¹ Ja̧'hua̧nö̧ ja̧'a̧ Ttu̧ru̧hua̧ Dios i̧huȩnȩ rȩbȩhui̧na̧'a̧ ttörö pä'inö: ² Jitämä̧, ttö̧ja̧sa̧ i̧tti̧, ¿Ucumä ttö̧ja̧rö̧ cuähuä iyöjä̧ päcua'a? ¿Ucumä päcuäcua'amä jahuöt ttö̧ja̧rö̧ cuä'äu icu Jerusalén ötahuiyänä ka̧cuä̧tö̧rö̧? Päcuaja o'ca juiyönä suronä jȩttä̧'i̧jö̧mä̧. ³ Ucumä päcua pä'ö ja̧'a̧ pi̧yȩ: Cu̧ru̧hua̧ Dios pa̧'a̧nö̧ pä'ötó po ötahuiyämä ttö̧ja̧rö̧tä̧ cuä'ähuätö jitötäcu ka̧cuä̧tö̧rö̧ ja̧'hua̧ta̧'a̧nö̧ aditätö yapare ttö̧ä̧nä̧huo̧tö̧rö̧ tätähuä'ca ja̧'a̧nö̧ jȩpö̧ surojuottächa pä'ö, ¡Täcu rȩbȩhuä̧cua̧ cuä̧tȩcuä̧tä̧! ⁴ Ucutä ja̧'a̧tó huȩnȩcuä̧chä̧cua'amä ttö̧ja̧rö̧ cuä'ö cuicuina'amä, ja̧'hua̧nö̧ ja̧'a̧nä̧ yapare tätähuä'ca tö̧ä̧nä̧huo̧tö̧ pä'ö jȩ'cui̧na̧'a̧ttö̧. surojuo'ächinä̧tö̧jä̧ ucutä ja̧'a̧ cui'ätecuä tö'cönänömä Ja̧'hua̧ta̧'a̧nö̧ rȩbȩhuä̧cua̧'a̧ cu̧ju̧ beipö mo̧ro̧. ⁵ Ja̧'hua̧nö̧ ja̧'a̧ttö̧ Ttömä jȩchä̧cua̧sä̧ ötahuiyä ttö̧ja̧ ucuru tturohuähua pä'ö ja̧'hua̧ta̧'a̧nö̧ pi̧jä̧nä̧ ka̧cuä̧tö̧ o'catoi'inä ya̧ttä̧hua̧'a̧cu̧ pä'ö ucuru. Ja̧'hua̧ta̧'a̧nö̧ jahuätö tö'cönänö ka̧cuä̧tö̧'i̧nä̧ ja̧'hua̧nö̧ ja̧'a̧nä̧ otoka̧cuä̧tö̧'i̧nä̧ ucuru ya̧ttä̧huä̧'chä̧cuo̧tö̧, bareö ötahuiyanä ca̧cuä̧tö̧, suronä jȩpi̧nä̧tö̧ yapare ttö̧ä̧nä̧huo̧tö̧ tätähuä o'ca esetö, suronä jȩtta̧'a̧ttö̧ huo̧juä̧tö̧ o'cajuiyönä ja̧'hua̧nö̧ ja̧'a̧nä̧ yorisotä juböpächä̧tö̧! surojö ⁶ Israel ttö̧ja̧ tturuhuotömä, yotucu pönä ttamönä ttujurunätä̧, ucurumä cuä'äu icu ichä'ijätö. ⁷ ucutu cu̧'cä̧tȩtu̧cu̧nä̧ ka̧cuä̧tö̧ ttä̧'o̧tö̧rö̧'i̧nä̧ tta̧ju̧tu̧ru̧'i̧nä̧ ucuotocotö pä'ijätö, ja̧'hua̧ta̧'a̧nö̧ korojä̧ra̧'a̧ttö̧ ichäcuähuotörö'inä suronä jȩpö̧ huehuepä'ijätö. Cu̧'cä̧tȩtu̧cu̧nä̧ ka̧cuä̧tö̧ Recuamörö'inä, reyotörö'inä suronä jȩpä̧'i̧jä̧tö̧. ⁸ Ucumä chiäre adihuäjuei ku'cocö pä'ijöjä̧ ja̧'hua̧ta̧'a̧nö̧ 