¹ Sara pona pona ciento veintisiete pa weibeje. Pamatakabibeje asou tsaponaponae Sara. ² Sara tüpa Quiriat Arba jawata, ma jjua, Hebrón, Canaán ira jawata. Abraham najama tabu jjeina yajawa wu nua Sara. ³ Nejjata Abraham naetapuna yajawa buota petüpaewa piejawa kowuwa, nejjata baru kueikueujei Het pejji, jumeitsi: ⁴ "Jjanu itsa ira nakua werena ta ponaenu pajjamu jawata ponaponjü. Itsieta, pane rajure ira jjanu nejja ta mutjutsinejja pajjamu jawata, pakuenia jjanu mutjutsienajü taneto tüpaewa." ⁵ Het, pejji jume pitatsi Abraham, pakuenia: ⁶ "Panejumetaema, pataja tujjanenu. Jjamu Diioso peka itapetsinu pajjanu jawata. Mutjure pekato najjuobiwa pejjania mutjujawata itapetsia. Itsa jiwiyo pajjanu jawata apo ka wekua asíwa tsane mitju, baja ra pakuenia jjamu mutjutsiename pekato najjuobina. ⁷ Abraham nountapuna nejjata nawu buotabreka ira oejjeinaewita, Het pejjita. ⁸ Pon baru kueikueijei bajara pamonae, jumeitsi: "Itsa pajjamu kae kuene pana jamatabu jjeiname jjanu ta mutjutsinejja taneto najjuibiwa, nejjata pane jumetaema yajawa pa baru kuei kuei jamure Efrónta, Zohar pejjünato, jjanu nejja. ⁹ Paneto wajukare tane kanajatsinejja Macpela mutju, tsipaji piejawa, yajawa kopia rureka pieja ira jawata. Dajjita matamo wunujonaena, pa kopatsiename tane kanajetsi nejja jiwi itabunejewa be pe mutjutsi ira nejja." ¹⁰ Akonojjae Efrón eka Het pejji jawata, yajawa AEfrón hititanu jume pita Abraham pejumetae kuijinae Het pejji, peponaewilia pieja tomara boupa yabelia, jumeitsilia: ¹¹ "Jume, taja tujjanenu, nejumetaema. Jjanu ka rajutsienatsi ira, yajawa ibo waju bajara jota namata jjunaename. Rajutsienajü taja tomara pe itabunejewa. Rajutsienajü pe mutjutsinejja peto najjuibiwatsi." ¹² Nejjata Abraham nawu buoreka bajara pa ira pijiwi jawalia. ¹³ Ponu baru kueukueujei Efrón pejumetae nejjatsi bajara pa ira pijiwi, jumeitsi: "Itsa jamatabu itsimu, nejumetaema. Jjanu kamata motsienatsi pa ira. Newekua pire bajara pa matamo, nejjata jjanu mutjutsienajü tane wekua tupaewa bajara jota." ¹⁴ Efrón jume pita Abraham, jumeitsi: ¹⁵ "Itsieta, taja tujjanenu, nejume taema. Bajara pa ira mujjupa pe matamo cuatrocientos ponubeje palata, ¿apo nakato ayeikuene wajjeitsibeje? Mutjure pekato najjuobiwa." ¹⁶ Abraham jume yeyatane Efrón yajawa Abraham to matamo koujuta Efrón nejja pe amoneyabi palata pekuenia jumetane Het pejji jawalia, cuatrocientos ponubeje palata, pekuenia to matamo koujuta pe kanajetsiwi. ¹⁷ nejjata Efrón pieja ira mujjupa, Macpela nakuota komuota, Mamre ira imojjoyota, ma jjua, pa irareka, ibo waju pe jjeinajawa, yajawa dajjita nae bakabo bajara pa irata pe nubenae bakabo yajawa dajjita pe kopia werewerekae bakaboreka, najje inayaba ¹⁸ Abraham, Het pejji peitabuta komuota, dajjita taenubenatsi peponaewi bajara pa tomara jawalia. ¹⁹ Bajara jjua kuijinae, Abraham Sara mutjuta piejawa Macpela ibo wajuta, Mamre ira imojjoyoreka, ma jjua, Hebrón, Canaán ira jawata. ²⁰ Nejjata ira yajawa mutju jawanu Abraham to nakopatatsi pekomuotsijjae Het pejjita pe mutjukaenejja.