Capítulo 1
1
Pakuijinae reinu David perujuniyo,baja ra pamonae akababiaba manta panata , pakujinae barponü apokuene kaujupatsi pe perabu atajunejja .
2
Nejjata piaja pianiwi jumaitsitsi baja rá ponü jawabelia: "Pakato junatsianatsi emasia rukaewa patane e wetsi nümü nejja, baja rá powa jjamü kaewetsiana . Baja rá powa jjamüta bokaena nejjata baja rá pakuenia ne perrabü ataju nejja".
3
Nejjata baja rá pamonae pona pejaitsiwi pejanawa pejjaniawa dajjita Israel tomara jawa, kajji tajaraba Abisag sunamita tomarra jawata pe ponaponae wa nejjata kapoarena peya naküa ewetsinütsi jawa berrena.
4
Pejanawa pejjaniawa, baja rá powa nakua peya ewetsinü ewetapona pona. Itsiata peyanakua ewetsinü apo naperabu kentsiatae baja rá powa jawabelia.
5
Bajarra pamata kabianu jawa, Adonias, Haguit, pejjunato, na pinijiyo ejjana piaja kuenia jumaitsi ma pa kueniaje: "Jjanu taja na kua tae wetsinu tsane. Piaja kueneta jjaniawaeta baja ra po nu petsi wajunae namata jjainae mojji nejjatsi jiwi yajawa cincuenta 50 ponu beje pe waju naya kuijinaya buatapona ponaewi nejja.
6
Pajja kaeto ata apo jumaitsitsi anaeya mapakuenieje: ¿Detsa jjuajitsia ejjaname baja rá pakuenia?" Adonia ata baja kajena pejjanianü. Pena ejjanaenü Absalón kujinae.
7
Baja rá ponü wajjita liwaisi Joab jawabelia Sarvia pejjunaato, Abiatar sacerdotenu yájawa. Jamatabü kuene jüpabeje Adonias nejjata yawenonabeje.
8
Nejjata Sadoc sacerdotenü, Benaía, Joiada pejjünato, Natán profetanü, Simei rei pebijiwi pejamatabü kuene saüiwi David peyajawa ponaponaewi apo puna ponaetsi Adonías.
9
Adonias to tsakiapa, baca, beserro nakuetonu pesacitsinuanu Zohelet, baja ra paiboto nuka Rogel pemujjuneneta, junata dajjita piji yapijiwi , David dajjita pebijiwi juda pijiwi, pija jivi yajawa.
10
baja ra ponü apo junatsi Natan profetanü, Benaia,pebijivi pekuene aitatsakawi pejuya pijinu Salomon ata.
11
Natán barü kuikuijai Betsabé, Salomón pena, jumaitsi: "¿Apo jumetaemü tsaja Adonías, Haguit, pejjünato, peyanakua ewetsinü na-ejjana, David waja naka ewetsinü apo yapütae.
12
Wekae kajumaitsi tsanetsi, nepanepae nejja jjamü Salomón ata.
13
Ponaename David jawabelia nejumaitsi nejja waja yanakua ewetsinü jawabelia: "¿Nija jiwitowa jawabelia tsaja apo jumaitsimü mapakueniaje; jjamü nejjünato Salomón jjanü kujinae taja tajjünaeta juya ekaena?" ¿Detsa jjuajitsia nejjata Adonías naka yanakua ewetaponapona?
14
Nebarü naliwaisita kainü jawata, jjanü patabianajü, jjaniajai rabaja paliwaisi kajumaitsi tajainejja.
15
Nejjata Betsabé joneya David pepona ponae jawabelia. David baja bitso perüjunüyo, Abisag sunamita wa eweta ponapona David.
16
Betsabé nuka David pitabarata pematabakabüta peyanakua ewetsinü jumaitsi: "¿Detsa jjüa jaitame?
17
Baja rá powa jumaitsi bajara ponü jawabelia: Jjamü najume kajunuame jjanü jawaberena nija Dioso pewünüta mapakueniaje: Nejjünato Salomón taja tajjunae kowüta juya ekaena jjanü kujinae.
