¹ Efrain pija pebijiwi junatatsi Pamonae najetarubena zafón javanejjata jumaitsi jefté, ¿ detsa jjueajitsia jjamü poname ne nabenejja Amón tomawa vekua apo panetsipaebinamu potaka yajawa ponae yaniva jjam? pakaya matatsünü tajuitsianatsi nija boa". ² Jefté jumaitsi bajara pamonaeta " jjanü taja tomaranü yajawa livaisiba ayai kuenia Amon tomara yajawa. Pakuijinae kajunutatsi, jjamu apo neyavenonaimü bajara pamonae vekua. ³ Itsa taniji apo taneyavenonai javamü, dajjita saüta buatajüe tajamatabü kuene Amón tomara javata, pe tujjanenü nerajuta ta amoneyabi jamatabü kuene, ¿ detsa jjuajitsia pane siwa poname ajena pata nebe nejjamü ? ". ⁴ Jefte kaituata dajjita Galaad piaja pebijivi nejjata barü nabia efrain. Galaad piaja pubijivi tsimajjü otjopa Efrain piaja peebijivi javaberia tsipaji bajara pamonae jumaitsi " Pajjamü Galaaditas vimü Efrain jawata pana matayaba vonopame--- Efrain javata yajava Manases ." ⁵ Galaaditas monae pita Jordán müjjuburu namuto Efrain javaberia pe ponaenejja, pakuijinae Efrain monae yaja wunü asaü jumaitsi , " nekapare tanikabinejja mene javaria, " yanijoba bieba Galaad monae " ¿ jjamü raja Efrateo monaenümü ? " Bajara ponü jumaitsi, " ajibi". ⁶ Nejjata Bajara pamonae jumaitsi tsabiabi bajara ponuta, " jumaitsimüre shibole". itsa bajara ponü jumaitsi tsabiabi " Sibolet" ( bajara ponu apo kuai kuai jae jjaniwaitsia kuneta) galaadita monae taika_biaba nejjata bebiaba pona Jordán mujjubürüta. Cuarenta y Dos mil (42.000) bajara pa mataka bianü java beyejebatsi. ⁷ Jefte to nakueneba be pe matakanukaenuseis (6) pawai beje. bajara jjua kuijinae Jefté tupa Galaaditanü bajara jjua kuijinae mutjütatsi Galaad tomara yajawunü javata. ⁸ Bajara ponü kuijinae, Ibzán Belén Pijinü matakanuka Be Juez kuenia Israel Jawata. ⁹ Bajara Ponü jjaina treinta (30) pa pejjunato beje. bajara ponü rajuta treinta (30) pa pejjunatoyo nakojiobi ejjena, kanajetaruka itsa tomara verena, nejjata bajara ponñ barürena treinta (30) pejjunato vajji pe nakojiobi ejjanainejja pejji jawaberia. bajara ponü nekonita ponapona Israel siete (7) pa vai beje. ¹⁰ Ibzán tüpa nejjata mutjutatsi Belen jawata. ¹¹ Bajara ponü kuijinae, Elón Zabulonita pijinü ya verona ponapona Israel bejuez kuenia. bajara ponü nekonita ponapona diez (10) pa wai beje. ¹² Elón zabulonita pijinü tüpa nejjata mütjütatsi Ajalón jawata Zabulón pija irata. ¹³ Bajara ponü kuijinae, Bajara ponu kuijinae, Abdón Hielel pejjunato piratonitanu nakuenaba be Juez. ¹⁴ Bajara ponü Cuarenta (40) pa pejji jiwi beje jjaina yajava treinta (30) pa burro jumata, jane bajara ponü nekonita pona pona Israel ocho (8) pa vai beje. ¹⁵ Abdón hijo de Hilel pejjunato piratonitanu tüpa nejjata mütjütasi piratón javata Efrain pija irata ibo juma tsü ayai nakuajawata Amalecitavi.