'cuä'ächi'ö pä̧nä̧dä̧cuä̧huä̧ mo̧ro̧'i̧nä̧ ucuotocö pä'ijujä. ⁹ Surojö ucuocuätömä cuä'ö tticuacu pä'ö ttichinäcujä̧, ja̧'hua̧ta̧'a̧nö̧ mö̧ä̧'ca ku̧jä̧'cattö ttucua pä'ö. Cu̧'cä̧tȩttö̧ surojötä jȩttä̧cuo̧tö̧. ¹⁰ Cuä'o ö̧dä̧pä̧rö̧ jähuämä 'cuä'ca jo̧mȩttö̧ i̧jȩcuä̧hcä̧cua̧'a̧. Jahuätömä cu̧'cä̧tȩttö̧ isaju suropajuru suronä jȩpä̧'i̧jä̧tö̧ kihua kö̧ra̧'a̧nä̧. ¹¹ U̧mä̧tö̧ ttö̧jo̧mȩ ppeyänä ka̧cuä̧tö̧ tti̧rȩcua̧mö̧rö̧ surojö su̧ro̧tä̧cuä̧huä̧tä̧ jȩpä̧'i̧jä̧tö̧ ja̧'hua̧ta̧'a̧nö̧ u̧mä̧tö̧mä̧ dä̧'ä̧rö̧jö̧ surojutä jȩpä̧'i̧jä̧tö̧ ttö̧jo̧ri̧mö̧ nä̧tö̧cu̧'i̧nä̧, u̧mä̧tö̧mä̧ ttä'otä ittiju ttijahuajuru'inä suronä jȩpä̧'i̧jä̧tö̧, pitö oc'catoi'önä̧mä̧ ucunätä ka̧cua̧tö̧ ¹² Pitö umätömä ucu cu̧jo̧mȩttö̧ ttö̧ja̧rö̧ cuä'äu tticua pä'ömä ttimitatö pä'ötä jä'epätö. Tti'ärohuäjimä yabonä̧nö̧ ttimitatö pä'ätö ja̧'hua̧ta̧'a̧nö̧ ttiyöttömä yabonänö rö̧ä̧nä̧ ttȩma̧ pä'ätö, ttippeyänä ka̧cuä̧tö̧rö̧ huehuepö surojuo'epä'ijätö, ja̧'hua̧nö̧ jȩpö̧ ttörömä unichächinätö̧, Pi̧yȩ ja̧'a̧ TÖ̧Ä̧NÄ̧HUA̧ huäjuetö icu jiähuömä. ¹³ ¡Topittö! chumönämä yabonänö chema pä'ö jȩpa̧i̧sa̧ ucutu jȩcua̧to̧cu̧tö̧mä,Ja̧hua̧ta̧nö jau̧mä uhuo janätä ja̧huä'a̧ cu'ca̧tȩto̧co̧ jo̧memä. ¹⁴ ¿cua̧mi isoquitucumä 'cäcuepä'anödi̧, Ja̧hua̧nötä cujurö huacuäja̧ cumönämä ttö ucurö chichumo̧ro̧mä? Jahuätö TÖ̧A̧NA̧HUA̧MÄ̧ pä̧'a̧nö̧tä̧ cuähuetöicusä,ja̧hua̧nö̧ ttö̧ tö̧mä pä'anö jȩpu̧sä̧. ¹⁵ ttöja̧ ttö̧'ca̧tȩjo̧me pperetto chicuäcuasä ja̧hua̧nö jȩpu̧tä̧ chi̧yȩpa̧cua̧sä jua̧ja̧ rȩjȩmä .pa̧'a̧nö jȩpu̧tä̧ tto'kuchi̧cuä̧sä̧ suronä jettömä. ¹⁶ ja̧hua̧nötä jua'anö jepö̧tä̧ ppadäda̧cua̧sä̧ tto̧ja̧ tottä pä'ömä jua̧'a̧nö̧tä̧ tö̧cuo̧hua̧cuo̧tto̧ ttömä TÖ̧A̧NA̧HUA̧SA̧ pä̧'ö̧mä̧. ¹⁷ Ja̧unö O'ca'a mä TÖ̧A̧NA̧HUA̧MÄ Ihuȩnȩnä pä'anö pä'inö