¹ Jotam irso piakena venticinco walria lripekirrica naco lrinita caojli pia lritalricanaataca; diecisei walria lritalricanaataca Jerosalén lrico. Jerusa pia jlidoa iipitana, Sadoc iito. ² Jotam inaitja matsia Dio ipeyajle. Lrinaitja pjiomi njaji natsiaperri jlinirri Uzia inaitjaji pia. Corri piatsa jlioma jliewacawa Dio iipana lrico. Njaji inaiki nanaitja minicatoa maati. ³ Jotam inaitja lripananomao jliaji Dio iipana njeewa cawa pjiomi. Njite jiipanadape ipolrico aima njaji lrinaitjaji. ⁴ Lrinaitja tsakja aima yacaalre awacada cawa Judánai jipaitena lrico, lrinaitja tsakja awacada lrico panti yenondalripe njite nawapacawa yenondalripe. ⁵ Lrinaitja pia oowi Amón italricanaa ikjoete njite jliamani. Jliwalria nacotsa, njaji inaiki amón perri naa lrirso wadeepe tre mil treciento icoa palraata, mil tonelada icoa trigo, njite mil tonelada tsakja cebada. Caiminitsa nanaitjaca madalriwalria camoi. ⁶ Niini kjaidaca Jotam nakjoete lrinaitja capoa matsia lri-Minalri Dio irso lricaolre rikjoite. ⁷ Njite nja paana Jotam inacoapanaperri, pjiomi njaji lrinaitjacawa oowi, njite coan piaca lriofacawa, paoketaca lri ricoda jliaji paperra Judá italricanaa inacoapanaperri naco njite Iraelnai tsakja. ⁸ Jotam irso piakena venticinco walria lripekirrica naco lrinita caojli pia lritalricanaataca; diecisei walria lritalricanaataca Jerosalén lrico. ⁹ Mayami Jotam lriferrinaipem iinai, njite nadawani David iyacalre rico. Lrirri acaz nakja talricanaati jliapodam.