¹ Junare nemata pijinü Aarón peji yájawa Nadab, Abiú, Eleazar, Itamar ata, Israelita monae nejjata, bé sacerdote monae tajjainae nejja. ² Tó nakuene bianame nemata pijinü Aarón penajjatabi jawanü saikaya arponü nejja apo. Ma-papenajjatabi jawanü penayapü taé nejja pitorrobinü kuene. ³ Barrü kuaikuijame tsane pejamabü ütüto wetsina peyapütaewi, pamonae baja tarrajutsiwi espíritu peyapü táejawa, baja rá pamonae jama tejema penakuenebi nejja penajjatabi jawa Aarón patsatsia námenua jjanü tane tó nakuenebi nejja sacerdotenü kuenia. ⁴ Pape najjatabi baja ra pamonae jorrokaena pakuenia tsaneje, pena mata kütsi pana, pejjuma epato jawa welia pitabütsi jawa, pia majjü jibi jawa nawa, penajuma jjatatsi jawa piamajji jibi jawa, penatsi mata buatsi, pena epa kütsi jawa. Baja rá pamonae nakuene majjuanü pape najjatabi jawanü saikaya baja rá ponü mata nejja . Ma jjuanü pijinü nejja Aarón pejji yajawa tane yawenonaw nejja sacerdotewi kuenia. ⁵ Pejorrokaewi peyakue yakué kae itafakae jawanü, oro jawanü jawa, pesaü naejawa, petsobia paba náejawa, petsobiajawa be pejana. ⁶ Pena juma epa itabütsi jawa orota paitabü tsianame, pena saü nae jawata, petsobia paba naejawa, petsobia lana, peyakue kae pana pekiobi jawa. Tania waetsia pejorrokaenü payapütae jiwiyo. ⁷ Jjainaena najua pekiobi maütobeje pewü takarta werreka pekopia matatuta. ⁸ Pena epa kütsi jawa pekué jawa bé pénajuma epa itabütsi jawa, piupi jawa jjita tsane, oro jawáta tsane, pesaü naéjawa petsobia pabanáe jawa petsobia jawatsa be pejana. ⁹ Pitsianame anija ibotoyó beje pebine binenae ibotoyo beje kae ibotoyo kanakuijitsia doce pawünü Israel pejji kuenia. ¹⁰ Seis pawünü rubianame kae ibotota, itsa seis pawünü beje itsa ibotota, rubianame kaenü kana kuijitsia pakuenia naítajüta pona Israel pejji. ¹¹ Pita büta biabinü iboto jjita wünü ruba ponaena ibo jumawelia, nakobe kamü yapütaejitsia wünü rubiana pejuma wwlia jania ibotobeje pepünü welia doce pape wüntabeje Israel pejje . ¹² Nekué júma werrena wunü rubianame oro jawata. Nekiobi maütota jatatsianame najuá ibotoyobeje nekofiá matatu werrena perrukáe monaebo beje pena juma epa itabütsijawa penajamatabüná pitsi nejja Israel pejji. Aarón kaponaena pekofiá matatuta pewünüanü Diosonü jawabelia najamatabüná pita bíbijiatsia baja rá ponü. ¹³ Oro pesibi jawa. ¹⁴ Kiobianame bé pemonáebo oro maütota, küsiáname pemonaebo newertsi jawa. ¹⁵ Nakuene biana pena mipabi jjatatsi jawa pe-jé jái kuene penayápü tae ejjanáejawa, majjuá nakuene biaba peyápütanüje, bé pena juma epa karranatsi jawa. Nakuene biáname orojawata, penasaü naejawata, pepabanáe jawata peputa putanáe tsobia jawata pita fákae pana lino. ¹⁶ Epa patsunae name upi namatá jupaya janiaja epatobeje kuenia, kae kuarta kuenia 4 paupi beje mamatá jupaya. ¹⁷ Rubiáname 4pakorrobo yóbeje nesibi jawa penamatá motsi jawanü, Penamata jjainae bürtoyota rutsianame rubí ibótoyo, topacio ibótoyo, esmeralda ibotoyo. ¹⁸ Pena püna rukae korboyó jawata rukaena turquesa ibotoyo, zafiro ibotoyó pü karrutsiana diamante ibotoyó. ¹⁹ Akueyabi pakorroboyó jawata rutsiáname jacinto ibotoyó, ágata ibotoyó, pü karrutsianame amatista ibotoyo. ²⁰ Napüna kobesitoyó beje kuijinae pa korroboyó berilo ibotoyó, ónice ibotoyó jaspe ibotoyó nekué juma jawata oro maüto jjita. ²¹ Ibotojji raja rubenaena jjania waetsia pakuenia doce pawünübeje rubena Israel pejji, dajjita jjaniawaetsia pakuenia wünü ruba. Pajjata bíaname pá-yájawa katsatsianame penayápü taenejja kae wünü kana kuijitsia pá-docepawirriá beje. ²² To nakuene biana pemipabü welia perrukaejawa nekue maütoyo, pekapi tsabi maüto ü órota. ²³ Jjaináena anijja oro anillobeje penami pabü jjatatsi jawata najua upi neniabeje. ²⁴ Jjasitarrebeje kae upinenia najuá oro maütobeje pena mipabü jjatatsijawa. ²⁵ Upi kütsianame najuá oro maütobeje kae wojoto kana kuijitsia. Nejjata, tó katsá