ttörömä: ¹⁸ :" pi̧jä̧ ttö̧ja̧sa̧ i̧tti, Israel ttöja̧ ttö̧ja̧cuo̧memä ttörö surojutä micuähuocötä ichä'a. O'cajuiyunä huättomä ki'ipo̧ jä'inö'a̧nö̧ broncettö'inä estañotto'inä ja̧'hua̧ta̧nö cuoräuttö'inä ja̧'hua̧ta̧nö ȩttä̧huo̧me pȩji̧pö̧ cu'upä jä̧'i̧nö junä. Ja̧huä ttömä pärätä cuo'ö icu micuähuo cö jä'i̧nö'anö jo̧nä ttäcuotö. ¹⁹ Ja̧'hua̧nö̧ ja̧'a̧ TÖ̧A̧NA̧HUA̧MÄ Dios_mä pa̧'anötä̧ pä'ö: täcö ucutumä O'catoi'önätä̧ micuähuocö ja̧'i̧nö jo̧nätä̧ ichinätö̧jä, Ja̧'hua̧nö ja̧'a̧ttö, ¡Jo̧menötä̧ ka̧cuä̧tö̧cui̧! Tä'cö tto'cö ja̧'a̧ Jerusalen kä'cö jome ttö'ca̧juome. ²⁰ ji̧nä̧ yo̧mȩtȩ ca̧ca̧tö̧ pärätättö'inä ja̧'hua̧ta̧'a̧nö̧ broncettö'inä, hierrottö ja̧'hua̧ta̧'a̧nö̧ plomottö'inä estañottö̧'i̧nä̧ ocurä rö̧'aränä 'cu'icuähuäcua'a ja̧u̧ jueimä, pojopö chi̧cuä̧cua̧sä̧. Ja̧'hua̧nö̧tä̧ chȩmä̧cua̧jä̧ TTÖ chö̧'ä̧i̧ttö̧mä̧. juȩnȩ rötö ucurä chö̧rä̧tȩtä̧cua̧jä̧ isoya päcui'önä; ²¹ Ja̧'hua̧nö̧ jȩpö̧tä̧ chö̧'ä̧i̧ chi̧jȩpä̧cua̧jä̧, juȩnȩ rötötä chi̧huȩrä̧dä̧cua̧sä̧. Ji̧nä̧ ji̧yȩtȩ päcui'ätucuomenä ja̧u̧nu̧ ppu̧dä̧cua̧sä̧ ucuturumä chö'äi o̧cu̧ma̧ huerächönä ja'huätö ttö̧'cä̧tȩttö̧. ²² Pärätä ocuränä 'cutticua'a 'cua̧rö̧nä̧, ucutu'inä ja̧'hua̧nö̧ 'cu'icuähuotö cuäcuotöjä, Ja̧u̧nu̧tä̧ cu̧huo̧juä̧chi̧'ä̧cuo̧tö̧jä̧ TTÖ CU̧RU̧HUA̧MÄ̧, ¡Hurrädäjisä ttö chö̧'ä̧i̧mä̧!" ²³ CHU̧RU̧HUA̧ CHÖ̧Ä̧NÄ̧HUA̧ i̧huȩnȩ ttörö rä̧bȩhui̧na̧'a̧, pa̧'a̧nö̧ pä'ö: ²⁴ Pi̧jä̧ ttö̧ja̧sa̧ i̧tti̧, jahuajuru ji'ähui: Ucu ja̧'a̧ pi̧jä̧tö̧ surojö juiyönä kö̧nä̧huajumä. ¡Ppädäcuähuämä juiyäcua'a ro̧ȩcuä̧ mo̧ro̧mä̧! ²⁵ Juorömä yorö'iso juiya'a yä̧huä̧'i̧nä̧ suronä amöcuädäcuähuämä Tö̧ä̧nä̧hua̧ pä'ö ji'äurumä, mö yähui u̧cuä̧ abotö huoö'anömä. Jahuätömä tta̧'cua̧rö̧ be'ätö pi̧jä̧ttö̧ järetä ttamucuäda'attö; Jahuätömä