¹ Filisteovi afectalia pija wajabütsaü barü nakaetuafa; juya Israelitavi nayatajjunaeta pe navotsimeneyo javata Jezreel imojjoyo javata. ² Filisteo pemata kaponaeitsi natsana kae cien pajivibeje tsaponae bajaapakuema mil pajibeje tsaponae; Davis pijajivi Aquis pija wajabütsaüta kotokaevavia nubena. ³ Neejjatu Filisteovi pemata kaponaevitsi jumaitsi, "¿Dejjua ejjananubena ma jotaje Hebreomonae?"¿Aquis jamaitsi itsa pemata kaponaevitsi Filisteovi; Ma ponüje apo Davidje, Saúl pija pianinije, Israel peyaanakua ira evetsinü, ponü jjanüta pamatakabi javaalia ponaponaje, kae kuenia ma pa vaijebije, jjanü itsakuene neekoni apo to taenú pamatabi jjanu javauberena pata? ⁴ Baitsi jane itsiata Filisteovi pemata kaponaevi bajaraaponü baraa anaepanatsi, bajaraapamona jjumaitsitsi: "Bajaraaponü ponae ajjanare, naviatijitsialia patajjunae jjamü rajutame; pütsa kopatame waja naka pünaponaejava itsa belia barünabe jitsiatsi, belia najamatabü pünüyoysipa waja kuejenü tsipiae waja barü nabeejava. Itsajjujitsia ¿De pakuenia jane jamatabü liviasi pjapjanae jitsipa pija taujjanenü javaabelia? ¿Belia meta tsipae waja jivi pemata bokotoonüta javata? ⁵ ¿Ma ponüje apo Davidje, pewünü kanajjüanaenütsi, kaejivi kanakujitsi jirejireva majumaitsi: "Saul beyejeba miles pajivibeje, juya David diez mil? ⁶ Neejjata Aquis David junata jumaisi David javaabelia, "Pakuenia petuujjanenü asaü, jjamü saya jamatabü jjanepana, jjamü bitso jamatabü jjanepapame, nepitsapae javaabelia bajarapakuenia jonebiabaame pakuejeia pepitsapae neejja wajabü tsaü taitajjutua, pues nu encontre. ⁷ Matapanea manajetarukame, janibaetsia nabiere, jamatabutontame putsa penatabukanu banebi Filisteomonae". ⁸ Daid jumaitsi Aquis javaabeja, "¿Deitsinü jjanü? ¿De jjua taneme nija pianünüta taju veerena kujinae pa matakabi javataje, itsajjujitsia apo be naaponaenü pe nabee javabelia taja tuujjanenü ira nakua evetsinü pija wajabütsai javaabelia?. ⁹ Aquis jame pita David: "Jjanu yapütaniji jjanü javaaberena anekoni jibümü, be Diosos pija angelomü; baitsi jane itsiata, Filisteovi pija tuujjanevi ma jumaitsije: "Bajaraa ponü apo bejunae wajjaitsita pe natsekonaejavaabelia". ¹⁰ Panaükobare bajaikunua nija tuujjanenü yaajava jjamu yaajava pe najetarubenaevi; aajena baja bajaikunua naükotame matakabi taneme, ponare. ¹¹ Neejjata kaajena David bajaikunua naukota, bajaraaponü pijajivi yaajava, bajayakunua pe ponae neejja, Filisteovi pija iraabelia nuviabijitsia. Baitsi itsiata Filisteovi Jezreel javaabetsia ponaya.