¹ Niini talricanaati iawa Amán iapiya talricanaati Ester iderse nainjá carro jliaji injaodati ronaitjalri nasho. ² Njite yamadaa nacoena, nairrampe cadaana toa, talricanaati Asuero iaco Amán isho: ''¿Cocao jliaji piomalri pitatjaca noinai, talricanaati Ester? Nocadaotsa pisho jliaji piomalri noinai. ¿Cocao pitatjá noinai? Pitatja cadaa noinai jliaji jipai nowapanda, notaitaotsa nocadaaca pisho pamoyoa lrinacjoite.'' ³ Niini roaco shoaji talricanaati Ester lrisho: ''Matsia cadaa picapaca nosho, pjia talricanaati, njite pioma cadaa, piyomjeta njoa njite njaji nokitsiñape aimadan. ⁴ Ima nawendeca njoa naapiya nja nokitsiñape naino carro faa pjiomi, nawayakeeta carro matsiape faa. Ima nawende cadaatsantja nashoperri carro faa, nja inaitjepe njite nja atsianai, corritsantja coca nocaiteca, njite corritsantja coadaca noma picapaca, pjia talricanaati.'' ⁵ Niini jliaji talricanaati Asuero iaco Ester isho, shoaji talricanaati: ''¿Kjaiterrio? ¿kjerreo jliaji atsia icadaacalriwa matsídalri isho lrinaitjá carro pisho maatsi?'' ⁶ Njite Ester iaco lrisho: ''¡Jliaji atsia maatsidalri, jliaji jipondatacada faa, Amán, icatsa jliaji atsia maatsídalri !'' ⁷ Niini Amán idia ifietaacawa pekirritsa talricanaati ipeyajle njite talricanaati Easter ipeyajle tsacja. keerroaca pekirritsa jliaji talricanaati, jlinico lriá naoya nairralri niini jaico tjetdaa ianaa naalri nainja nirse, njite lriawa paniapjida lrico-jle talricanaati dapana iyacalreecoa lrico. Mitsa Amán corri lriawa, icaamitsa lriofaaca talricanaati Ester icodapi lritatjá carro roinai caiwiricotsa wadentja nainocani. Ima lrianjii talricanaati iinocaotsani. ⁸ Njite lridia cádanaco jliewao jliaji talricanaati rofacawa lrico shoaji talricanaati Ester talricanaati dapana lricojle nairralri niini jaico tjeda ianaa. Lricapa Amán jiwa cadanaco ronaco sho Ester iofaacada tsa rofacarroita naco. Niini lriaco jliaji talricanaati: ''¿Lriino caotsa sho talricanaati nocapatsa, noopana lrico? Talricanaati imotoeta cádanacotsa nja iacoti lrinoma lricjoite náno nja lrishoperri njite naita amán iecoa. ⁹ Njite jliaji Harbona, pada nanacjoite njaji caconaaperri talricanaati ishoperri, lriaco: ''Niini apana jaico ienonni ventitre metro dalri napapi carrona inaiki irroa Amán iipana icodapi. Jlirretanna Mardoqueo ipia, jliaji icaite cadam naacona njaji inaiki iomacapémpia iinoca jliaji talricanaati.'' Njite talricanaati iaco: Washa iá ipápi lrirroa lrinaco.'' ¹⁰ Ikeena nadee napápi Amán irroa lrinaco jliaji napápi carrona inaiki irroa lriemetanna Mardoqueo ipiawalre pioa. Njité dalri yaami keerroaca jliaji talricanaati.