¹ Akonojjae, Jefté Galaadíta pebarrü pebarrü namaajjü wanitsi-nü apo peka panepáe nütsi, jane baitsí jané péna pekui jiruu jemabiwatsi pamona apo jjainae. Pajja Galaad. ² Pepo piajawá Galaad tó tajütatsi itsa bitsaü tonü pejji. pakauijinae pejji witsaba pepo piajawáta, ³ bara ra pamonae anayata jutatsi piajabó wekua, "jjamü ra aponá jjainaemü tsane pajjanü jáwata. Jjamü ra itsawá pejjünatomü. Bajara rá pajama tabü kuenía pujuyá pijiwi wékua rob jawábelia pona. Napona pia Kuene bejewi pupüta. ⁴ Bejjüa Kuijinae, Amonitas pijiwi síwá nawa jabí tsaita Israel monae. ⁵ Pakujinae Anitas tsimajjü póna Israel monae, Galaad pijiwi pemujjü jioba bibiwi pita otopalia Jefté penawiatsi nejjarrena tob irrabe rena. ⁶ Baja rá pamonae siwá ponats:" juya pena pena mata kaitorrobinü nejja waya tsimajjü ponae nejja Amón piajiwi" ⁷ Jefté júme kanawíate pinorrabiwi Galaaol, pajjamü saya pane ataejitsi bimü pane jutajuabame pane jjábame tajja piajabó Wekwa. Dejjuajitsía matapanía ponamé jjanü jawá berrema, matapanía pakayá liwaisiba?. ⁸ Pitorrobiwi Galaad jume kana wiatatsí Jefté, "bara rajané benatsi amonita monae, nitorrobinü tsane Galaad jawata péjina wanapaewi. ⁹ Jefté jume Kawawiata pitorrobiwi Galaad jáwata, "Pajjamü itsa pane kana wiarremeliá waja werretsi nejja Amonita monae, itsa Diosonü nakaya wenonaena werreba bénatsi, jjanütaito robinü tsane". ¹⁰ Potorrobiwi jume kanawíatsi Jefté, Diosonü pita barrata paka jumaitstsi apo itsa paitsinü jjua paka jumaitsitsil." ¹¹ Bajara rá pakuenia jefté kanawiatatsí pitorro biwi Galaad, dajjita jiwi baja pénama tamotsinü ejjanatsi ejjanatsí pitorrobinü naejjana. Kaponatsí Diosunü jawábelia Mispayábelia. Jefté júme katáepona jjua petsi paebí jawatsi. ¹² Jefté itorroba pejume kaponae witsi Amonita piaja reinü jawábelia, jumaitsilia: ¿Dejjua jitsia pane atae jitsibimü? ¿dejjujitsia paneyá kürtame patája írra? ¹³ Rey jume kanawiata Amonita pijinü pitorrobi-wi jefté:" tsipaji pakuijinae patajópa Israél Egipto werrena, Baja rá pamonae pane wekua pita pataya irra Arnón werrena kuijinae ata Jaboc, ata Jordan. Akonojjae pane tó kanawiane jjania watsia". ¹⁴ Ikatsia Jefté najume itorroba pejume kápona bíabiwitsí Amonita piaja rey jawabelia. ¹⁵ Baja raponü jume kanawia tatsi: "Majjuaje Jefté jumaitsí: Israél Moab pítsí Amonita monae. ¹⁶ Egipto pijiwi ponárrena, Israél epa níkaba tajetabonü palia paliá maniá petsobia mene jawabelia ata Cades Jawata. ¹⁷ Pakuijinae Isarél piajawi kápo naelwitsi Edom piaje rey jawabelia.Juitsilia: pejjamia kuene panetó ejjanare pata epanikabí nejja panija irrália; Edom piaja ray apo namujjuná ewetsi. Pijinenia itorrobalia Pejúme Kapo naewitsia Moab piaja jawabelia, Apo jéjai. Baja rajjuajitsia patajopa cades jawata. ¹⁸ Nejjata ponalia tajibonü jawalia wekua póna Edom piaja irra Moab ata piaja irra wekua, itsa wetsina juamento pitsapa bé pemujju neneyo Moab pata jjuaba itsapná belia jota ponapona Arnon. Nejjata bara rá pamonae apo epa nikabi piaja irra jawa Moab, tsipaji Arnón Moabbeje kae irra natsi kobe tsata beje imojjoyo naita taenukaa beje ¹⁹ Israél najume itorrabá sehón jawabelía Amonita piaja reinü jawábelia, pitorrobinü Hesbón; Israel jumaitsitsi; pejjanía Kuene ne tó ejjamare pata epa nikabinejja pata nawiabí nejja paraja irrabelía. ²⁰ Nejja Sehón bitsó apo mujju jjaniatae Israél pepa nikabi jjuaya piaja kopía ruka. Baja rá jjuajutsia Sehón kactuata pejjaínae wajabitsaü mata kapona jahaza jawa berreka, baja jota, barrü nabía Israél. ²¹ Waja yeitaenü, Isrél piaja Diosonü, Sehón piajiwi yájawa pekobeta Israél tó