¹ Aekonojjae, ma jjua itsimütsane netsatsi nejja jjanü nejja jamatejema tane ewetsinejja petujjane nünü kuenia. papire toro pejananü najuanübeje carnero pe jjanepanai nübeje, ² panbüanü torta jawanü lebadura apo pejjainae jawa nejjata aceite ranüta pamata jürüabare.yajawa, papire obleas lebadura apo pe jjainae jawa aceite ayeijawa pejjainae jawa. pa itsimüre obleas jawanü yajawa harina trigo jawa petitiwi jawa. ³ kae canasta jawata jename, canasto jawata kaponaename netsitajütsi nejja toro yajawa bajara pakuenia najua carnero beje. ⁴ tsitajütsianame Aaron jawabelia pejji yajawa baupa itapa jawata pabo jawata nakae tuana biaba.matawaename Aaron pejji yajawa. ⁵ Too kaponaename pija ese nejuma jjatatsinejja Aaron piapia pana jawata, efot falda, efot pe mipa nejja, pejjania kuenia janebaja najjaniawaeta. ⁶ Matakütsianame pepana jjuakujinae corona pejjania kuene jawa namata jjata tsianame nemata kütsi jawa wetsika pepana. ⁷ JJua kujinae pitsianame aceitera netsimata epanae nejja, bajara pakuenia rabaja nayapütaena penatsimata epanaenü kuene. ⁸ barü ponaename pejji nejuma jjatabinejja piapia esetonü bajara pamonae jawata. ⁹ Juma jjatabianame Aaron pejji yajawa kae panajji tsimata rubianame. Bajara pamone tsina kopa bienatsi bajara jjua dajjita matakabi ma pakueniaje, jjane panae ejjananaenaeme Aaron pejjiyajawa nejjata bajara pamonei neto nakuene bijjitsia. ¹⁰ Toro kaponaename ne imojjoyotsi ejjanaenejja pabo jawata nakae tuana biaba, Aaron pejji yajawa nakobe jebiana bajara ponü pemata bokoto jawata. ¹¹ Beya jjuabianame dajubi ta-itabü nejewa, jjanü Dioso, penakae tuanae boo pija boupa ita pata. ¹² Pitsianame dajubi pijana yajünüwü nejjata kaikikaename pe mata-eto altar nekobe sitota, nejjata nua tsikabianame peya jüwünü nakopatsi janarata petabu topa jawareka altar. ¹³ Pitsianame dajjita penasitsi jjua karanü barü bena pekotsoro, pire pejapato penasitsi janebaja najua japato beje yajawa; tsakiapare dajjita altar jumata. ¹⁴ Beitsijane vacanü pewi yabara, bajara pakuenia pe perabuto petasi yajawa, jjuanü tajuitsianame sajinaeya wekua campamento. Ma rajjuaje pabijia kuene yabara tsane pa ofrendaje. ¹⁵ Bajara pakuenia pitsianame oveja pebito nejjata Aaron pejji yajawa nakobe jebiana oveja pebito pemata bokoto jawata. ¹⁶ Beya jjuabianame nua oveja pebito, jjua kujinae pitsianame pejana nejjata tsikabianame dajjita altarjawa. ¹⁷ Kauku bianame nua carneronüpetupajji kuenia, kiatsiana büpünüa piajawanu petajjuanü yajawa, napitsiana büpünüa piajawa pekaukubijawánü pemata bokoto yajawa, nejjata buare. ¹⁸ Altar jawata. jjuakujinae tajuyire carnero dajjitanü. jjanünejja bajara pa ofrenda netó tsakiapaina, Diosonü. pejjania tujjujjuwi jawa jjanü nejja Tsane; nejjata jjanü nejja tsane bajara pa ofrenda peta juitsi jawa. ¹⁹ Nejjata, pitsianame itsa carneronü Aarón pejji yajawa pitsianame nejjata pana kobe jebianame carneronü pemata bokoto jawata. ²⁰ Jjuakujinai peyajjuabianame carneronü tsikiri pejana rayoo yajüwünü pitsianame. Aarón tsimujjuyoro rure pekuja mujjuyoroto jawabélia, pekuja mujjuyoroto jawabélia baja rá pekuenia pejji, pekuja kobe sito jawabélia baja ra pakuenia pekuja tajju wusito jawabélia, jjuakujinae pejana tsikabianeme altar pe mujjunene jawa. ²¹ Pitsianame tsikiri pejana rayo baja rá pakuenia tsikiri aceiterayo altarjata peyajüwünü nako patsi rabeje penatsimata epanaenejja baja rá pakuenia pena tsikabi nejja dajjita Aarón jawabelia, pija ese pejji pija ese yaja, Aarón pena tsatsinejja Dioso too. ²² Pitsianame ata nüa carneronü penasitsi, pebosoto penasitsi, penasitsi jjua yakaranüta pekotsoro, peyá karanatsija pejapato, najuja pemara ütjütobeje penasitsi pekuja tabusipa janebaja, nejjata jjua jjane panaje jjanü nnejja ²³ Pitsianame tsikirri pérriyo peyajawa tsapakae jawa aceiteta pena tsapakaejawa mulujui apo pe jjainaejawa, jjanü ta itabü nejewa, Dioso nünü. ²⁴ Jjuanü tsikobe rubianame Aarón pejji yajawa