¹ Nejjata David Naiot vekua pitsapa Ramá javabertia vena Jonatán javaaberia jumaitsi:"Itsajjua jjanü ejjanajû?¿Dejjua raja jjanü tajaneekonü?¿Itsajjua raja ta neekoni ajja pitajjutua tanejaitsinejja tane beyajjuabinejja. ² Jonatán David jume kanaviata:"Tajü raja saya bajaraa palivaisi,apo tüpaemütsane.Tajja apo ejjanae itsakuenejava ayaijava ata tsikirijava ata netsipaebi neejava.¿Itsajjujitsia tajja tanevekua matayatsitsipae?Apo itsi raja bajarajjua". ³ Itsiata David ikatsia najume yeiyataya rajuta ma jumaitsije:Ajja jjaniavaetsia yapütane jjamü nitajjutua pejjania kuenenia ponaponajû.Bajaraponü jumaitsi:"Pütsa Jonatánpayapütae ejjaname ma jjuaje,tsipaji raja najamatabü jjainaejitsipa bitso".Baitsi jane pakoyeneta asaü Petuujjanenü,pakoyeneta asaümü jjamü ata,imojjoyo jjanü neejja petüpaejava. ⁴ Nejjata Jonatán jumaitsi David javaaberia:"Itsakuene javayota jjua jumaitsimütsane,jjanü ejjanaenajû jjamü yaabara. ⁵ David jumaitsi Jonatán javaaberia:"Mereavia raja peejana juameto ekaenika,janü neto kopiajopa ta na ekaenejja itsajota nakua ira evetsinü nabane:Itsiata nekopare taponae nejja,tanamatayabi neejja wayapjua akueyabi pa meravi javaberia. ⁶ Itsa ajja neitajjana, nejjata jjumaitsimütsane: "David raja ne jumaitsi kopatsianame pina pe kujinaejinae nejja pija tomara Belén javabelia; Pe to tsakiapaenanejja Dioso jjua kae vai kanakujitsia ejjanabiaba dajjita pijanonae yajawa. ⁷ "Itsa jumaitsitsane: "Janepana," nija pianini raja jamatejema ponaponae. Itsa ayaikuene anaepana, nejjata yapütaename pebisiakuene penajamatabü jjainaejawa. ⁸ nejjata neitajjuto tsomataename nija pianinünü: Tsipaji kaponame nija pianinü pe yeiyatae livaisi petuuajjanenü jawa jamuta. Baitsi ista pebisiakkuene jjainajü, kae kuenia nejjata jjamü saya nebeyajjuabare; ¿tsajjujitsia jane tane kaponaemü tsipae ajja jawabelia?" ⁹ Jonatán jumaitsi: "¡kawekua tajü bajarajjua!" Itsa yapütaejitsipajü tajja peka itsakuenebi yabara ¿Apo ka tsipaebitsipaetsi jjanü? " ¹⁰ Nejjata David jumaitsi David jawabelia: "¿Vipatsa jane netsipabiana itsa ajja kajume anayanotsiana?" ¹¹ Jonatán jumaitsi David jawabelia: "Najatsia wayapjua ponatsibeje" nejjata najua pitsapaliabeje wayapjubelia. ¹² Nejjata Jonatán David jawabelia jumaitsi: "petuujjanenü, Israel pija Dioso, pitabü nejawa tsane. Itsa yaniyobianajû meravia tajja ma pitsi matakabijawa itsajume akueyabi pamatabibeje kujinae, Taema, itsa to pejjania livasinü David nejja, ¿ nejjata apo kajunatsitsipaetsi taka yapütae ejjanae nejja? ¹³ Itsa jamatabü kaüjupatsi tajja peka Itsakuniabijawa, Petuujjanenü Jonatán ata itsakueniabi, ayai kuenia biji bitso, Itsajume katsipaebianatsi neyapütaenejja ka Itorobianatsi tajü jamatejema neponaponae nejja. petuujjanenü kayajawa tsane, pakuena ponaponame tajja püüna. ¹⁴ Itsa abajju asaümü, ¿Apo netsitajütsimü tsipae jjua pacto petuujjanenü pakuenia naka itajjuto tsoniatane, netüpae yaniva? ¹⁶ Pütsa navekua tajüyootame pa pacto naka itajjuto tsoniatane tajamonae dajjita matakabijebi nejja, pakujinae ata petuujjanenü dajjita David pekueyevi dajjita Ira pekueyevi dajjita ira vekua ¹⁵ Nejjata Jonatán David pija viria jawabelia pacto ejjana ma jumaitsi nuaje:" Petuujjanenü David pekueyevi bijiana pe nanekonitsijjae David pekobeyalia." ¹⁷ Jonatán David jawabelia najume livaisi yeiyataya rajuta Ikatsia pejamatabü asivajjae,tsipaji kajena ayai kuene asiva,pakuenia najumali asiva. ¹⁸ Nejjata Jonatán jumaitsi: ¹⁹ Meravia raja pejana juemeto ekaenika. Jjanü raja kaitajjanaena tsipaji raja ne ekaejawata pescajava.Itsa ajibi tsarukae akueyabi pa matakabibeje runainika bepijiayo renatsane verena namatayabame pakujinae dajjita jjua tsaneje Ezel. pija iboto imojjoyojavata nukaename. ²⁰ Jjanü raja akueyabi pa puyenebe bijjanaenajü bajara ( jü) pamujjunenia bepe takakujibajarabi kuene. ²¹ Nejjata jjanü tajajivitonü itorobianajü bajarapponü jumaitsinütsane: " Liamüre neto piremelia taja puyene." Pewújúato javabelia itsa jumaitsinütsane: "taema, ne nukae nenia raja