¹ madalrida shoopa camoi lriacadanaco napiyawalre jliaji Belsasar, njoa Daniel, lricadaa nocapa pada jliaji waminalri, ( lriapodam lriaji lrijñatalripia nocapa lripjeyatoa). ² nocapa aji lricajñatacawa norso, nocapacaanatoa, acajoji Susa, lriwapandalrico lriaji Elam, aji nocapalri nini capiatja njoaji lricopadapi jliaji ulai ³ njoreta noca nopjeyalre apana maficalri yamanani itsowa, yeacawa lriapualrico, jliaji lritsowa apana jalrinaripanipja lrioyani jliaji apana mitsa jiaji jalripani lritaoñapjawa jalripa yenonshe ⁴ nocapa jliaji maficalri lrimatsicaca lritsowa sho, jerri jiewalri nirse njite inaruemamjete jerri irso, njite atsiemjete jerri irso ; corim coca itaita yemaca lricjoete, corim coca itaita ipitocawa lrioya lrinaita caiji lriomacapisho ima lrimacanitacawa ⁵ nowaopia cadnatoa lrinaco jliaji, nocapa apana chivo atsiana inoca jipai iecoenaco jerri sheewalri nirse, corim lrinotaca jliaji jipai lriecocawa kjeya, jliaji chivo atsiana lrirso apana lritsowa macani lritji ipecolrico ⁶ Lriawa lricjaolre jliaji cabra atsiana irso cada yamana itsowa nocapacadana pjia jliaji cabra atsiana lrieacawaji lrimai jliaji lriapoanaa njefe jliaji cabra atsiaa lriecoa lricjaolre jliaji chivo irrotirico cjaidadalrisho ⁷ Nocapa jliaji cabra atsiana lritsomitaca jliaji chivo ima kerroaca jliaji cabra chivo irso, lriña jliaji chivo njite tocomi njaji lritsowa, njite mjaidaa jliaji chivo lriema carrowa lricoete jliaji cabra atsiana lripeco lriwao jipai rico njite lripoani, corim pacapa pada itaitacada jitaca jliaji chivo lripoani corim pacapa pada itaitacada jifaca jliaji chivo lrida ioya ⁸ Njite jliaji cabra atsiana macanicayao pjani mitsa lrinaitjacucadanco cjaidawa, tocomi jliaji lritsowa macani njite lriapodam cuatro lritsawa macanipe itaoñawa njaji ijñatalri nanolri njite njaji cuatro calri enolricjoite ⁹ njite apana lritsowa imotoa shonitsa lrinitacawa, mitsa lrinaitjacacawa macani lripatolremjete jliaji jalredaaca njite jerri imotlri njite, njite matsiacawa jipai ¹⁰ jliaji itsowati tsoni pia lritaoñawa wadeepe lrinotaca eenolricojlre ; lripeeco njite apepena jiwirsida jipainacojlre njite lripjoetana ¹¹ Cayo lrinaitjacacao macani caiji lricaisho jliaji owinai yapiyawajlre, jliaji lrita lrioya jliaji ofrenda nainoca maficalri caiji nanitja capisho njite jliaji naacawa matsiadalri matisicani. ¹² Lricjaote jliaji namatsicanaa, njaji owinai nacawatsana lrirso jliaji lritosowa jliaji cabra atsiana, njite yamiotsa jliaji ofrenda namjaitanda. Jliaji lritsowa lripecoata jipairico mashaadalri njite lritaitaotsa lrinaitjaca caiji lriocapisho ¹³ Nini njomica cacoa jliaji pada matsiadalri, njite pada matsiada sheepacani: "Cashoapawatsa lriwiaca jliaji , nocaplri lrinaco jliaji ofrenda namjaitanda maficalri lriatsacja jliaji imatsicanati ideecada jliaji iwaketacada, naaca jliaji jliaji Dios ipana njite jliaji lripjoanda owi eenolricoda"? ¹⁴ Lriaco norso: lriawatsa jliaji 2.300 dainoma njite piyompinaco, watsa lriwiaca, lriapodamwata jliaji, matsiadalriwatsa jliaji Dio ipana ¹⁵ Njoa Daniel, nocapa jliaji lrijñatalri nocapa, nomtja noaji cuamishopaca. aji nini paa yeema nopjeyajlre atsia icaishodalri. ¹⁶ njomi pada atsia iwanaco lrinomapi jliaji ulai yapoana, lriaco " Gabriel Pikitsindata jliaji atsia picaite lrirso coamishopaca jliaji lricapalri ¹⁷ Nini lrino tsoomi noya aji nuemalri ninni Lrinocadanaco, nofiowa njite notdoa nosipada jipai rico , lriaco norso: piajina pia atsia yenipe jliaji picapllri piketemadalri jajlredaoca icaonaa ¹⁸ Cacocadnaconi norso, njowao caiwaji imacadalri sho jipairico , njite lrinota njoa, lrirretacairo noemao. ¹⁹ Lriaco norso "picapa, nocajñatawatsa picapa kocacaotsa jliaji jinolriotsa irroati apjatoarra piketemdalri rico, ima lriaji, picapalri lriwayacaolre icaonaa ²⁰ Lrinaco ljiaji chivo picapalri, jliaji irso cada yamana lritsowa, icatsa njaji italricanatinai Medio njite persa. ²¹ Jliaji cabra atsiana icatsa jliaji italricanati adalriji Grecia Jliaji lritsowa macani napecolricoda njaji lritji icatsa jliaji initacada italricantica ²² Lrinaco jliraji, tocomirri lritsowa, njite nanaco njaji cuatro imulrio lriapodam, cuatro watsa italricanatinai jinicoa lricoda jliaji pada jipai mitsas corim lridaashoca ²³ Yamicadanacoatsa italricanatica njaji naocaanaco piomi watsao njaji inaitjacape matsi, njenicowatsao njaji yamada, pada ikerroadalri icapacana pada cajikjedalri ²⁴ Cjaidawatsani, mitsa coriwa lridaa shoca nofio watsa lriwana nacapacadanaco coajica lrimatsicaca ; cawatsani njite lrinatjaotsa caiji lriomacapisho Lrinowatsa inaiki Cjaidaperi inaiki nanacjoite njaji Dios sheenitaji matsiasperi rirso wawa ²⁵ Matsia watsa naomotoca lriso pjiomi lriaji capoa lricashataca aimawatsa lriajikje lrinaitjandatsa lrirsowawa, lrinoatsas pjiomi njaji inaiki corricadanaco nawada jlinico tscjaotsa taoricanatinai icoema njite lriyamita coatsani, mitsas corica iñainai camtja njaji iyaitalrini ²⁶ Lrinaco jliaji nocapalri dainoma naco njite piyompinaco, jliaji lricaiterri pirso mashadalri watsani mitsa pimatsieta jliaji nocaiterri pirso ima wia icaonacatoani. ²⁷ Njite njoa Daniel, matsi naajiacacawa, ima noyami piaca aima jalredaoca, njite njonicoa, nowaparo njaji talnicanati iyarro lricajai nowapa, mitsa lrifietaca njoa jliaji nocaplri njite corim pacapa pada yaajicada lrinaco