kanawiatsi werrebaba. Baja rá pakuenia wekenía pita Amitas monae pejina wara páewi bara rajótalia. ²² Baja rá pakuenia nota jjuabeje jjaina baja rá pairratalia ata jabóc jawata tajetabo jawa welía kuijinae ata Jordán Jawábelia. ²³ Nejjata waja yeitaenü, Israél piaja Diosonü jukalia Amonnita monae, Israél monae wekua, ¿jjamü raneje baja pire pia irrami?. ²⁴ ¿jjamü kajena bajjü apo pitsimü peka rajutsí waja, peka rajutsí jawa nija Diosonü? Baja rá pakuenia itsa irra ata waja yaita waja Diosonü naka rajuta, jjaitsi pitsianatsi. ²⁵ Akonojjae, ¿jjanü kajumai tsitsi jjania waetsía nejjanepa naenü bitsó Balac pejjünato Zipor, Moab reinü?¿Baja raponü ata kajená najamatabü jüpa.? ²⁶ Abajjü saya baja rapakuiji nae Israél pónapona Hesbón jawata 300 pawai beje piaja bojawata, Aroer jawata piajabó, dajjita tomarranü jawá imojjoyo piaja banco Armón jawata ¿dejjuajitsía nejjata apo ptsimü bajara rá pamata kabitalia?. ²⁷ Jjanü ba pebisívá kuene apo kató ejjanaetsibo, baja kajena jjanü najamatabü jüpame Diosonü, ra pekaüjütsinü, Ajena rabaja jumaitsí tsanetsi pakuenia Israél piajiwi ata Amón. ²⁸ Jane rey Amón júme jai jjua tsipae barrenatsí Jefté. ²⁹ Nejjata Diosonü piaj Espiritu Jefté tsijama tabü patatsi, nejjata baja ponü naje tarruka Galaad jawá, ikatsía Mizpa Galaad píajawa naje tarruka píaja tomará belia Amón. ³⁰ Jefté nató ruta Diosonu jawábelia najume kapanepa. jjamü itsa nejamatabü kuene werreba bénajü Amón piajiwi. ³¹ Nejjata jjua saya baja pitsapa piaja bó baupa welia pitsapa nemata enenaea pakuijinae tsaünü nawiata ponaenajü piaja tomara werrena Amón Diosonü piajáwa tsane, jjanü rajutsianajü pakuienía bá tó tajuitatsi. ³² Baja rájjua Kuijinae tsimajjü pona piajíwí Amón barrü nabéjitsía, Diosonü pejamabü kuenía wérrebaba. ³³ Baja ponü barrü úkubaba namujju rai táne pia yeíkuene Aroer kuijinae ata minit tajü jawabelia 20 patomara beja ata Abel keramín jawajjiya. Baja pakuenia piajiwi Amón pakuenía kapanepa pona piajiwí Israél. ³⁴ Jetfé pata jopa piajabó jawa berrena Mispa jawáta, pepata najetarü kaenü pistsata-balía pejjünatoyó matenenatsi raka tekapona tsili tsílito namatá tojerratsía jirrawéka pona. kaewa saya baja rá ponü jjaina, itsawá jawábelia ata apo jjainae pejjünato pejjunarayo ata. ³⁵ Pakuijináe taejünua, newe juma titína jjuaba penajuma nawiatsí jáwa jumaitsi: "iji tajjünatoró-o jjamü saya nejamatabü nue ejjanameno-o bitsó baja nejamatabü liwaisi bijiname, jjamü samü saya nejamatabü liwaí nué ejjaname jjanü kaejana kapanepaya najume kapenaju Diosinü jawabelia, jjanü baja akuenebi tanajú,e kanawiatsí jáwa jjanü baja karraju tsianatsi tá jaijawa. ³⁶ Pejjünatoyo yani jiobatsi:"papá, jjamü kajena jamü kajena neyamujju itorrobi yeniwa najuma kapane pamé jjanta saya itsimüre panía pajuma kapane pamé, jjanüta saya itsimüre panía pajume tanemé beje o parkuinia jumaitsimü, tsipai kajena Diosunü kayá matamota nija wajabitsai, Amonita-wi. ³⁷ Baja rá powá jumaitsi, jimá baja nekanawiare pekoto abeje, jjanü abajjü nekopare jania juametoyo beje, jjanü abajjü pona ponajü pejaná watanü ü pepajanawá jjinü. ³⁸ Jume pita "ponare" nawekua pona anija juameto beje. Nawekua pona kaewa, pewüna pejaná wajji pü kanuatsí baja ra powa pejanáwa poneka momotonü jawabelía. ³⁹ Pewere werrekae kuijina jania juameto beje, pata pajja jawa berrena, petó jé jai kuijina pajja jjua jumaitsí Baja rá jjua kuijinae pebí apo barrú majitsí, baja rá pakuenia to ruta Israél monae. ⁴⁰ Kae waí kana kuijitsia Israél pijiwaji, apá-matakabibeje, najamatabüná pitijitsia pakuenía itsí pejjünatoyó jetfé Galaaditanü.