¹ Lriaji Dario Asuero irripia, apaa Medas inakjoiteda Lriajii nacadalri natalricanawa, natalricanascarroni njajii Babilonia Perri ² Apawalriacadanacoena natalricanaca Lriaji Dario, njoa Daniel , nocanantacapiaca nanaco jaji paperra irsocaperri Jeremia ikjaolre Lriaji inoparrotacaita njini nocapaca 70 camoii jiiyapacoo Jerusalen iwayacacaolripia ³ nodieta lriaji nocaspacana waminalri Dios ikjaolre nomacarroni orosionsho njite njotatjacarro lrinjai noiitacadanaco, njoeta tsaca tsacona natsayaniwa njite njopatja njowida naco tiyee imalremi ⁴ caco njoa waminari noDiote irso njite nacaite pjiomi nanaco njaji wama tiscana Panayapjia Walmilri pja Dios macadalri njite Wafiondas iwana inaitjacaalri caiji picaitecapisho njite pipeyoca njajii ipeyocape pjia njite njepla pinanda wanaitjaca ⁵ Wamcatada njite wanaita matsidalri njite wanaitsacacao caijji manjicaperrinsho wanaitjacarro lriaji machidalri, njite fenita waoya lriaji piirroa njite pinanda wanaitsaca ⁶ njite corrin feminarso naji inoparrotacape idejicape pirso njaji cacopialri piipitana naco narso njaji Watalricananai, wapiyawarenai, wapjeyawani njite pjiomi narso njaji yacalre jipairricoperri ⁷ Pjia Waminalri piyadaca lriaji matsiadalri nini panaya fa ipaimantica lriaji yofalri Wacapacana naco, Juda iyacalrenanai njite narso tsaca njaji yofacape ajii Jerusalenrrico njite pjiomi Israelnai

njatsaca njaji tsomiperri njite tecoperri yofacau, njaji jipai pjienitanpe yoyawacao . Lrikjaote lriaji matsirri wanaitjando Pikjoete.

⁸ Wiminalri, njini wacapacananococa ipaimanti yofao, Watalricananai naco, Wapiyawalrenai njite Wapjeyalrenai naco tsaca ima wamatadaca pikjoete ⁹ Mitsa lriaji Waminialri Dios. kjena lricaplaca njite lriyapeta wamatanda, ima wanaita wamatsicanawa lripejyalre ¹⁰ njite corrin fepa femicas lriaco lriaji waminalri Dios, ima corrin wanaitjaca naji lrinanpe inoparrotacape ¹¹ Njite njaji Israelitanai corrinanaitja lriaji pinanda nanaitaca njite njenitacacao wade njemica piaco nii njewaca wanoco wamatsicana ikjaote njaji lridananpe lriaji moises dios irsodalri, ima wamatadaca lripjeyalre ¹² WAMINALRI icaite lriaji yacoti lricaitendan wakjoete njite nacoete tsasca njaji imenacacape wanaco lridecanadanaco waikjaolre lriaji matsidalri ima pjiomi ajii Eo yapjite corritoa coca pacapa lrinaitsaca caiji lrinaitjaca pisho Jerusalen naco ¹³ Caiji Moises imenacacapisho nadana: pijiomi lriaji matsidalri lrinoca waikjalre mitsa corrin watatsa WAMINALRI Dios inai kjenacarro lricapacafa , njite fenitacarronta lrioua lriaji wamatsicana njite femicantja ajadalri ¹⁴ Nini lriaji WAMINALRI, kjeya lrideca waikjaolre lriaji matsiadalri ima lriaji WAMINALRI Dios matsiadalricani lrinaitjanpenaco mpjiomi mitsa wamjepataca lriaji lriaco ¹⁵ Panaya pjia WAMINALRI Dios pjitapia naji pinaikite Egipto jipaitelrikjoite picapi kjaidadalrisho , njite lrioji pipitana caidalriwetsaotsa pirsocani panashete mitsa