¹ Petujjanenû barü kuikuijai Moisés Aarón yajava. Bajaraponü jumaitsi: ² Mraje Kato najume yakinarubatsije kaitorobatsi nejume konunütsinejjane: Pajumaitsi mure Israel pijivijabelia pekaponaenejjarena pajjamü javaberena pejana pabito baka petsobianü apo pe jiapanenü apo pekapanapanavinü ata, kaeto ata abajjü apo pekanakuenebinü. ³ Parajutsianame bajara pa pejana pebito Eleazar sacerdotenü. Be pakaponame panija tajjunaebo pünüyabelia, itsajiviyo beyajjuabiana bajaraponü pitabarata. ⁴ Eleazar Sacerdotenü bajara pajana pitsiana pekobesitota petsibabinejja siete jjuabeje penakaetuatsi boo bürüto baüpa matatoyorotsia. ⁵ Itsa sacerdotenü tajuitanukaena pejana pebito dajjita jivi pitabarata. Pebokoto ata tajuitsiana pevi yajava pejana yajava dajjita ünüyajava. ⁶ Sacerdotenü ü petitsinejja cedro naenü, hisopo lana pana yajawa petsobia pana, dajjita bajarajjua jjuabialia isotualia Itsa jjuayolia pejana pebito tajuita bualia. ⁷ Nejjata ü pekiatsinejja penajjatabijavanü navaena merata. Bajara jjua kujinae liatsane panija tajjunaebivabelia, itsajota ponaponaena be piajjuira nü ata meravijavabelia. ⁸ Pajivi tajuita pejana pebito üpekiatsinejja merata penajjatsijava navaena nua merata. Ajjuira tsaponaponae tsane ata kaniviyo javabelia. ⁹ Pajiviyo anekoni jibi kaetuatsiana pepajutojji pejana pebito pabuatsianame panija tajjunaebo vayafuabelia pe anekoni jibi tajjünaeta. Maa papajutonüje üpanejjani avaetsinejja panija tomara Israel pijivi. Bajara pamonae merata jürüatsiana bajara papajutonü pena nekoni ajibia ejjanaenejja, bajara papajutonü baja kajena rajuta penanekoni mamotsinejja. ¹⁰ Ponü kaetuata pejana pebito paju ü pekiatsinejja penajjatabipavanü ajjuira tsaponaponae tsane kaniviyojavabelia ata. Bajara maa palivaisi pajume kovanütavanapaenameje dajjita matakabijavabelia Israel pijivi itsanakua pijivi ata pena kopabivi bajara pamonae ata. ¹¹ Pajiviyo jayatabiana petupanuenü perabüto ajuira tsane siete 7 pamatakabibeje. ¹² Bajara pitsijiviyo ü penanekoni jibia ejjanae tree pamatakabibeje kujinae siete 7 pamata kabibeje Kujinae eta. Nejjata baja anekonijibi tsane. Baitsijane itsa apo na enekojibia ejjanae tsane tree matakabita, nejjata apo anekoni jibi tsane septimo malakabi. ¹³ Itajjutejema jiviyo itsa jayataba petüpanükae jivi, peperabüto pebi petjüpanukaenü, itsa apo na anekonijibia ejjanae bajara pajivi jjuiraba petujjanenü pebarü nakaetuatabia bibo. Bajara pejiviyo Israel pijivi üpenavekua juntsinejja tsipaji pamerata na anekonijibia ejjanabiaba apo tsikabitsi bajara ponü tsitekaena penajjuirabijava tsitekaya yajjaira ponaponaena bajaraponü. ¹⁴ Mara pakuenia paejjanaenameje pakujina itsajiviyo tüpa panija boburatoyota. Itsajiviyo ata jonelia bobarutoyo javalia itajjutemajiviyo itsa baja kapanepaya bobürütua itsa nukalia ajjuira tsane siete pamatakabibeje. ¹⁵ Kaebü kamakujitsia pematotopo itsa apo jjainae piajjuira büanü tsane. ¹⁶ Nkuene jü paponaena, itajjutejema jiviyo tajü pija bobürütua vekua itsa jayataba pekakuta jjuaba buitsi nutsi espadata, itajjutejemo perabuto petüpanukaejava jiwisito jivitonü pemütjütsi mütjü bajara pajivi ajjuira tsane siete 7 pamotakabibeje. ¹⁷ Najjua ejjanareje pajiviyo najjuiraba: Pere ipümara beno yajavünü perajutsijava pijanekoni yabara petajuitsijava matajürüare mera vajjita. ¹⁸ Itsajiviyo itsa anekonijibi pitsiana hisopo, suketsiana merata, tsikabiana bobarütoyo, dajjita bobürütualia peenaejavanü, pamonae eta ajarajota nubena, itajjütejema jiviyo javabelia ata pejayatabi jivi pesito, pebeya jjuabijiviyotsi, petüpae jiviyo petupaenü pemütjü. ¹⁹ Tres matakobita siete matakabita, pianekoni jibijiviyo ü petsikabinejja penanekonitsijiyo. siete pamotakabibeje kujinae bajara pajiviyo ü penanekoni ajibia ejjanaenejja. ü pekiatsinejja penajjatabijavanü penavaenejja merata. bajara pameravi, bajara ponü anekonijibi baja tsane. ²⁰ 20Itsiata itsajiviyo itajjutejema itsa najjuiraba, pajiviyo apojitsipae penanekonijibia ejjanaejava bajara pajivi panavekua jutsianame ponija tomara vekua. tsipaji bajara ponü toya bijiana petujjanenü piaja tajjunae pamerata na anekonipibia ejjanabiaba apo tsikabitsametsi bajará ponü bajara ponü yanekonia ponaponaena. ²¹ Tsitekaena rabaja kajena maje bajara jjua paejjana biabianameje bajará pitsikuene javalianuaje pajivi tsikaba merata pianekoni ajibia ejjanaenejja üpekiatsinejja merata penajjatabijava. pajivi nakobe bütaba pamerata na anekojibia ejjanabiaba be pena jjuirabinü tsaponaponae tsane ata kaniviyo javabelia. ²² Itajjutejuma java itsa jayataba piajjuiranü bajará jjua ata ajjuira tsane. pajivi jayataba yajjuiraya ponaponaena ata kaniviyo javabelia.