¹ Ataamo Evaanna tasiipama variravai. Inna tasiipama varuduu Kaiinga mmateeravai. Nii Anutuuqo kati nimmivai. ² Nnaagiai Evaava Kaainga kataiva Abeera mmataivai.Aveero puarara haiitatu ranavai, Kaaingo mmoori vareerana vai. ³ Voo suai voo vaki, Kaaingo ari yeenna yoketaiyauva varo oro Anutuuqa mmiravai. ⁴ Aveero Anutuuqara puara ruputu kioo hudeera vai,hudoduu Anutuuqo innara yoketairavai. ⁵ Anutuuqo hama Kaaingara yamave tuduu inna oori nnikivoo hanigioo nnanna teeravai. ⁶ Aaginivo Kaainga tunoo. Aanira ii ausaivo mmuararaikio ii oori nnikivo haigiainnee? ⁷ Ee safuuma iikiannatiri naa aiiyara sirigaa kiautirivee.Hama aa safuuma iino fai mminna mminna maisaivo ii utioo ii haitatunai tee yagueeama varainnaane. ⁸ Ivaara Kaainga nnanna toduu Kaaingo mmoori aakiaivaki Aveera ruputu kioduu putiravai. ⁹ Antuuqo Kaainga tunoo, moo ii kataivoo Aveero deepi kuainne? Duduu rikioo inna sai tunoo, hama naa inna tauvaivee gioono inna haitatu vainne? Hama naa inna tauvai. ¹⁰ Anutuuqo tunoo, ee aanivainna ikiannanne? Ii kataiva kiau voo mmata aavau niyara aayanna roovarino. ¹¹ Aanna make ii kataiva kiauvo ayanna roo varino. Inna kiauvo avaikamakioo ayanna roo varino. ¹² Suai aa mmataivaa kusiino, mmataiivo fai hama nnammari aatainaravai. Fai hama tuiinnama yeenaivo kaana vainavai. Fai hama ii yoosinna mmaayootaivo taiinaravai. Fai aa mmataavau ii nuairaivo vaidii sabii nuairaiya roosima aa mmata aavau vainaravai. ¹³ Kaaingoo Anutuuqa kiammoo tinoo mmuaaraiva varaukoo pinaama niiya vainoo. ¹⁴ Ii suai tuana iivau, vayau aavau dirii aanira varainnanai fai naa ii avuvau hatainna aatunna aa mmata aava pikiee mmata seemuavai nuainna varinaravai. Fai nii nuairaivo kati mmata aavau nuainai vaidiiya niteeda nii ruputuaravai. ¹⁵ Anutuuqo inna tunoo, vaidii voo voono ii ruputinai fai na irisai yaaku saivai saainai dirii taarama irisai iinaravai. Anutuuqo atau voovai Kaaingaya yapaivai, vaidii voo voono inna too fai hama inna ruputinaravai ¹⁶ Kaaingo Aaginiva pikioo oqo mmata voovai nnutuuvo suai viranni varivai, ii mmata ivaa Ideeno. ¹⁷ Kaaingo ari nnaatai vayaadiri mmaapuva Inooka mmata kieeravai. Ivoo yoosinna voovai iima kioo, ii yoosinna ivaa nnutuuva Inooko vee tiravai. ¹⁸ Inooka mmaapuva nnutuuvo Iradaava. Iradaanna mmaapuva nnutuuvo Mehusaraava. Mmaapuva nnutuuvo Metusaraava . Metusaraanna mmaapuvo Rameeko. ¹⁹ Metuseraana nnaatai vaitana nnutuudo Adaaya Siraayave. ²⁰ Adaa vaano ari mmaapu Yaboora mmataivai. Yabaara nneedi yaano puara burimakau yara haitatuuda puara nnau yauvaara haitatuuravai. ²¹ Yabaara kataiva nnutuuvo Tubaaro. Tubaara nneedii yaano toori yauuva hatuku ridaa kuaru tirana vaidii yavee. ²² Siraava ari mmaapuuva Tubaara mmataivai. Tubaara mmoorivo, baraasai yauuvaata, aiinai yauuva iirana vaidiivai. ²³ Rameeko ari nnaataivai tana Adaaya Siraaya tinoo, ngia taarama nikuaava rikiatee, ngiaammau voo voono nii rupuyikiai na inna ruputuauko putivai. ²⁴ Hokooba suai taiika kiaikioo, Anutuuqo kuativai. Vaidii voo voono Kaainga ruputino fai Anutuuqo irisai yaakusaivai sainaidiri taaraneetu irisai iinaravai. ²⁵ Ataaamo kava ari nnaataiva tasipama varuduu, nnaataivo kava mmaapu voovai mmata kioo nnutuva Seeto tiravai. Antuuqo Abeera mmaatai vaki Seeta nimmira vai. ²⁶ Seeto ari mmaapuva nnutuva Enooso vavee tiravai. Ii suai ivaa gioonna kiaapuya toosa hara kiada Aagini vaara sudaa tiravai.