18
Taema, jane, Adonías baja naka yanakua eweta baja rá jjua jjamü apo yapütaenü.
19
Baja rá ponü seba baka-nü, oveja monaenü, nejjata junatatsi, Abiatar sacerdotenü ata Joab wajabitsaü penamata kaitorobinü ata, jane baitsi apo junatsitsi nija jiwitonü Salomón.
20
Taja tú jjanenü dajjita Israel nakua pijiwi kajamatabú kuene ewetawanapá netsipaebinejja ponü ekaijitsia jjamú kujinae taja tujjanenü.
21
Itsa baja jjamú tajjunato Salomón pane taenabeje be jiwi pata benübeje.
22
Bajará powa abajjú itsa kuikuijai tsekae pijatujjanenú jawabelia, Natán jonena.
23
Peyanakua ewetsinü pijajiwi jumaitsi Natán najaetaruka pakujinae jonena Natán peyanakua ewetsinu jababerena pematakabütá tonuka yaiyataeya pijatujjanenü.
24
Natán jumaitsi: "Taja tújjanenü, '¿Jjamüjumaitsimü mapakueniaje: Adonías jawabelia jjanü kujinae ekaename taja trono jawata ne ewetsinejja?"
25
Baja rá lia ajena petajuitsinu dajubi Dioso nejja taja tujjanenÜ nejjiyajawa y wajabitsaü penamata kaitorobiwiyajawa Abiatar sacerdotenü. bajara ponÜbeje jjaepona ponabeje yajawa apae pona ponabeje bajara ponÜ pita bÜ nejewa, nejjata jumaitsi: '¡ayai mata kabi na rajutsiana rey Adonias!'
26
Itsiata jjanu Nija jiwitonünü Sadoc sacerdotenü beje Benaía pejjunato Jodaia, nija jiwitinü Salomón, apo panejumaitisi.
27
¿Jjamü tajatujjanenü jumaitsimü panetsipaebi nejewamü ponü ekaejitsia jjamu kujinae?"
28
Nejjata David jumaitsi: "Neto junare Betsabé nejjata to junata" Betsabé nejjata Rena David jawaberena.
29
David nejjata jumaitsi: Kaenü Dioso neyavenona najetaruka itsa livaitsi natsi jjainajü.
30
Jjua kajumaitsitsi Dioso nejumetane takajumaitsijava pe ekaenejja tajjunato Salomón jjanü kujinae tronota.
31
Betsabé pematabaka büta yaiyataeya pijatujjanenü David. Nejjata baja rá powa jumatsi bajayajebi ponaponaename.
32
Nejjata David jumaitsi: "Paneto junare Sadoc sacerdotenü, Natán profetanü, Benaía pejjunato Joíada nejjata baja rá pamonae ponarena.
33
Nejjata jumaitsitsi pakaponare nijatujjanenü pijajiwi yajawa Salomón pejjünato kaponare tajamülata jiwi petaenejja Gihón jawabereka.
34
Patokopane sacerdotenü, profetanü pewajutsinejja Dioso javabelia wajanakáyanakuaewetsinünejja páobare trompeta, pajumaitsimüre: ¡bajayajebi ponaponaename Salomón!'
35
Nejjata renatsane jjamü jawaberena peekaenejja tronojawata pe ewetsinejja Israel, Judá tomaranü.
36
Benaía pejjunato jumaitsi tajatujjanenü pakuenia jjamü jumaitsimü Dioso ata kajumetane jjua jumaitsimü.
37
Pa Diosonü kayajawa baja rá pa Diosonü yajawatsi tajatujjanenü Salomón ayaitrono pa ejjanaename David matatojjenetsia.
38
Nejjata Sadoc sacerdotenü, Natán profetanü, yajawa Benaía pejjünato Joíada, cereteos, peleteos yajawa najetarüka Salomón David pija mulatá Gihón jawabelia.
