¹ Petüpae Kujinae Josué, Israel iomara yaníjoba wajia Dios jawaberia : jumaitsi. ¿Najjaitsa matapilsiana kopiaya cananeos monae nakasiwa nabena bajarapamonoe wekua? ² Dioso jumaitsi: "Judá matapitsiana. jjanü jota karajutatsi nemata kanukaenejja pa irata. ³ Judá píjapebijíwi jababeria pematapijiwi: "Wajjaitsiponainatsi waja nakarajutsiiraberia wajanajua nabenejja cananeos wekua, wajjaitsi najupaya ponaenatsi waja nakarajutsi iraberia wajanajua nabenejja cananeos wekua, wajjaitsi najupaya ponaenatsi pajjamüyawa papekarajutsi iraberia. "Bajarajjuata Simeón pijawiria yajapona. ⁴ Judá pijapebijiwi tsimajjü Otopja, Dioso nasaü rajuta pekuene amoneyabinejjae cananeos wekua yawawa Ferezeos. Beyajjuaba diez mil pijiwibeje Bezec jawata. ⁵ Kajjinatsi Adini Bezec, Bezec jawata, ayaikuenia nabia bajaraponüwekua Nejjata kuene amoneyaba penabejawata cananeos monae yajawa Ferezeos. ⁶ Jane Adoni Bezec najetabijiriba; pubarajinatsi bajarajota waitabatsi yajawa petajü. ⁷ Adoni Bezec jumaitsi: setenta papemakanukaenübeje, bajara pakuenia pekabesimatajaranae yajawa petajjumatajaranae to ukutatsi, kaituatabiaba pija pejjaijawa taja mesabüjjüpanata yawabereña. Kaponarenatsi Jerusalem jawaberena Tupa bajarajota. ⁸ Juda pija pebijiwinabia jerusalen tomarata bajarajjuakujinae pita, kusipanü kobena nabia bajarajjuakujinae tajuileta jerusalen tomara. ⁹ Bajajjuakujinae, Juda pija pebijiwirunaika pabarünabenejja canaeo mónae wekua peji nonopaiwimi ibojumatsutota Neguev javata, pejumatsutoyota bería jumeto bakotiatabü jopa, ¹⁰ Juda namatajjainaya najetaruka Cananeos monae wekua pejinonupaiwimi Hebron jawata. Hebron pewünü kopiaya Quiriat Arba Nejjata Kuene amoneyaba. (Pewünüwi) Sesai, Ahiman yajawa Talmai. ¹¹ Barajota kuijinae Juda pija pebijiwi namatajjaina Debir pija Jiwi Wekua (Debir Pewünü Kopiaya Quirat Séfer). ¹² Caleb jumaitsi: "Pijiwiyo matapitsiana pebejawa Quirat Sefer, pekuene kajüpainütsi tomara pepitsijawa, jjanü rajutsianajü Acsa tajjünatoyo pijawa Nejja". ¹³ Otoniel, Pejjunato Quenaz (pejuyapijinü Caleb) waitabatsi Debir, bajarajjuata Caleb rajuta Acsa, pejjunatoyo nejja. ¹⁴ Bepijayo Kuenia Acsa pata Otoniel jawaberia, bajara powa apajümefae-faenae bajaraponü jababeria pewajutsinejja wayapjo. Itsa runaica pija Asnu jumawetsika. Caleb yanijaba: "'¿Dejjuakanayawenonainatsi?. ¹⁵ Bajara-powa jumaitsi ne Bendeciebare, ta-nerajutsi jamatabu kuene Neguey pija ira, yajawa nerajure mera penawotsijawa nejjata Caleb rajuta penawotsijawamera matatsünüyo-jawa, irayo jawanua. ¹⁶ Ceneo pejji, pajjuyo Moises, jünaya Palma Tomara jawabetsia yajawa Juda pija tomara, pija petusato nakua Juda, bajarapakuenia Neguev, jinonupa yajawa Juda píja tomara. Imajjoyo Arad jawata. ¹⁷ Pija Jivi Judá pona Simeón pijajivi yajawa pematapijiwi Simeón matapita penabejawa Cananeo monae pejinunopaewi Sefat Jáwata beyejebatsi ayaikuenia, pewünü Tomara ikani Horma . ¹⁸ Judá pija tomara Yajawa Gaza pija ira pemüjjüunenia yajawa. Ascalón pija ira pemüjjünenia yajawa, Ecron pija ira pemujjunenia yajawa. ¹⁹ Dioso yajawa ponapuna Judá pija tomara, yawenona pewpitsinejja pejinonopa