¹ Pakujinae ira evetsinü cananeo Arad java pe jinopaenü Neguev javata, jumetane tomara Israel pijivi pe ponaevi namuto Atarim, javaberia, ponü wekua nabe Israel tomara yajaba vaetaba kaejiviyo penanekonitsiva pamonae javata. ² Israel ira taenuka tujjanenü nejja jumeitsi: "Pane rajutsianame ta pekuene amoneyabijjae pa jvitonünü java, nejjata wajjaitsi bijjianaenatsi pija nakua dajjita java. ³ Petujjanenü jumetane pe jume Israel java yajava ponü to rajuta pakuene amoneyabijjae cananeo javaria pamonae bijiana pija tomara nakua dajjitajava. Ma pa pe kovünü raja Horma. ⁴ Pamonae ponabaja betsina Hor ibo jumatsutota pe namuto javabenia poona juneo java pe ponae matatoyoro tsiena Edom ira jabaria. Tomara pijivi jamabu liváisi paepaena namuto javata. ⁵ Tomara kuekue jai vekua Dioso vekua Moisés yajava: "¿Detsa jjuitsia panebarü ponamenema wayapjotaria Egipto vekua pa ta túppaenenejjaje tajetabo wayafo? Ajibi panbü, ajibi mera apa pajiatsipajũ ma pejjaejeva pebisiabijava." ⁶ Nejjata pe, tuujjanenü itoroba jomo pijakuralipejjainaenü tomara vekua javata. jomo síne jivimonae, dajjita tüpa. ⁷ Tomara Moisés java beria pona nejjata jumeitsitsi: "Pebisiakuene pa ejjanajũ dejjüatsia borakuekue jaitsi pe tuujjanenü vekua jjamüjavabelia ata. Wajüre pe tüujjanenü javabelia vekua ponü newekua ponaenejja jomomonae pajjanü javata. Nejjata Moisés towajüka pija tomara jaba beria. ⁸ Pe tujjanenü jumeitsi Moisés javabelia: "Ejjanare jomojava küre yajava naisituruto javata. Itsakuene tsane pamonae pesinejavasi jinono paena, pamonae petae." ⁹ Nejjata Moisés ejjana jomojumapekataeya broncenanitonü yajaba küta naisituruto javata. Bajara jjua kujinae kae jomo pjiviyo sine itsa taeyabieva, ponü jinonopabiena. ¹⁰ Israel pija tomara katsitekapona rovia ponaena Obot nakuera ena otofa. ¹¹ Pamonae Ije Abarim nakuera ena otjopja javata tajetabo tajetabo wayafa peitabara Moab javatsia pa juameto pe pitsapae javata. ¹² Bajara jota kujinae pona nakuera ena Otjofa yajava Zered petusato wayafo javata. ¹³ bajara jota kujinae katsitekapona rowia pija najera rubena rowa nakuera ena yajaba itsajava Arnón mene, tajebo wayafo pe yeretsijava ira vetsina pe kopia rukae Amorreos javata. Arnón Mene pekopia rukaejava Moab Amorreo javata. ¹⁴ Bajara pakuenia jumeitsi paepato penabe petuujjanenü: "Vaheb Sufa eka, petusato wayafo Arnón javata, ¹⁵ Nabujütsuta petusato wayafo pekopia rukaejava Ar tomara javata runaika Moab pekopia rukaejava. ¹⁶ Barajota katsitekapona rovia Beer javabería, jota eka mütjü mera jota tuujjanenü Moisés jumeitsitsi: "Tomara kaetuare pe rajutsineja mera." ¹⁷ Nejjata najjuana Israel mapa vajije "Mutjü mera namata kore" najjuanare ponü javaberia. ¹⁸ Pa taja peitorobinü kua mutjü mera java, mutjü mera noble nujji kua pija pekobenaebo naebojji yajaba." Tajetabo wayafo betsina ponaena Mataná." ¹⁹ Betsina Mataná ponaria Nahaliel javaria, Nahaliel Bamot yajavaberia. ²⁰ Yajava Bamot petusato wayafo MOab ira javaria. Jota pisga pe upi ibo jumatsütota tane pebujü tajetabo wayafo javaberia. ²¹ Nejjata Israel itoroba peitorobi liveisi kapona Sehón ira evetsinü Amorreos javaberia jumeitsi. ²² "Nija ira pane jone ejjanare. Apo pa tokeika ajibijavata tsane viña pabijavanü. Apo ponaenajũ ira evetsinü pija namuto pa nikababianatsi nija ira kopia rukaejava tsane." ²³ Beitsi jane Sehón ira evetsinü apo panetsikopabiena Israel monae pe jone java pija itsa ira kopia ruka. Pekavüta, Sehón kaetuata dajjita pija wajabitsaüvi tsekonajjuaba Israel monae petusato nakua javata. Ponü tsinaJahaza javaberena, dejota nabe Israel vekua. ²⁴ Israel tsekona Sehón pija wajabitsaü pija espadata pe jiu jai vaitajava pija ira Arnón betsina Jaboc mene javata, tajü be ira pija tomara amonita java. Amonita pija ira kopia rukaejava okonojjae yanaita karanata ²⁵ Israel pita dajjita Amorreos pija nakua jinonopa yajava dajjita javata, Hesbón ata dajjita pija tsikiriyo tomara jji. ²⁶ Hesbón pikani pija tomara Sehón ira evetsinü amorreo monae, jipatsa nabia ira evetsinü vekua kotokaibi Moab tomara. Sehón ikeni pita dajjita pija ira betsina pija nakuayo Armón mene javata ²⁷ Nejjata pamonae kue-kuei pekano üjütsi liveisi jumeitsi: "Pa tsiname Hesbón javata. Kopare Sehón tomara pa ejjana bienu ejjanare pejanajava ikatsia java. ²⁸ Isoto kotia pitsapa Hesbón javata, Sehón tomara petajue java tajuita Ar Moab, yajava pe jjainaenüvi pekobüta Arnón piapia javatsia. ²⁹ ¡Ja Moab de itsimütsane! Pajjamu pa tüpame, Quemos tomaranü. ponü ejjana pejunato penajetabijiribinü yajaba pija pejunatoyo penanekonitsi Sehón ira evetsinü ejjana amorreo nünü. ³⁰ Beitsi wajjaitsi pa pitajũ Sehón java. Hesbón bijienatsi Dibón ata wajaitsi pa kanabajũ nofa ata, pe patsinejja Medeba javata." ³¹ Bajara pakuenia, tajjujuaba Israel pe jinono paebi nejja amorreos pija ira javata. ³² Nejjata Moisés itoroba peebijivi pe tae nejja Jazer java. Pita pija tsikiriyo tomara amorreos monae jutabuatatsi bajara jota pe ekaebi. ³³ Kujinae matatoyorotsiaya yajava juna Basán na muto javaberia. Og, Basán ira evetsinü, pitsaspa pamonae vekua, ponü dajjita pija wajabitsauvi yajava, penabe nejja Edrei javata. ³⁴ Nejjata tujjanenü Moisés jumeitsitsi: "Pütsa junavame, juajitsi jjanü karajutatsi pekuene amoneyabijjae ponü javabenia, pija wajabitsaü pija ira yabaja. Itimure ponü javaberia pakuenia itsimü amorreos ira evetsinü javaaria, Sehón, peponaponaenü Hesbón javata." ³⁵ Ponü beyajjuabatsi, pejji dajjita pija wajabitsaü, vi yajava apo asaü ajibi tsarubenae itsajiviyo ata pija ira yaküjürütatsi.