojatä su'ädächa'a ja̧'hua̧a̧ta̧'a̧nä̧ ötahuiyä'inä jarodö kä̧cuä̧bhuä̧ttä̧ rö̧'ä̧cha̧'a̧, jua'amä pätta'attö: ¡TU̧RU̧HUA̧MÄ̧ unichi'inö pi̧jä̧mä̧, ja̧'hua̧ta̧'a̧nä̧ TU̧RU̧HUA̧MÄ̧ topo'cö! ¹⁰ Ja̧'hua̧nä̧ ja̧'a̧ttö̧mä̧, re'inä topo'cö chä̧cua̧sä̧, jȩtti̧nö̧'i̧nä̧ hua̧i̧nä̧ ja̧'a̧ pä'ocö chä̧cua̧sä̧. Ja̧'hua̧nö̧ ja̧'a̧nä̧ ttömä jȩtti̧nö̧ ji̧nö̧tä̧ micuähuächönä jȩchä̧cua̧sä̧." ¹¹ Ja̧'hua̧nö̧ ja̧'a̧ ya̧tȩ lino pu̧jä̧ta̧ 'ca̧tä̧huä̧rö̧ huȩyu̧tä̧tö̧ i̧sa̧ ippeyanä ppä'ächinö. Ja̧u̧ ji'äu pa'inö: "Ttömä jȩpi̧nö̧sä̧ o'cajuiyönä huettinömä."