¹ Ataama sidinnaiidiya nnutuu yauvove. Suai Anutuuqo vaidiiva uu vaki, ari mmanna mmannaa tuanaavai iima kieeravai. ² Vaidivaa iinno gioonnai vaata iima kioo, nnutuuda mmioo raabaiva taramaaya yapakieeravai. ³ Suai Ataamo 130 nuanu vayoo, mmaapu voovai mmatakioo nnutuuva mmioo Seeto tiravai. ⁴ Ataamo 800 nuanu varikioo, kaayau mmaapu yauuva mmatoo rauunnai yauuva mmateeravai. ⁵ Ataamo 930 nuanu varikioo putiravai. ⁶ Seetoova 105 nuanu varikioo Enoosa mmata kieeravai. ⁷ Enoosa mmata kioo 800 nuanu variravai. Naagiai kaayau mmaapu yauva mmatoo rauunnai yauva mmateeravai. ⁸ Seetoova 912 nuanu varikioo putiravai. ⁹ Enooso 90 nuanu varikioo Kenaana mmateeravai. ¹⁰ Kenaana mmata kioo 815 nuanu variravai. Nnaagiai kaayau mmaapu yauuva mmatoo rauunnai yauva mmateeravai. ¹¹ Enooso 905 nuanu varikioo putiravai, ¹² Kenaano kaayau nuanu varikioo Maharareera mmata kieeravai. ¹³ Maharareera mmata kioo Kenaano 840 nuanu variravai. Nnaagiai kaayau mmapu yauuva mmaato rauunnai yauva mmateeravai. ¹⁴ Kenaano 910 nuanu varikioo putiravai. ¹⁵ Maharareero 65 nuanu varikioo Yareeta mmateeravai. ¹⁶ Yareeta mmata kioo, Maharareera 830 nuanu variravai. Nnaagiai kaayau mmaapu yauva mmatoo rauunnai yauva mmateeravai. ¹⁷ Maharareero 895 nuanu varikioo putiravai. ¹⁸ Yareeto 162 nuanu vaarikioo Inooka mmateeravai. ¹⁹ Inooka mmata kioo, Yareeto 800 nuanu varivai. Nnagiai kaayau mmaapu mmatoo rauunnai yauva mmateeravai. ²⁰ Yareeto 962 nuanu varikioo putiravai. ²¹ Inooko 60 nuanu varikioo Metuseeranna mmata kieeravai. ²² Inooko 300 nuanu Anutuuqa tasipama nuaiinno yapooma kioo Metuseeranna mmata kieeravai. Naagiai kaayau mmaapu yauuva mmatoo rauunnai yauuva mmateeravai. ²³ Inooko 365 nuanu variravai. ²⁴ Inooko anutuuqa tasipama nuaivaara, Anutuuqo nnabaa riradee inna viteeravai. ²⁵ Metuseerava 187 nuanu varikioo Rameeka mmateeravai. ²⁶ Rameeka mmata kioo Metuseerava 782 nuanu varivai. Naagiai kaayau mmaapu yauuva mmatoo rauunnai yauuva mmateeravai. ²⁷ Metuseerava 960 nuanu varikioo putiravai. ²⁸ Rameeko 182 nuanu varioo mmaapu voovai mmata kieeravai. ²⁹ Nutuuvoo Nuvuaava, tinoo "aa voono fai gioonna kiaapuuya mmuaarai vaatama mmamma nniitareera mmoorii yauuva iya yaakuu yauvaudiri varainnaanaravai. Iyauu voo inna Anutuuqa auusa nnannateeravai. ³⁰ Rameeko Nuvuaanna mmata kioo 595 nuanu variravai. Nnaagiai mmaapu kaayau mmatoo rauunna kaayau mmateeravai. ³¹ Rameeko 777 naunu varikioo putiravai. ³² Nuvuaava 500 nuanu varikioo, Seeeto,Haamo, Yafeetainna mmata kieeravai.