tsianámebeje pekofiá matatú werreka penajuma epa jjatatsi jawawelia. ²⁶ Nakuene bianame najuá oro anillobeje, rutsianame najua upineniabeje pena mipabüjjatatsi jáwata jota jjua piupi werrewerré kaejawata büpünüa perra kae jawa. ²⁷ Nakuene bíaname najuá anillobeje matawiyüá pesai kae yéniwa, rutsiáname pebüjjü pánayo pewü takarra jawarreka pitbarra welia jota jórro narruta pemata tsünü wérreka pena epa kütsi jawa pemüto pena epa karranatsi jawá. ²⁸ Kütsiá namebeje penami pabü jawa welia perrkáe jawa kapi tsatsiáname anillo jawátabeje pena saünae maütota, jama tejemá jorronaejitsiamü pena epa kütsi maütota, ma jjuaje pé-isi isikae yeniwa pemi pabü welia perrukáe jawa pena epa jjatatsi jawa wekua. ²⁹ Pakuijináe joneya peyei tae boyalia, wïnü kanuka ponáena pewünü pejji Israel pijamatabü ütütota pemi pabü welia perrukae jawata petó jé jaijjae, jamatabüná pónaponae jitsia pitabarrá welia Diosonü. ³⁰ Nawü rutsiana Urim, Tumim juma werreka pemipabü nayapü tajitsia pe-jé-jaikuene, jamatabüná pitijitsia Aarón pakuijinae nuka pewajü náya Diosonü. Tsipaji kajena Aarón kapóna biá biana jjua pe-je- jaijawa penayápü tae ponae nejja Israel piajiwi pijamatabü ütútota pitabarra welia Diosonü. ³¹ Pena juna epa karranatsi jawa nakuene bianame petsobia panae jawata. ³² Tutújuta wojo rutsiáname jamajena nawüsi jjatatijitsia, petoyorro rókae wojoto tsane wü jorropakaena eti titikae yeniwa Ponü jjania waetsia pejorrokaenü. ³³ Pekopia tabú werre werrekae jawa, ütabü tsianame be pekuito nüta pena saünae petainba bétainbajéjawa pepabanae panajjita petsobia putato jjita mata toyortsia. ³⁴ Jjainaena campanajji be bijiata petsanae nivenivenaejawa dajjita pena jjatabi nawanü jawá tsiteka jjainae campajji petsaunae nive nive naejawa büjjita penajumetsi bujji jáwa arpakuenia tsaponae tsane, matá tovortsia Pekopia tabú tarreka pena jjatatsijáwa. ³⁵ Aarón najjatatsiana pakuijina najamatabü jjania waeta ponapona, pakuijina najumeta dume taejitsia pakuijina joneya peyei tae boyália pitabarra welia Diosonü nayapü taejitsia pakujinae pitsa parrena. o naya putaejitsia itsa tüpa. ³⁶ Nakuene bianame ü oropana baja jota wunü rubinejja pejuma welia pakuenia wünü rubapona pena kuenebi jawá. Diosnü nejja. ³⁷ Katsa tsianame ma papepayo oro pana pena mata kütsi panata penasaünae maütota pita barráwelia. ³⁸ Natsapa rutsiana pitapa taito welia Aarón, bajará ponü kaponaena itsanü ata penekoni jjua pekaponae jawa perrajutsi nejja peto itapetsi jawa Israelita monae Diosonü nejja pena mata kütsi pana kapóna biabiana pemata bókotota nejja jamate jema pita biabijitsia panetó kaponaejawa Diosonü. ³⁹ Piapiájawa pena jjatatsi jawa pena támotsi lino panta pirri pabü welia perrukae jawa penamatamotsi lino panata tsane. pijinenia penamáta kütsi pána to matatitua kuena peyapütaenu pe kuejawa. ⁴⁰ Pejji nejja Aarón pató jorrokaé name piapia jawa, penaepa kübi jawanü, cinta pesojai panajji pena yapü taenejja pena itabütsi kapitsapáe nejja. ⁴¹ Jjamü baja rá pakuenia nemata pijinü Aarón jjataba ponaponae name, pejji yajawa. Bajará pamonae mata kaiki káename, nuba ponáename netó ita petsianame jjanü nejja, jama téjema sacerdotewi kuenia taneto tsi nejja nejja. ⁴² Pato nakuene bianame pena jjatabi jawanü baja ra tabusa penuka ponae yeniwa. pepato jawalia kujinae naka ranatsiana upi kopia patsiana pé taüto jawalia. ⁴³ Kaenü saya baja barrü najjataba biabiana Aarón pejji yajawa pakuijinae penae penakae tuata biabi bota barrü nakae tuata o pakuijinae joneya Diosonü piaja boyalia itsa barrü kuai kuijai jitsia Diosunü Ma jjuaje itsaneje penané konitsi yeniwa, apo itsa itsane nejjata tüpane konitsi yeniwa, apo itsa itsane nejjata tüpáena. Ma jjua baja maje kapane paya najume kapánepa ajena kuijinae merrawia kuijinae dajjita matakabi nejja Aarón nejja pejji kuijinae belia ajurribia pamonae naitajuta pona.