¹ Saúl jumaitsi pejjunato Jonatán javaberia dajjita pija pianivi javaaberia David pe beyajjuabi neejja.Baitsi janeJonatán,Saúl pejjunato,bitso kuenia David asiva. ² Nejjata saya Jonatán David javaberia jumaitsi ."Tajja Saúl jamatabü kabeyajjuaba.Itatsakaajinare bajaikunua namatayabare nua itsajota itsajiviyo apo katae. ³ Jjanü pitsapaeliajû tajja pemujjuneneta nukaenajû wayapjoto itsajota jjamü nukame,jjamü yaabara tajja bejebarükuikuijanü tsane.Itsa jjanü jume livaisi jumetaenajû,jjanü katsipaebianatsi". ⁴ Jonatán pajja Saúl javaaberia jjaniavaetsi David yaabara kuikuijai neejjata bajaraaponü javaaberia jumaitsi,"Pütsa kopatame ira evetsinü pe nanekopnitsijava pija pianinü David javaaberia.Tsipaji raja bajaraaponü jjamü javaaberia apo nanekonitsi,bajaraponü pekueneta jjamü yawünütoyoname. ⁵ Bajara ponü Filisteonü biji beyajjuaba.Petuujjanenü dajjita Israel ayai kuene amoneyabi ejjana.Jjamü tanemebarüyamünua.¿itsajjujitsia benanekonitame apo penanekonitame apo penanekonitsinü pejanata ne beyajjuabitatsane David saya baja?" ^{7 6} Saúl namujjünaa eveta Jonatán.Saúl najume yeiyataya rajuta,"Pe asaünü Petuujjanenü,bajaraa ponü apo tüpaetsane". 7 Nejjata Jonatán David junata,Jonatán dajjita javaaberia bajarajjua paeba .Jonatán barürenatsi Saúl javaberena,bajaraponü ikatsia pekowü kuene ponapona. ⁸ Ikatsia nawajabitsaüta,David pitsapa Filisteovi pe barünabe neejja amoneyaba ayaibitsaüto beyejeba.Bajara pamonae ruküpeka pitabineejava. ⁹ Pebisia jumali Petuujjanenü Saúl tsijone ejjanatsi pakujinae bajaraponü pija bota eeka kuererebo kobena,David peto rakatsi javata. ¹⁰ Saúl jamatabü yaajaba matabiaba pija kuererebotaDavid bo najumaraabelia,itsiata bajaraaponü Saúl javaberia vekua natijjita,Saúl sayaneejjata ü bo najumarata pija kuererebo matabiajjuabaruta.Baja pa merevi David najetabijiriva panepa neejjata. ¹¹ Saúl itoroba peto naitajjuto kaevitsivitsi David pijaboyaberia jamatejema bajaikunua pe beyajjuabi neejja". ¹² Nejjata Mical ventana javareka runae ejjanarekatsi David.Bajaraaponü najetabijiriva baja pa meravi. ¹³ Mical jumape kataejava pita bo pijinü kamata buata.Nejjata bajaraapowa penamatajjü yaitsijava kabra na java matayaütabuata,pesimata akatabuata. ¹⁴ Pkujinae Saúl itoroba pijajivi pe vaetabinejja David,bajarapowa jumaitsi :"Bajaraaponü raja domaebatsi". ¹⁵ Nejjata Saúl itoroba pija jivi David pe tae nejja;bajaraaponü jumaitsi:"Paneto kaponaremena yaakama,jamatejema tabeyajjuabi neejja. ¹⁶ Itsa joneya pijajivi ,tane,ü jumape takaenü bo pijinü saya boka camata penamata bujji jjaitsijava cabra naajava ata. ¹⁷ Saúl jumeitsi Mical javaaberia:"¿Itsajjujitsia ne yaamajji itorobame ta kueyenü kopatame pe najetabijiravijava?".Mical jumepita Saúl:bajaraaponü nejumaitsi:"Nekopare ta ponae neejja,itsajume jjanü kabeyajjuabianatsi". ¹⁸ David kujinaetabijirava taajü bajara pa kuenta panepa,Samuel javaaberia pona Ramá javabertia,tsipaeba dajjita jjua Saúl ejjanatsi.Nejjata bajaraaponü Samuel yaajava Naioth javaberia ponabeje bajarajootalia ponaponabeje. ¹⁹ Bajaraajjua Sañul tsipaebatsi,ma jumaitsije:"Taema,David raja Naioth javataria nukaria Ramá tomarata. ²⁰ Nejjata Saúl pijajivi itoroba David pe waetabineejjatsi.Itsa bajaraapamonae tane profetavi pe yaajava paebanukaejava,bajaraapamonae matakanüka,Dioso pija espíritu Saúl pijajivi tsijunuatsi,bajarapamonae ata nejjata na profetisaba. ²¹ Ma jjuaje Saúl itsa tsipaebatsije bajaraponü itorobalia itsamonae ,bajarapamonae ata profetisaba.Itsiata Saúl itorobalia pijajivi akueyabi patobeje,bajarapamonae ata profetisaba. ²² Nejjata bajaraponü ata Ramá javaaberia pona Secú mutjü javaberena.Bajaraponü yanijioba,"¿Itsajota Samuel Davidbeje nukabeje?"itsa jiviyo jumaitsi,"Taema,bajarapajivibeje Naioth taria nukabeje Ramá tomarata. ²³ Saúl Naioth javaberia pona Ramá tomaraaberia.Dioso pija Espíritu pijinia tsijunuatsi,bajaraberia pe ponaenü,bajaraponü profetisaba,pe patsi javaberia Naioth javaberiaRamá tomaraaberia. ²⁴ Bajaraponü,pijinenia,najuma jona pija ese,bajaraaponü ata profetisaba Samuel pitabarata jumasa pematabakabüta Dioso to nuka matakabijeebi dajjita bajaraa pa merevi.Bajarajjujitsia bajarapamonae jumaitsi,"Saúl ata kaajena profetamonae tuatuajuta na ponapona?"