puyene nuka; najatsia piremena; nejjata renamütsane; tsipaji kato jjanepana ne renajava jjamünejja ajibi pebisia kuene, tsipaji Asaü petuujjanenü. ²² Itsa jjanü jumaitsinütsane pewüjüato javabelia: "Taema puyenianü raja jjanü vekua tajübelia nubenalia," nejjata taja ponaename tsipaji raja petuujjanenü tajü kaitoroba. ²³ Waja kuijuijaibeje yaabara, taema, petuujjanenü naka yaajava tsanebeje dajjita matakabi neejja. ²⁴ Nejjata David namatayata unuabelia. Pe pakujinae peejana juemeto ekaika, iranakua evetsinua pejjae neejja eeka. ²⁵ Ira nakua evetsinü pe ekabiabi javata eka, pakuenia ekabiaba imojjoyo bo najumaraabelia eka. Jonatan nonuta pana, jaya abner Saúl pemujjuneneta eka. David pe ekabiabi javata tsabiabi sajinanuka. ²⁶ Saúl itsa kuene javayo apo jumaitsi bajara pamatakabi jamatabü jaijjae: Itsa kuene java meta kajena tane. Bajaraa ponü apo niojai: meta kaajena apo niojai". ²⁷ Anija matabi kujinae, peejana juemeto pe ekae matakabi kujinaetsika itsa jota David ekabiaba saajina. Saúl jumaitsi pejjinato javaabelia: "¿Itsajjujitsia Isaí pejjinato apo na rena pena jjaenejja, kanivi ajena ata? ²⁸ Jonatán jame pita Saúl: "David ne navajüta jjanü javaaberena Belén javaabelia pe ponae neejja. ²⁹ Bajaraa ne jumaitsi: Pejjania kuene ne ejjanare ne kopare taponae neejja tajamonae jjaina pija tomarata ta pe to tsakiapaenejja petuujjanenü ta mata pijinü ne itoroba bajarajootalia ta na nukae neejjalia. juya itsa nitajjutua pejjania kuene kato ponaponatsi, ne to kopare ta ponae neejja taja juyapijivi matapijivi yaajava pejjania kuene." Bajarajjujitsia raja raja apo na rena rey pija mesa javaaberena. ³⁰ Nejjata Saúl baraa anapana ayaikuene Jonatán, jumaitsi bajaraa ponü javaabelia: "Itjamü, pe akujiribewa pejjinatomü pe anaepanaewa!¿Apo yapütae meta ne baraa jamatabü jamü ne natsatsijava Isaí pejjunato yaabara, ne aura kuene neejja bajara pa kuenia ena peka aurajava neejja? ³¹ Abajjü itsa Asü Isaí pejjünato ma pa ira bojjotaje, jamü ata, nija nakua apo jjanaemuitsane ne evetanukae neejja. Saya baja, itorobare tanetoo kaponae neejjaerena, tsipaji kaajena tsiteka petüpae neejja to rukatsi. ³² Jonatán pajja Saúl jume kanaviata: "¿Itsa pa neekoni yaabara bajara ponü be tüpa?¿Dejjua bajara ponü nanekonita?". ³³ Neejjata Saúl pija kuererebo tsibijjanajjuaba pe beyajjuabi neejja. Neejjata Jonatán bajara pakuenia yapütane David pe jamatabü beyajjuabijava. ³⁴ Jonatán nonotapuna mesa vekua bitso anaya kuenia neejjata apo jja ikatsia anija natakabi javalia itsa juemetota, tsipaji sivaa najamatabü jjaina David yaabara, tsipaji pajja urabatsi. ³⁵ Bajaikunua, Jonatán unuabelia pona Davidbeje pe nakajjitajarabi neejjabeje kaenü pewüjüato pü yanatatsi. ³⁶ Jumaitsi piajitonü javaabelia: "Kujinae ponaremelia ta bijjanae puyenia nü ne to nore." Abajju pe kujinae ponae javata pewüjüato, bajaraa ponü bitso be belia pija puyene bijjanalia. ³⁷ Pewüjuato itsa palia itsajota puyene jopa jjua Jonatán bijjanalia, Jonatan pewäjuato junata, neejjata jumaitsi: "¿Apo nuka kaajena puyene tajü jjamü vekua?" ³⁸ Neejjata ikatsia Jonatan pewüjüato junata: ajjanetsiayo, bitsojinare, pütsa nukajopame!" Jonatán pija pewüjuato kaetuata dajjita puyene pija tujjanenü javaabelia naviata. ³⁹ Itsiata pewüjüato apo yapütae itsa kuene javayo, kaenü Jonatán David beje najume livaisi ya pütanebeje. ⁴⁰ Jonatán rajuta pija bitsabi pewüato yaajava jumatsi: " Ponare, kaliamüre tomaraabelia." ⁴¹ Aajena pewüjüato navialia David nonota puna momota vekua, ira bereka irataaya jopajunua, akueyabi patobeje irabereka nabüjjüyubaajaraba. Naitabara tsutsunebeje ya itajjutua nueyabeje, David kaajena bitsoyo kueneta nua. Jonatán David javaabelia jumaitsi: "Jamatabü jjanepanaya ponare tsipaji raja najua najume yeiyataya livaisi narajutatsibeje Petuujjanenü pewünüta ma pakueniaje: "Petuujjanenü wajjaitsibeje nakayaaja tsane, taja viria jjamü ata mija viria ata dajjita matakabi javaabelia. ⁴² Nejjata David monotapuna pona, juya Jonatán pija tomaraabelia navialia.