¹ Jliaji italicanati Nabucodonosor jlimenaka paperaa yakajle icuam, jipai icuam natso napji jlinaikitena jliaji jajledauca: " namawadakacasrupa. ² Nuwada matsiaka nukaite irso nanaku napji jlinaitani matsia nursu jliaji yenunrsedali. ³ ¡Jusreka napji pikadani wacapa, jursedajli jlidaa liaji jliimatsiaka! jlitalikanataca caidajliwetsa, nite limenakaka caidajliwetsaotsa." ⁴ Nuatsa, Nabucodonosor, catimapia nufakawa nupanajlico, nufapia catima napiya nuricuka apji pantisrico cakunakawa ⁵ nite papiaa nutapumka jusre nufietakacao. Nusruakadanacotua, napji nucapajli piomi nutapumli jlimatsiketa nuwideta. ⁶ ninshopa nudanaka paapera nadekaru norso piomi ashianai Babilonia niteperri irsocape yanikee nacaitekaru cuamshopa jliaji nutaponjli. ⁷ nite nanuka napji magonai, napji itatakape cakucaru mayanperim yapiya, ashianai canikeperi, yanikapetsaka jiwirridanoco. nucaiteka nasho nutapuniajle, curim padaa itaita ikaite norso kuashopacan. ⁸ Nite piketenre jliewao Daniel, jlipitana Beltsasar caipji lipitanasho jliaji nudiote, jilrsoka espiruto wadiotenai mashiaperi, nucaiteka jlirso jliaji nutapum. ⁹ Beltsasar, naminali napji magonai, nupjimtsa pinaica naespiritu napji wadiontenai matsiaperi curim pakapa jliaji curidajli pitaitaa pianimka. picaite nosro liapji nutapumjli nite cuamshupakan. ¹⁰ Catsa napji nukapajlica nuwaupia nanako nusrukadanaco nucamanjlico: nucapaka, apanaa jaicu yemawa pamuyua jipai, jaicu yenumni. ¹¹ Catimanani jlitauñakao jliaji jaicu. jliokacao eenojlikure. pataita pakapacam piomi jipainakuite. ¹² Matsiaperrica napji jlinape, jurreka napji jlinaka. nite juredajli iñaudati jlinaco piomi irsowajle. napji maficalinai wakadajlicuperi nausruakawa jliapite, napji wipiaruapape eenojlicuperi naufakawa jlikinaco. piomi napji jirracape icaujlewa naiñaka nite. ¹³ Nuwaopika jliaji nukapajli nusrucadanoco nucamanjlico, padaa idecaa yacuti mashiadajli jlinoka eenojlicuite. ¹⁴ Jliemataka nite jliaco: ipecujliwao jaico iyuaka piomi napji jlikipe, jirra napji jlinape. ikacaa napji jlinaca. napitucarua napji mafikajlinai jliuya piomi napji wipiaruapape jlikiyuya. ¹⁵ Icadakatsa jliaji jaico ipukudan jlipalitsaka jipaisrico, ipapikani shipajlanapenaku, jlimacao pamuyuapao wajliapi napanaka. icaada itamana ipushietakasruni. Icaada liowakasru mafikajli inai apji wacadajlico. ¹⁶ Icaada jlipadameta jliwaopiake jliaji atsia, atsia ifaopiake, icada jliwaopiake caipji mafacajlisho siete jamojliwatsa jliyapetaka. ¹⁷ Catsa liapji jlikaitenda jliaji idekada yacuti. Catsa nacaitejli napji santoperri. nanicasru piomi napji cafipesri jliaca itajlicanata jlaiji yenusredajli nanaku napji itajlicanatinai yakajle icuam jlitaita jliakana cukatsa isru. natsaka napji atsianai mapadajlekapetsa.? ¹⁸ Nuatsa itajlicanati Nabucodonosor, catsa jliaji nutapumjlica. Nite pia, Beltsasar, pikaite nurso cuamishopakan. pitaitaka pikaiteca, pirsoenkatsa espritu nayada napji wadiote." ¹⁹ Nite jliaji Daniel, jlipitanatsa Beltsasar, jlifietacakao wiyapami, jlitaka josredajli jlikaolewa. Jliaco jliaji itajlicanati: " Baltsasar, macadatsa itapumti ifietacapia jlitsaka jliaji cuamshopacan jlifietetaka pia."Numinajli, jliaji pitapum nasruwajle napji matsipe icapaka pirso; jliaji cuamshupakan nasrowajle napji picuema. ²⁰ Jliaji jaicu pikapajli, jlitaoñacawa catimana, jliocakao eenonakojle, pataita pacapaka piomi jajledauca nite, ²¹ matsiapee napji jlinape, jusredajli napji jlinaca, ninika iñaudati