jitötä ja̧'a̧nö̧ recua juottönätä jȩpä̧tö̧! ²⁶ Cumöhuäyotö sacerdotestömä Ttö huedinömä ucuotocotö ja̧'hua̧nö̧ jȩpö̧ jahuätömä ro̧ö̧ jähuä jä̧ji̧mä̧ ucuo juiyönätä juo'epätö. Jahuätömä pi̧yȩmä̧ ro̧ö̧ ja̧'a̧ pi̧yȩtä̧ ro̧o̧cö̧mä̧ pähuämä jerupätö ja̧'hua̧nö̧ ja̧'a̧ttö̧ pi̧yȩmä adihuäjuei ja̧'a̧, pi̧yȩtä̧ ja̧'a̧ surojömä pä'ömä huo̧juȩto̧co̧tö̧, Jahuätömä chu̧mo̧ro̧ 'cuä'ächi'ö pä̧mä̧dä̧cuä̧huä̧ mo̧ro̧'i̧nä̧ tottamä pä'ocotö, Ttö suropätö 'cua̧rö̧nä̧ tochö juiyatö pä'ömä. ²⁷ Tturuhuotömä Lobotö̧ ttö̧'o̧ya̧rö̧ 'chä'chäpö icuätö jä̧'i̧na̧'a̧nö̧ huotö. Jahuätömä cuä'äu icu tta̧'cua̧rö̧ 'i̧nä̧ be'epäjipä icuätö, adicuättö yabonä̧nö̧ cuȩma̧ pä'ömä. ²⁸ Cumöhuäyotö profetastö̧mä̧ jahuätörö teö i̧sa̧ppȩ jähuänä tuttepäcuotö; jahuätömä yapare ijȩcuä̧chö̧tä̧ tottäcuotä, ja̧'hua̧nö̧ topö yapare huȩnȩtä̧ jittähuäcuotö jahuätörömä. Jahuätömä pä'ätö: TÖ̧Ä̧NÄ̧HUA̧MÄ̧ pi̧yȩ pä'ö" TÖ̧Ä̧NÄ̧HUA̧MÄ̧ u̧cuo̧cuo̧co̧u̧ ja̧'a̧nä̧. ²⁹ Ttö̧ja̧ ja̧huä̧jä̧nä̧ ka̧cuä̧tö̧mä̧ suronä jȩttä̧'i̧jä̧u̧juä̧ pärätänä iyö'chö icu ja̧'hua̧ta̧'a̧nö̧ nä̧u̧cuä̧rö̧ 'cho'ipä'chö juhua'atäcu usurä isotörö'inä recuä rö̧jä̧u̧rö̧'inä suronä jȩpä̧'i̧jä̧tö̧ ja̧'hua̧ta̧'a̧nö̧ korojä̧ttö̧ ichäcuähuotörö'inä adihuomenä jȩtto̧ca̧'a̧ttä̧. ³⁰ Ja̧'hua̧nö̧ ji̧yȩcu̧ ucututtö ya̧tȩ ttö̧ja̧sa̧rö̧ ötahuiyä ttoecuäbä adita pä'ö usinösä ja̧'hua̧ta̧'a̧nö̧ Ttö chä'ca jo̧mȩ ö̧jä̧mä̧da̧ pä'ö rȩjȩ isäju 'tä̧ȩpa̧ pä'ö, Ttö si'epö chicu juiyatö pä'ömä, ja̧'hua̧nö̧ chusa'anä ya̧tȩrö̧'i̧nä̧ pocuipocö pi̧nö̧sä. ³¹ Ja̧'hua̧nö̧ ja̧'a̧ttö̧ jahuätörö chöö̧'ä̧i̧ to̧dä̧cua̧sä̧. Jahuätörömä chö̧'ä̧i̧ ocurämanä be'epäjipö chicuäcuä̧u̧ ja̧'a̧hua̧nö̧ jȩpö̧ ttö̧mä̧nä̧mä̧ tta̧mö̧nä̧ ttupiyänätä chu̧ju̧nä̧cuä̧u̧, pi̧yȩ ja̧'a̧ TÖ̧Ä̧NÄ̧HUA̧ huäjuetö icu jiähuömä.