wi wayapjota tsipaji bajara pamonae jjaina kopaimo-nü. ²⁰ Hebron rajutatsi Caleb, (pakuenia jumaitsi Moises), Nejjata bajaponü Kapitsapa bajarajotawekua akueyabi pejjijiwibeje. Anac. ²¹ Benjamin jane pija tomara apokapitsapae Jebuseos pejinonopaiwi Jerusalen javata, tsitékaya Jebuseos monae yajawajinonopa Benjamin pija Tomara yajawa Jerusalen jawara abajjü tsitekaya jinonopa pamatakabianüjebi. ²² Pija boo José tsimajjü najjaniwaita pebarünabenejja Betel, nejjata Dioso yajawatsi. ²³ Bajara pamanae itoroba pebijiwi peyaenebinejja Betel jawata (pa tomara copiaya pewünü luz). ²⁴ Peyaenebiwi tane kainü pebi pepitsapaejawa tomara wekua Nejjata jumaitsitsi: "Panetsitajjure pejjaniakuene pakuenia jonejitsia bajara patomarabelia, pajamatabükuene barüyanüjitsia jjamü jawabería. ²⁵ Bajaraponü tsitajüta kaenamüto pejonenejja bajara patomaraberia bajarapamonae tsimajjü otopja bajara patomara kapona kusipanü pekabeta pekanamujjüwanitsi nejja baitsi jane ponai ejjanatsipebi dajjita pijamonae yajawa. ²⁶ Bajara ponü pona Hititas pija ira beria bajarajotatomara ejjana pewünü ruta Luz, wünü tsiteka ajenajebi. ²⁷ Manases pijatomara apakapitsapae pamonae pejinonopaewi Bet Sean pijababurtojji yajawa Taanac ata pijaboburitojji yajawa pamonaeata pejinawapaewi Dor pijaboburtojji yajawa pamonae pejinonopaewimi Ibleam jawata pija boburtojji yajawa, pamonae jinonopa Meguido jawata pija boo-bürütojji yajawa, Baitsi Cananeos monae ajamatabükuenezaü Pejinonopaenejja bajara pa irata. ²⁸ Pakuijinae Israel tomara na asaübeje ejjana, bajarapamonae itoruba Cananeo monae Petonakuenabinejjatsi piakuene zaüjawa, Nejjata Kaito-ato apakapitsipaetsi. ²⁹ Efrain apakapitsapae Cananeos monae pejinonopaiwimi Gezer jawata nejjata Cananeos monae tsitekaya jinonopa Gezeer jawata bajara pamonae yajawa. ³⁰ Zabulon apakapitsapae pamonae pejinonopaewi Quitron jawata, pejinonopaewimi ata Naalal jawata, bajarapakuenia Cananeo monae yajawa jinonopa bajara pamonae kaejawata, baitsijane Zabulon itoroba Cananeos monae petonakuenabinejjatsi ayaikuenesaüta. ³¹ Aser apokapitsapae pamonae pejinonopaewi Aco jawata. Pejinonopaewi Sidon jawata, pejinonopaewimi Ahlab jawata, Aczib, Helba, Afec, yajawa Rehón ata-apakapitsapoe. ³² Nejjata bajarapakuenia Aser pijawiria yajawa jinonopa Cananeos monae (pejinonopaiwimi panata). Tsipaji bajomapamonae apokapitsapaetsi. ³³ Neftali pijawinia apokapitsapae bajarajora pejinawanapaewi Bet semes jawata, apopejinawanapaewimi ata bet Anat jawata, Nejjata Neftali pijawiria yajawa jinonopa cananeos monae (Bajara pajivi pejinonopaewi Bet Semes yajawa Bef Anat itorobatsi peto nakuenabinejjatsi piazakuenejawa Neftali nejja. ³⁴ Amorreos monae ayaikuenia, itoroba, Dan pija wiria, pejinonopaenejja petsuto jumatomarata aparünaejjanaitsi wayapjo jawabetsika. ³⁵ Nejjata Amorreos monae jinonopa unüta Heres jawata, Ajalon jawata, yajawa saalbim jawata, baitsijane Jose pija buo-pijiwajabitsau taika pe-itorobinejja peto nakuenabinejjatsi piakuene zaüjawa. ³⁶ Pe-ewetsi tajjunae Amorreos monae panajitsia petsutojjumajji jawa Acrabim Verna Sela jawata, ibo jumatsutomarata.