jursedajli, napji mafikajli nausruakawa jliapite, piomi napji wipiasru naufacawa jlinaco. ²² Jliaji jaico piacani, itajlicanati, pitauñacao caidaa. pimatsiaka jlitawiñacao jliukatsa eenojlicole, nepaka piaco piomi jajledaucajlico. ²³ Pia, itajlicanati, pikapaca paada inucada eenojlicuite idekada yacuti matsiadajli jliaco: ipeku jliwao jliaji jaico iwayaketani, icadakadeca jliaji jaico iipajlin jipaisrico, ipapini shipajlapenaku, jliemacao pamuyuapao wajliapi papanaa, icada itamana iputsiekasruni. icadaa naufakasru maficajli fakadeta inaiwa siete jamujli icua." ²⁴ Catsa caishupacaniapji, itajlicanati, jlinuka picaojle yacuti jlimencanda jliaji yenursedajli yufawa, numinajli, itajlicanati. ²⁵ napecukaotsa pia atsiananai nite, piofakautsa wacadajlico maficajlinai kesruaperri inai. pisrutsaotsa piñaka majlitsi buey icayusho, itamanati iputsietakautsa pia, siete jamujliwatsa piyapetaca kerrekenautsa piapjica jliaji yenunrsedajli yufawa jliaca itajlicanataca nanaku napji yacajle ljitaitaka jliacan kucatsa irso jliumanda ²⁶ Caipji jlimenacacapji icadaka jlipokudan nite jliki tsaka jlaiji jaico. caiwatsa jlidietaka pirso jliaji pitalicanataca pianikenautsan jliacatsa italicanata jliaji eeno. ²⁷ paniyaa, itajlicanati, pimika jliaji numajli nukaite pirso ajeena pinaitaka matsi nite pinaitena jliaji mashiadajli. pienitakenao jliuya jliaji pimatsikana, kenakenaa picapaka narso napji jirrapitacape, wadetsaotsa piricuka itaoñapacawa. ²⁸ Piomi napji jliyapajliwa jliaji italicanati Nabucodonosor. ²⁹ Doce kerri shapodam, jliemanicao panti ipujlico cakunadajli yufakawa apji Babilonia, ³⁰ Jliaco: ¿catsaa jlipomka jliaji Babilonia, nunaitamda nufakarudawa natajlicanata, jliukaoyanada jliaji numashiaca?" ³¹ Nite cakucadanakutua jliaji italicanati, pada yakuti inuka eenojlicuite: " italicanati Nabucodonosor, jliaji pitalitacanacawa ketacanaca piuyani. ³² kenitakanacautsa pia naikinai yuyaa, piofawatsa nainai napji mafikajlinai wacadajlico. pirsutsautsa piñaka majlitsi buey ikasho. siete jamujli piyapetaca kerrekenautsa piapjica jliaji yenundajli yufacawa jliaca jliaji italicanatacada napji yacajle jlitaitaca jlicani kucatsa isru jliumanda." ³³ Jliaji yakuti nadananda Nabucodonosor inaku keeya jlimutukawa. napecukani tecu nauya napji inaiki. jliñaca malitsi buey ikayusho, nite itamanaa iputsietaca jlidaki. jlitsicule itauñacao jajlipa caiji jawa inape icayusho. napji jlitsuta jajlipacana caipji wipiasru itsutasho. ³⁴ Piketenrse jajledauca, nua, Nabuconosor, nurretaka nutii eenojlicole, nite nudiaka nuapji jaledauca tsenka. " nuaca matsiadajli jlirso jliji eenojliculedali, nuaca mashiadajli jlirso jliaji yofacada caidajliwetsa. caidajliwaketsa jlitalicanataca. caidajlicatsa jlitalitacanata upii panaaya caidajliwetsa. ³⁵ Piomi napji ianaiki jaledaukajlicuperii curinka cuakaa jlishona; jlinaitaka napiya napji jlitsoludaote eenojlikuperi caipji jliomakaji. curim cuaka itaita iyaamitakan. curim cukan itaita iiyamitakan: "¿cuadaa pinaitakaa caiiji?" ³⁶ Jliwajle jlidacawa jliaji jajledauca, numinajli mastiadajli jlidietakanua jlimatsiakawa jliaji jlitalicanatakawa. napji icatakapee nua nite naumaka numatsiacawa. jliditaka jliaji nuwacarrudaa, macadajlipaka liapji jliali norso. ³⁷ Paniya nua , Nabucodonosor, nuacaa matsiadajli, nukantaka, nite numinajlica jliaji eeno itajlicana, imaa piomika matsiaca napji jlidenikale, matsiacaika napji jliniputee, jlitaita jlipaimanietaka napji padajleperri.