¹ Akonojjae, 12 pajúamento, Adar pia juramento 13 pamata kábita, pena jume yéi táe ejjanáe jumé reinü pena jume kayajátsi kuijinae imojjóyo tsáponae penájume kowüntsí ejjanáe nejja, pakuijinae petsi majjü ponaewitsi Judio-wi najamatabü ruta ü piamonétabi nejja piaja wajabitsaü itorroba wánapa pájitsia pakuenía bajayata. Judio-wi saü amoné yaba piá táe jitsibiwi witsi baja rá pamónae. ² Judíowi nakae tonarraji yájawa, tsinajjü poná jitsa pamonae atiabatsi pewerretsi nejjatsi. Kaenü ata apo maya matamotsi baja rá pamonae tsipaji baja káejena dajjita tomarranü nayai tae ejjana. ³ Dajjita wajabitsaü pitórrobiwi tomara jjiya, pitórrobiwi tomarrajji, pitórrobiwi péwetsiwi rey piajiwi, yawenana Judío-wi tsipaji yeítane Mardoqueo baja rá pamónae. ⁴ Mardoqueo pewünü juní-nü tsapóna ponae rey bójawata, pewünü juní jawa dajjita wünü kaponatsí dajjita tomara jawajjiya, Mardoqueo wünüjoné pona bitsó dajjita jawá. ⁵ Judio-wi bía petsí majjü ponáewitsi espadata, beyéjeba títi-baba béyejeba pakuenía saya jitsipa pamónae petsi majjü ponáe witsi. ^{10 6} Penaya karrana tekae tomarra Susa tutuju jawalía, Judío-wi namajjü wánita beyéjeba 500 ponübeje. ⁷ Baja rá pamónae beyajjüaba parsandata, Dalfón Aspata. ⁸ Porata, Adalía, Aridata. Parmasta, Arisai, Aridai Vaizata. lo ⁹ papejjünto Amán pejjünato amedata, piaja wajabi tsaünü Judío mónae. Nejjata baja rá pamonae apo kaponae peyabara bé-jawa. ¹¹ Baja rá pá-mata kabitalia werrebaba Susa jawata, penayá pü karratekae tomara, rey jawabelia baja paeba pé-werretsi kuene. ¹² Rey tsipaeba Ester reinawá jawábelia: 500 pá-pebibeje beya jjuaba judío-wi namajjü wanita Susa tomarrata, baja ra jota na-yajawá beyajjuabatsi pejji Amán 10 ponü beje. ¿ká nejjata itsi itsa tomarrají reinü pejjaí náejawa? Akonojjae, ¿dejjuá jjamü namatá-wenonamé? jjamü ra karrajutsiana. ¿nejjata dejjua jittsípame? jjamü rabaja karrajutsiana. ¹³ "Ester júme kanawiata": pakunia jjamü jumaí tsímü, itsa jjamü jumai tsimü pá-judio-wi nákopata Susa jawatalia jjua jumaitsimü merrawía tsame, itsa jumaitsi-mü petü paewi pejji Amán parrü biánikajü. ¹⁴ Rey baja ra pakuenia itorroba pitsi nejja. Susa jaata nakuíjirrü itajüta jjua jumatsí. Rubí katsí 10ponübeje Amán pejji. ¹⁵ Susa jawata pena kopabí nüjji nakáe tuata 14mátakabi Adar juametota, béya jjuaba ikatsia 300pá-pebije susa jawata pena kopábiwi, itsiata batsi jane apo káponae pekobe kowü jawanü. ¹⁶ Pena kopabi nüjji rey piaja tomara jjijawa nakae tuata nejjata nayá matá motsi nejja apo werretsítsí, yabará jjuabtsi baja pia-wajabitsaü ápo büajái pia waja bitsaü wekua namajj wanita beya jjüaba 7500o ponü beje pekueyawi, itsiata apo notsi pekobe kowü jawanü pena nama támotsi jawa petüpaewi. ¹⁷ Majjua katsia itsi 13 mata kabita Adar juametota, 14 matakabita nakuero kanúbena otopa baja ra pamo namitsa seta nábame wüna barrayá. ¹⁸ Nejjata pá-judío-wi Susa jawata nakae tuata 13pá-matakabi welia kuijinae nakuero kaena oyopa baja rá pá-matakabi namitsa seta nábane wüna bárruya. ¹⁹ Baja rá jjujitsía judio-wi bojjiya pena kópabi-wi, pamonae kana üjüta 14 matakábita Adar juametota baja rá pá-matakabí pena barrüyá tae kuene tane penaná bani matakabi, be penarajuta biabi o pena tó itorrobiabi matakabi pena rajutsi jáwa. ²⁰ Mardoqueo jjuá yakina ponaje tó itorroba biaba peya kináe bájjutonü judio-wi penúbenaewí rey Asuero piaj nakuá jawa, imojjoyo pijiwi tajü penube naewi ata. ²¹ Bitsó itirriba pena kobe jjaniá waetsí nejja 14 matabi ata 15 pá-matakabi jawabelia Adar juametota dajjita matakabi nejja. ²² Bé pitsi mata kabitaje ná-jama-téjema manásima wekua juya pá-juameto bitsó natsinua juya pebarrüya matakabi ejjana piá jamatabübéje matakabi barrüya nábane biaba. Ejjanáena baja rá pá-matakabi penábani nejja pena barruyá tae nejja nató itoroobijitsia pena rajutsi jawanü mata entosia pena rajutsi nejja pijimenía pebijio biwi. ²³ Baja rá pakuenía katsiteka wanapa judio-wi pena barrü taejawa tajju juábiwí. Katsiteka wanapa jjua Mardoqueo tó yakiyartsi. ²⁴ Baja rá pamatakabita, Amán pejjünato hamedata, pekueyanü Judío monae, pebisiá kuene siwá najamatabü jjainatsi pé-werreba bénejja judío-wi, pina bajra rá ponü powe ejjana o naya üjüpa piajibia ejjanae nejja o werrebia bijitsia. ²⁵ Pakwijinae tó patajopa pesiwá najamabü jjainae jawa reinü, baja rá ponü baja itórroba peyakinaé bájjutonü pebisiá kuene pesiwá najamatabü jjainae jáwa Amán pena jamata-bü jjaínae jawamí judío-wi juya baja ponü pemata bakotota bematámota, pejji ata berrubi katsi. ²⁶ Nejja baja rá jjuajitsia wünü ruba suerte baja rá pamatakabi tsipaji pur jai ba ra pamonae baja rá pakuenia peyakinae-jjae baja bájjutota, pania baja tane pamonae pijinenia pakuenía itsitsi baja rá pamonae. ²⁷ Judío monae to jé jai péjana kuene pena kuéneba biabí nejja pakueni tó tutatsi. pakuenia kuja rubatsí ü pitsí wanapae nejja baja pamane, piaja monae tajjita pamonae tsimüjjü bürrü páta najuá matakabi beje kae wai kana kuíjitsia. to nabarruyá ejjanáe jitsipa itsakuenia baja rá pitsí matakabí bé kae kuenía wai kanakuijitsia. ²⁸ Pá-mata kabiabnü eamje ejjana bia bijitsia pakuenia. itsitsi táe biábijitsia kae wirra kanakujitsia, kaebo kanakuijitsia, kae tomarrajji kana kuijitsia tomarajjane tonü kana kuijitsia. pá-judio monaeje piaja monae yájawa apo kopátsi petae biabi nejja yei táe biábiana penayá üjübí mataka bianü, (purim )pena kofüntsí yeniwa. ²⁹ Reinawa Ester, pejjünatoyo Abihail Mardoqueo beje Judíonü yakinabeje petae jjae penaya üjübí jáwa. ³⁰ Peyakinae bájjutonü to itorroba dajjita judíomonae pá 121 tomarrayó beje jjaina rey Asuero, penaya pütae nejja pejjanía jaí jawa jjania jái yapütanetsi ³¹ peyá naüjübi matakabi pakujinae nejja tó ruta ponatsí, pakunía Mardoqueo judíonü Ester reinawa itorroba judíowi ápo jitsipae ata judiowi jé jai ápo tsita jjanepanáe atatsi baja pamonae nejja pejji monae yájawa tabü jjainae matakabí. ³² Ester pitorribi jawa apo jjume najjurabi jjuabeje penayá üjübi jawa yakina pitayaü bájjuto jawabelia najume buatijisia.