39
Sadoc Sacerdotenü jutsina pija aceitebüyo petsimata epanaenejja Salomón. Nejjata trompeta oba jiwi nejjata jumaitsi bajayajebi ponaponaename.
40
Nejjata ayaibitsauto jjaneto yajawapona.
41
Adonías dajjita pejünatsiwi peyajawa ekaejawata jumetane pakujinae baja najani werenerüküpa. Pakujinae Joab jumetane pejume trompeta, baja rá ponü jumaitsi: "¿Dejjuajitsia tomaratalia nabijataya wawajai?"
42
Baja rá ponü pejjünato Abiatar sacerdotenü, rena Adonías jumaitsi: "Jonemena jjamü tsipaji jjaniwaetsia neponaponaenü kanajetarukame pejjania liwaisi."
43
Jonatán nejjata jume kanawiata Adonías jawabelia: "Waja tujjanenü, nakua ewetsinu David, nuta baja peya nakúa ewetsinü nejja Salomón.
44
Baja rá pónü nakua ewetsinü itorobalia baja rá ponüta Sadoc sacerdotenü. Natán yahawa Dioso pejumeliwisi kaponaenü Benaía jawabelia pejjünato, cereteos wi jawabelia áta, pereteos wi jawabelia áta. Baja rá pamonae Salomón yotsia tsi mula jumátsia peya nakua ewetsi nütsi piajanüta.
45
Sadoc sacerdote nü Natán Dioso pejumeliwaisi kaponaenü, aceite baja tsimagta epana peya nakua ewetsi nü nejjatsi jawabelia nejja Gihón, baja rá wérena kujinae baja kajena jamatabü kuene baruya tsanaje tarubena, baja rá jjüata bitso jivi jume kirina tómarata bájara pajume rabaja pajjamü pajume taneme.
46
Salomón pijinia eka peyanakua ewetsiwi pe enabíabiwi tajjunaeta.
47
Biji kaena peyanakua ewetsinü piajiwi ponarena pe bendiciabi nejja pataja tujjanenü, potane ya nakua ewetsinü David, pejumaitsi nejja: "Jjamü nija Dioso bitso wünü jjaniatsianatsi pewünü Salomón jjamü newünü matatojjenetsia, ne eka biabi tajjünaemi matatojjénetsia. Baja rá jjüa kujinae peyanakua ewetsinümi nabujjütsüta pebokae jawata.
48
Peya nakúa ewetsinü jumaitsi: "Pejjonia jamatabukuenenü bitso petújjanenü, piaja Dioso nü Israel, baja rá ponü rajuta jiwi taeweta biabi tajjü naemi maa pamatakabitaje, taniji rabaja kajena taita jjutota."
49
Nejjata dajjita pejumaitsiwi Adonías na junawiaka bitsó. Baja rá pamónae baja nejjata poneka kaejivi kanakujitsia poneka itsabelia jitsipa.
50
Adonías nejjata kujjúnawa Salomón, nejjata nanatapunalia pewaetobanukaenejja pamata etonü nubena altar wünüjawata.
51
Nejjata Salomón jumaisitsi mapakueniaje: "Taema, Adonías bitso kujunuwa nakua ewetsinü Salomón, baja rá ponü waetaba nukalia (altar) jawata penubenae jawa jumaitsanukae: Pakópare waja naka yanakua ewetsinü Salomón Dioso pita baráta pejumaitsinejja apo beya jjuabinü tsane tajawitonü espadata.
52
Salomón jumaitsi: "Itsa baja rá ponü jjaniawaetsia ponaponaena pebi kuenia jjanepanaena, cae matanatoyo ata apo to jopaetsi tsane irata, baitsi jane itsiata itsa kajjitajarabiana pibiciacuene pejjanaenü kuene, baja rá ponü tupaena"
53
Nejjata peya nakua ewetsinü Salomón itorobalia piajiwi, baja rá pomonae kaponorena Adonías altar jawa wetsika. Bajará ponü rena nabüjjü tsüreka nakuo ewetsinü Salomón pita barata. Salomón jumaitsi: ponare baja booyabelia."