¹ Bajara jjua pe panepae kuijinae Dioso jamatabü kuijiru ujuba Abraham. Ponü jumastsi ponü jawalia: " ¡Abraham!" Abraham jumetsi, "Jota nukajü." ² nejjata Dioso jumetsi: "pire nejjunato, pekato kaenü nejjunato, ne jitsipaenu, Isaac, yajawa ponae Moriah irajawalia. Bajara jota be ofrenda kuijiru rajutsiename tajuitsiename bajara pa jumatsuto jawata, jjanu ka jumeitsitsanetsi." ³ Nejjata Abraham pitsapa bajayakunua, pe ekaenejjaya juma jjatatajjuoba burro, yajawa junata anijanubeje pebi pewujuotobeje pepuyentsineija bajara ponü, yajawa pejjunato Isaac. 150 ukubapenta pe tajuitsinejja ofrenda, nejjata tajjujjuoba pe ponaenejja pa nakua Dioso jumeitsitsi. ⁴ Akueya matakabita ( 3 dias ) Abraham itabojjo taetaba yajawa tane nakua tajutalia. ⁵ Abraham jumetsi najua nubeje pe wujuoto pebibeje: "Jota pa nukarebeje burro pa baru nukarebeje, yajawa jjanu yajawa tsikiri nüyo betsia pa ponaenanajübeje. pajjanubeje pa jitsipaeniejübeje yajawa pa nawietsienikajübeje pajjamuta" ⁶ Nejjata Abraham pita 150 naenu petajuitsitsinejja ofrenda yajawa jebaya Isaac pe jjunato pewutakarata. pita pe kobeta pe tajuitsinejja yajawa kusiupa; yajawa najua naropotajjuobabeje. ⁷ Isaac baru kueikuejei Abraham pajja yajawa jumeitsi: "Taja ajja," yajawa ponu jumeitsi: "Taema, kaponatsibeje waja tajuitsinejja yajawa Isonae, ¿ itsieta dejota nuka corderonu pe tajuitsinejja ofrenda.?" ⁸ Abraham jumeitsi: "Dioso naka rajutsiena corderonu ofrenda waja tajuitsinejja, tajjunato," nejjata bajara pajiwibeje ponabeje, najua jiwibeje. ⁹ Itsa bajara pajiwibeje patanukaponabeje pa nakua Dioso tsi tajutatsi ponu, Abraham nakuenebanuta altar bajara jota yajawa yebaya Iso nae pe juma wereka ponu. Nejjata küta pejjjunato Isaac, yajawa botajjuobaya altar jawatsia, Iso nae juma wereka. ¹⁰ Abraham nakobe yotabaya yajawa kusiupa pe beyajjuobinejja pejjunato. ¹¹ Nejjata PETUJJANENU pieja agelnu junata jjuobaitabojjo wetsika yajawa jjumeitsi: "Jota nukajü." ¹² ponu jumeitsi : "putsa nakobe nutabe pewajji nuta jawata. yajawa Itsa kuijiruobijitsipame, tsipaji akonojjae yaputanejjü ne yeyataejawamu Dioso, tanejü apo watabimu nejjunato,nejjunato kaenu jjanu jawarena." ¹³ Abraham naunkotaba yajawa taenaba, pepunu werena bajara ponu carnero nuka pe matae arabanukaenutsi pe majjurana nawitsija naeta. Abraham najetabalia nejjata carneronnu pita yajawa rajuta ofrenda kuenia tajuita pejjunato pe kowuta, ¹⁴ Abraham nejjata wunu ruta bajara pa tajjunae, "petujjanenu waja naka rajutsinu;" Yarawa pamatakabi jebi pa jume, "pajuma tsutota PETUJJANENU, waja namata wenonaejawa naka rajutsiena." ¹⁵ PETUJJANENU pieja ángel junata Abraham najuoto kuijinaebeje atjubuwetsika. ¹⁶ Nejjata jumeitsi: "PETUJJANENU pieja jumetsika: "Jjanu nejja taja kuota najumeitsinu tsipaji ma jjua itsimu, yajawapo newekua asiwamu nejjunato, kaenu nejjunato, ¹⁷ Jjanu pepokuene ka rajutsienatsi jjamu yajawa Jjanu ayeikueneta kato nawitsi ejjanaenatsi nemomojji be athubu pijilutupu pakuenia nawita, manua mene itapaya, itsitsane; Yajawa nemomojji najjeinayabiena pewajabitsoutsiwi pieja boupanu. ¹⁸ Jjamu nemomojji jamatabukuenia dajjita nakua pijiwi ira jawata pejjania kuene na rajutsiena, tsipaji jjamu nejume yeyataneme taja jume." ¹⁹ Nejjata Abraham nawieta pieja jiwitonubeje jawabelia,yajawa bajara pamonae dajjitayo nawieba Beeseba jawabelia, nejjata ponu ponapona Beeseba jawata. ²⁰ Bajara jjua kujinae pe jumaitsi jawatsi Abraham jumeitsitsi:" Milca pejji jjeina, yajawa nejuyapijinu Nacorta." ²¹ Uz matapijinu, Buz yuyanu, Quemuel pajja Aram, ²² Quesed, Hazo, Pldas, Jidaf y Btuel. ²³ Betuel pajja kowunu Rebeca. Nejjata pamonae Ocho pajiwibeje Milca to jjeina Nacor Abraham pejuyapijinu jawalia. ²⁴ Itsawata, bajara powa pewunu Reuma, yajawa to jjeina pejji,Teba,Gaham,Tahas y Maaca.