Capítulo 36
1
Pamonae pijinia Esaú pejji (bajara pakuenia wunujonatsi Edom).
2
Esaú cananeo wiria wita piejawa nejja pita. Powabeje piejawa bajara ponu: Ada wunuwa Elón pejjunatoyo hititanu, Aholibama wunuwa Aná pejjunatoyo, Zibeón pemomoyo heveonu,
3
yajawa Basemat, Ismael pejjunatoyo, Nebaiot pejuyapijiwa.
4
Ada to naejjanatsi Elifaz pejjunato Esaü, yajawa Basemat to wekua naitajutatsi Reuel.
5
Aholibama to wekua naitajutatsi Jeús, a Jalaam, yajawa Coré. Pamonae Esaú pejji peto naejjanaewitsi Canaán ira jawata.
6
Esaú dajjita piejawa jiwi, yajawa pejji pebijiwi, pejji petiriewi, yajawa dajjita pebaru jinonopaewi pieja boo jawata, pieja baka, dajjita pieja dajubi, yajawa dajjita pekobe kowu, pekaetuotsi jawa Canaán ira jawa, taju itsa ira nakua jawabelia wekua nawietanuka pejuyapijinu Jacob.
7
Pakuenia itsi tsipaji bitso pekobe kowu to nawitatsibeje kae kowuta penukaejawa beje to akuenebitsibeje. Penukae ira jawatabeje to akuenebitsi tsipaji baka bitsouto apo to yakaujupaetsi beje.
8
Nejjata Esaú, yaputanetsi Edom kuenia, nukajopa peponaponaenejja Seir jumatsuto nakua jawata.
9
Pamonae to pemomojjitsi Esaú, edomita wiria pieja perujunu pemata kanukaenu Seir jumatsuto jawata pejinonopaewi.
10
Bajara pamonae Esaú pejji: Elifaz pejjunato Ada, Esaú pepitsiwa; Reuel pejjunato Basemat wunu wata, Esaú pepitsiwa.
11
Elifa pejji Temán, Omar, Zefo, Gatam yajawa Quenaz.
12
Timna, Elifaz pepitsiwa juyawa, Esaú pejjunato, to naitajutatsi Amalec. Seikaya pijinia pamonae Ada pemomojji, Esaú pepitsiwa.
13
Pamonae pijinia Reuel pejji: Nahat, Zere, Sama yajawa Miza. Pamonae seikaya Basemat pemojji, Esaú pepetsiwa.
14
Pamonae Aholibama pejji, Esaú pepitsiwa, Aná pejjunatoyota yajawa Zibeón pemomoyo. Powa to wekua naitajutatsi Esaú, Jeús, Jaalam yajawa Coré.
15
Pamonae Esaú pieja wiria to tsanajetarukaetsi: Elifaz pejji, Esaú pejjunato matapijinu: Temán, Omar, Zefo, Quenaz,
16
Coré, Gatam yajawa Amalec. Pamonae pejji tsanajetarukae Elifaz Edom irajawata. Pamonae Ada pemomojji.
17
Pamonae Reuel pieja wiria: Esaú pejjunato: Nahat, Zera, Sama yajawa Miza. Pamonae pieja wiria peto naejjanaewita Reuelta Edom ira jawata. Pamonae pijinia pemomojji Basemat, Esau pepitsiwata.
18
Pamonae pieja wiria Aholibama, Esaú pepitsiwa: Jeús, Jaalam yajawa Coré. Pamonae seikaya pieja wiria Esaú pepitsiwata Aholibama, Aná pejjunatoyo.
19
Pamonae pejji Esaú, yajawa pamonae pieja wiria tsanajetarukae.
20
Pamonae pejji Seir horeonu, ira jawata pejinonopaewi: Lotán, Sobal, Zibeón, Aná,
21
Disón, Ezer yajawa Disán. Pamonae pieja wiria tsanajetarukae horeonu, Seir jawa pejinonopaewi Edom ira jawata.
22
Lotán pejji Hori yajawa Hemam, yajawa Timna pejuyapijiwa kowuwa Lotán.
23
Pamonae pijinia Sobal pejji: Alván, Manahat, Ebal, Sefo yajawa Onam.
24
Pamonae seikaya Zibeón pejji : Aja yajawa Aná. Maponú Aná namatajjuna peataju mera petusato nakuojawata, itsa ewetaponapona burrowi Zibeón pajja pieja dajubi.
25
Pamonae pejji Aná: Disón yajawa Aholibama, pejjunatoyo Aná.
26
Pamonae Disón pejji: Hemdán, Esbán, Itrán yajawa Querán.
27
Pamonae Ezer pejji: Bilhán, Zaaván yajawa Acán.
28
Pamonae pejji Disán: Uz yajawa Arán.
29
Pamonae horeowi pieja wiria tsanajetarukae: Lotán, Sobal, Zibeón, yajawa Aná,
30
Disón, Ezer yajawa Disán: pamonae horeowi pieja wiria, Seir ira jawata pemata kanubenaewi pakuenia to namata ujutatsi ewetanunebena.
31
Pamonae pepokuene ira jjeinaiwi Edom jawata pewujunaiyo itsa abajju israelitawi apo matakanubenaitsi itsa jiwiyo.
32
Bela pejjunato Beor, bajara pa ira kana matajjeina pe ewetsinu Edom jawata, pieja tomara wunu Dinaba.
33
Itsa Bela najjuoba, nejjata Jobab pejjunato Zera panakua Bosra jawa peponaponaenu, kanakopata pe ewetsinejja bajara pa tomara.
34
Itsa Jobab najjuoba, Husam temanita ira pijiwi kanakopata pe matakanukae nejja bajara pa tomara.
35
Itsa Husam najjuoba, Hadad pejjunato Bedad, pe amoneyabinu madianitawi Moab ira jawata, kanakopata bajara pa nakua. Bajara pa tomara pewunu kowumi Avit.
36
Itsa Hadad najjuoba, nejjata Samla pa ira matakanukaenu Masreca kanakopata bajara pa tomara.
37
Itsa Samla najjuoba, nejjata Saúl pa ira matakanukaenu Rehobot mene mujjuneneta ponaponaenu kanakopata bajara pa tomara pe ewetsinejja.
38
Itsa Saúl najjuoba, nejjata Baal Hanán pejjuntao Acbor kanakopata bajara pa tomara.
39
Itsa Baal Hanán pejjunato Acbor, najjuoba, nejjata Hadar kanakopata bajara pa tomara. Pau pewunu bajara pa tomara. Pe pitsiwa pewunu Mehetabel, Matred pejjunatoyo, Mezaab pemomoyo.
40
Pamonae Esaú pieja wiria pemomojji tsanajetarubenae pematakanubenaewi, kanamatajjeina pieja wiria kanakuijitsia yajawa pieja nakua kanakuijitsia, pe wunu kanakuijitsia: Timna, Alwa, Jetet,
41
Aholibama, Ela, Pinón,
42
Quenaz, Temán, Mibsar,
43
Magdiel yajawa Iram. Pa wiria pematakanubenaewi Edom ira jawata, pieja tomara kanakuijitsia ira najjeinayaba. Esaú pijinia, edomitawi pieja petirtonüyo.