baja ra jjua tsapamaema ta itabü nejewa bee ofrenda kuenia Dioso pitabü nejewa. ²⁵ Jjuakujinae pejjaejawa ofenda yajawa tajuitsianame. Májjuaje jjane panaenaje ta itabü nejewaje; nejjata mapa ofrendaje jjanewaitsia natsakiapa jjanü nejjaje. ²⁶ Aarón pija carneronü pemipa wito pitsianame juma tejema penarajutsinejja baja rá pakuenia waetabejitsia bee ofrenda kuenia jjua pena jüatsijawa Dioso pitabü nejewa nejjata ma jjuaje nija kueneje. ²⁷ Tsatsianame jjanü nejja pemipa wito ofrenda jawa jjua natsapaka petabusipa yajawa sacerdotewi piajawa,pemipa wito jjua natsapaka petabusipa jawanü jjua Aarón piajawa pejji yajawa. ²⁸ Maa pawi jawánüje Israelitawi pena rajütsijawa Aarón pejji yajawa tsabiabi tsane baja ra pakuenia pija monae bewelia kuene ofenda pena kaetunejawa pejamatabü kuene, maa pa ofrendaje Israelwi pita petsiwi nejja, ofrenda jjanünejja naitajüta, jjanü Dioso. ²⁹ júa Aarón pija santo eseto yajawa petó nakopatsinejjatsi pija monae. baja rá pamonae natsimata epakaena baja rá pamonae jawábelia nejjata jjanü ta itorobijjae baja ra pamonae jawábelia. J ³⁰ Ponü peyanakua ewetsinü najjainayaba pejji petwatuajüta, ponü joneyabiaba penakaituanai boojawabelia taneto nakuenebinejja jjanü pepo peyaiyatae boojawata, bja nejjata kaponaena. ³¹ Pitsianamenua carneronü pekobé wekua peyanakua ewetsiwi jjanü nejja nejjata jjorápainame pepo-peyaiyatae irajawata. ³² Aarón pejji yajawa barüjjaina carneronü pewi panbüyajawa jjuaboka canastajawata penakaituanai boo itapata. ³³ Baja rá pamonae rabaja jjaina pewitonü pan yajawa jjuabaja narajüta pena jjanetsinejja jjane panajitsia, nejjata jjanünejja penatsatsinejja. Itsajiwiyo-ata baja apo jjaitsane baja ra pape jjaejawa, tsipaji jjaniawaitsiakuenia neto taena jjanünejja, jjanü tajamatabü kueneta naejjana. ³⁴ Nejjata itsajjua yajawünü nakopa itsamatakabi jawabelia, nejjata tsakiapainame apo bepa jjaimü, tsipaji jjanü nejja saikaya netó ita peta. ³⁵ Mapakueniaje, itsimütsane dajjita, barü kuikuijamütsane Aarón pejjji yajawa. Siete (7) pamatakabibeje kuenia jjaniawaitsianame. ³⁶ Kaimatakabi kanakujitsia rajutsianame kaenü toro ofrenda nejja pabisia kuene yabara. Baja rá pomüta altat jjaniawaitsianame, nejjata ungiebiename baja ra ponü jjanünejja. ³⁷ Siete (7) pamatakabibeje kuenia tookiatsianame Dioso pija altar baja rá ponü nejja. Juakujinai dajjita altarjawa netó tsatsiana jjanünejja. Itsakuene jawayo itsajaita altarjawa Dioso nejja toonatsatsiana. ³⁸ Koponaename baja ra pakuenia altar jawata nebuatsinejja, kaimatabi kanakkujitsia, najuanübeje cordero kaiwi pejjainaenübeje. ³⁹ Itsa corderonü peyajjuabianame bajayakua bara rá pakuenia itsa corderonü kaniwiyo. ⁴⁰ Kopiaya pija corderonüta, tsitaüjüre harinabeno pénamta jürüatsijawa aceitera olivojawa baja rá pakuenia vinojawa ofrendakuenia piapainéjja. ⁴¹ Üpane tsitajütsinejja pekoto kaewinü cordero kaniwiyo jawa. Üpane tsitajütsinejja baja ra pajjü saya baja jjua patsiitaüjübame bajaya kunua epatota baja rá pakuenia pijapaijawa ofrenda. Nejjata jjua jjainaenaje pejjania tujju jjanünejja; nejjata maa pa ofrendaje isotota pepitsapaejawa. ⁴² Maa pa ofrenda jawánüje natajuitsianaje dajjita matakabi jiwi yabara. Üpane itsinejja pabota nakaituanabiaba pija baupa itapata jjanü ta itabünejewa, jjanü Dioso, itsajóta najuanubenainatsi pata kabarü kuikuijainejja. ⁴³ Baja rá jota rabaja barünu kaenajü Israelitawi, paboo jawata jjanünejja netoo tsata tasaüyabara pejamatabükuene. ⁴⁴ Jjanüra tsatsianajü baja rá paboo wekua baja ra pakuenia altarjua jjanü kaenünü tabarünukaewi nejja. Baja rá pakuenia tsatsianajü Aarón pejjiyajawa tanetoo nakuenebinejja peyánakua-ewetsinüanü kuenia. ⁴⁵ Jjanü ponaponaenajü Israelmonae tuatuajüta nejjata pija Diosonünü. ⁴⁶ Baja rá pamonae yapütaena jjanü peponünü-kuenia, pija Diosonü, ponü jutatsi Egipto irawekua jumatejema jjanü taponaponaenejja baja rá pamonae tuatuajüta jjanürabaja petújjanenünü, penija Diosonü.