wamatadacatoa: wanaitsa tsaca matsi. ¹⁶ WAMINALRI lrikjaote lriaji pinaitanda matsias pjienita piyacalre Jerusalen ioya pirroa njite piwaopiakje mashidalri, jiipana piyada mamatsicana ikjaote njaji wapjeyadanai, Jerusalen njite lriaji piyacalre capaimanadalrishoca nacapa warso pjiomi njaji wacodapiperri ¹⁷ Panaya pjia WaDiote pjimi lriso lriaji idenjicada pirso kjena picapaca lriaji lritatjalri Pimatsiaca ipoami, Waminalri picada piecoa icanaca ajii matsiacawa maminalrina werrico ¹⁸ noDiote pimjeta pjinacolrico njite pjimi piimjeta pitsi njite picapa coamica wawayacacacao njite picapa coamica wawayacacacao njite picapa lriaji yacalre nawananda pipitanaco corrin watatja pinai pikitsindatacarro fa wanaitjacapoanta matsia mitsas kjena picapaca warso ¹⁹ Waminalri pjimi warso njite pjiyapeta waoya wamatadanda, njite pinaitsa caiji pjimicapisho watatjaca pinai matsiadalricapoa pjia, noDiote nawiyatatsani ima njaji piyacalrenanai natatjanakani pipitananaco ²⁰ Cococadanocotoa njoa notatja lrina njite nocaitetsaca njaji nomatadanpe njite namatandape tsaca njaji noyakalrenanai Israelita njite nocadacarrotsaca lripjeyalre njaji notajanpe lrinai lriaji Waminalri Dios jipanana Sion lriaji lrienitando lrirsowawa ajii Jerusalenrrico ²¹ notatjacanacotoa, lriaji atsia Gabriel lriaji noinitandan nocapaca notaponia lrico lriarracao kjeya noikjalre lrikjadatacarro njoa dainomacanacolre ²² Lrianorso noanjikewa njite lricaitenorso Daniel nono jarreji noacarro pirso pinjkewa pianjicarro ²³ pinitacadanaco pitajaca yacoti uocaca noikjalre nini nonoca nocaite pirso lrinaco lriaji pitatjalri ima lripeyondaca pjia ima pianji njaji yacoti njite pianji tsaca itaponjialritinaco ²⁴ setenta walriawatsa semana jiyapacao lriwayacacarro lriaji namatsicana naji piyacalrenanai njite piyalre matsiacawa njite lriwayacacarrotsaca llriaji namatanda nacapacarro matsidalri nadecarro matsiadalri mawayacacalari nacadacorro nanacowa nataponialre njite nanoparrotanda njite namatsiaataca llriaji matsiacawa ²⁵ pianji njite pianjicarro lrimotocaolri lriaji pirso yacoti pimatsietacarron njite pjirretacorro tsnakja lriaji Jerusalen lripjeya lrinoca lriaji lriniwanda napiya walriotsa niniwatsa siete semana njite sesenta y dos semana naco nanaitjatsenkja naofacawa njite apafe njjeta cawa onii Jerusalen rrico njerrapitacalrpiatoa nini ²⁶ sesenta y dos walria semana shaspodan mayancaotsas lriaji lriniwananda njite corriwatsa coca lrirso njite lrisholrodaoperre lriaji apada imenacacada nanowatsa namatsica lriaji yacalre njite nacawa matsiadalri onii yapjoetaotsasni njite owicaotsas nini lriwayacacarro pjiomi ²⁷ Lricadaotsa apada lriacoarron siete camoi njite lripamoyacalrico lriaji siete camoi lricadaotsa yamica nainoca maficalri njite ofrenda tsaca namatsicana ikjaote naji aimadan lrinowatsa lriaji apada iwayacacaope pjiomi njite matsidalri jiwacaotsa lrinaco lriaji iwayaketalri pjiomi