¹ Bajaraa pamatabi javaalia Filiteovi pija wajabütsaü nakaetuata Israel pijivi pe barünabeenejja. Aquis jumaitsi David javaabelia, "Pepo jjaniajanü jjamü jjanüta na ponaename wajabütsaüta, jjamü nija peebijivi yaajava". ² David Aquis javaabelia jamaitsi: "Bajarapakuenia naya pütaena jjamü pianinü yapütane pe ajjanaejava". Aquis neejjata jumaitsi David javaabelia, "Neejjata dajjita matakabi javalia taneyaa evetsinünú tsane". ³ Neejjata Samuel tüpa, juya dajjita Israel pijivi wü nua pamá javata mütjutatsi, pepo pija tomarata. Pijinia, Saul baja pa ira vekua juka petüpoevi jumape karunaevi pe baru kuikuijaini peyati ata. ⁴ Neejjata Filisteovi nakaetuata suneru tajjunae javaberena ponarena; Saul jaya Israel pijivi kaetuata, juya bajaraapamaonae Gilboa javata nayatajjunaeta. ⁵ Saúl itsa tane Filisteovi pija wajabütsaü, bajaraaponü junavajjuaba, bitso jamatabü ütjü daidaijai tsujjuabí. ⁶ Saúl pijatuujjanemü javaabelia wajüta peyavenonae neejjatsi, baitsi jane itsiata petujjanenü apo jumepitsitsi; amajitsinaebota, Urim javaa ata, petuujjanenü pejume paebinü javaa ata. ⁷ Neejjata Saúl jumaitsi pija pianivi javaalia, "Paneto kajjitaajarabare petiriwa petupaevi pe barü kuikuijaiva, jamateejema bajaraapowa javaabelia ta ponae neejja livaisitave tsipaebi neejja. "Pija pianivi jumaitsitsi, taema, endortalia pina ponapona petiriwa petüpaevi pe barü kuikuijaiva". ⁸ Saúl naitotjiana, itsa eseto najjatata, anijanübeje bajaraaponü pepüta ponabeje; bajarapamonae petiriwa javaabelia pona merovita. Bajaraaponü jumaitsi, "Neto kanaüjúbare, bitso pejjania kuene ne ejjanave, pe yati javaabelia, neto jumape karanare pajiviyo kato wünüjonaenatsi". ⁹ Petiriwa jumaitsitsi, "Jjamü yapütaneme jjúa Saúl ejjana, pakuenia bajarouponü itaveta dajjita tomaraajava petupaevi pe barü kuikuijaivi pakuenia pe jumape pe karunaeviata. Neejjata ¿Itsajjujitsia neto ejjaname ta nanekeninejja, ta tüpae neejja ata?. ¹⁰ Saúl najume yeiyitae rajuta bajaraapowa javaabelia petuujjanenü pewünüta ma jumaitsije, "Pakuenia Petuujjanenü asaü, itsakuene apo kakaüjüpae tsane jjua yaabaraje." ¹¹ Neejjata petiriwa jumaitsi, "¿jipatsa neejjata kato karanaenatsi? Saúl jumaitsi, "Samuel jjanünejja neto karunare". ¹² Bajaraapowa Samuel itsa taetaba, bajaraapowa ayaijumeta aüjai jumaitsi Saúl javaabelia, ma pakueniaje, "¿Itsajjujitsia neyaamajji tjorobaame? Tjamü kaajena Saúlmü". ¹³ Ira nakua evetsinü bajaraa powa jumaitsitsi, "Pütsa junavame. ¿Dejjua taneme?". Bajaraapowa jumaitsi Saúl javaabelia, "Taniji Dioso mona pejunaevitsia ira vetsia". ¹⁴ Bajaraaponü jumaitsi bajaraapowa javaabelia, "¿De pakuenia bajaraaponü taneme? Bajaraapowa jumaitsi, "Perujunü raja juna najetaruka; najjatata piapiajava". Saúl pejamatabü utjüto verena Samuel ra kaajena jai, neejjata pitabara nenia iraa bereka yeiyataya bokareka. ¹⁵ Samuel jumaitsi Saúl javaabelia, "¿Itsajjujitsia nejamatabü itontame ne junae ejjaname?" Saúl jume kanaviata, "Bitso raja tajamatabü bü jaijjae, tsipaji raja Filisteovi bitso nesivaa nawabütsaüta, Dioso pijinia nenakopjinüta apo nejumepitsiatabaja, pejumepitsiatabaja, pejume paebivi javaa ata, majitsinaebota ata. Bajarajjujitsia jjamü kajunatatsi, tane jumaitsi neejjamü jjua ejjanae jitsianü". ¹⁶ Samuel jumaitsi, "¿Itsajjujitsia neejjata neyanijiokame jjanü, Petuujjanenü itsa kanaitajjutojemata, bajaraaponü jane nija wajabütsaünü naejjana?" ¹⁷ Petuujjanenü ejjana jjamüta jjua jjamü javaabelia ejjanaeju jai, petuujjanenü kavekuapita nenamatakaitoarobi kuene juya raabaja itsajiviyo rajata bajaraapajiviyo raja David". ¹⁸ Tsipaji jjamü petuujjanenü apo jame kowünütsimü apo ejjanaemü matamo kuenia Amalec javaabelia. Neejjata jjua ajena baja tanemeje. ¹⁹ Bitso bijí kaajena, petuujjanenü filisteo pekobeyaabelia Israael monae pakuenia jjamüata. Meravia jjamü nejji yaajava jjamü javaabetsina ponaema. Petuujjanenü Filisteovi pekobeyaabelia kanavia tsiana Israel pija wajabütsaü." ²⁰ Neejjata Saúl kae kuenia iraabereka jopareka bitso kajena junava Samuel pejumeta. Asaü jibi bajaraaponü, tsipaji matakabijebi apo naabane, bajarapameravi ata. ²¹ Bajaraapowa Saúl kujirenatsi tsipaji bajaraaponü bitso jamatabüija jai, neejjata bajaraa powa jumaitsi, "Taema, nija pianiwanü kajumetanetsi; bitso jjanü netsi ayai kajumetanetsi nua jjua nebarü kuikuijamü. ²² Jjuya, neitajjutotsonia taema, ne jumetaema nija pianiwanü, nekopare pejjaejavayo takato etsinejja nitabaraata. Jjaema ikatsia nesaü rukaenejja nenuviatsinu nija ²³ namutua. Itsiata apo je jai jumaitsi nua, "Jjamü apo jjaenütsane". Baitsi jane pija pianivi, petiriwa yaajava najume yanata, neejjata jumetame. Neejjata iravetsina nonotapuna kamata eeka. ²⁴ Bajaraapowa jjainanuta becerronü penasiitsinü pija boota, bajaraapowa kanajjaíta bitso neejjata beyajjuaba; bajaraapowa harina beno piita, tsapaka, levadura neejava to seeba. ²⁵ Bajaraapowa Saúl javaaberena to karena pija pianivi ata, bajaraapamonae naabane. Neejjata bajaraapamonae monobapuna bajaraa pa meraví poneeka.